|
يصرخ علي في المطار وامام أخي ..المشكله حلت ولله الحمد)
السلام عليكم ورحمة الله وبركاته
اخواني واخواتي في منتداي الغالي اكتب لكم و الدموع في عيني و الألم يعتصر قلبي و مو مصدقه اللي صار معي نبذه عن حياتي عمري 26 ومتزوجه من 7 سنين ونصف عندي 3 أطفال و زوجي عمره 38 من بداية الملكه ما حبيته بس ما كرهته لكن كنت حابه حالة الخطوبه يمكن لاني ملكت بدري وماعندي اي خلفيه عن الزواج و الملكه و كنت فرحانه بالشي اللي يصير بالرغم من المشاكل اللي كانت ايام خطبتي بسبب اهله وترتيبات الزواج بعد الزواج بدينا نتهاوش على اشياء سخيفه بعد شهر العسل و حتى بشهر العسل كنت ابكي وماكان يهمه اني ابكي و احيانا ماكان ينتبه اصلا اني ابكي انا رومانسيه و اعشق الاشياء الرومانسيه وهو شاطر بس بالكلام بس ما يجيب لي هدايا ابدا حتى لو طلبت منه الا ما ندر وحتى لما نسافر مع اهله مثلا اشوف دلع اخوه و اهتمامه بزوجته مع انهم متزوجين من 11 سنه ماشاء الله و المح واطلب منه شوية اهتمام بس مافيه امل ومع ان علاقتي باهله حلوه وممتازه بس دايم يحسسني اني اكره اهله و اني مقصره معاهم بصراحة اللي بينا اقدر اسميه احترام و مع الوقت عشره المشكله اللي صارت الحين اني يوم الخميس الماضي كنت راجعه من عند أهلي واهله وهو سبقني على المطار عشان يظبط الحجز عشان حجزه غير حجزي انا و الاولاد وقالي اطلعي مع اخوكي قبل الاقلاع بساعه قلت له اطلع قبل ساعه و ربع قال لا عادي وبالفعل طلعت بنفس الوقت و تاخرنا على الطريق و فجاه وصلت المطار وشفته ورمى شنطة بنتي الصغيره بوجهي و قعد يهاوش و يصرخ قدام اخوي ويقولي اني تاخرت وانه ماراح يقدر يروح معنا و بنروح لحالنا !!!!!!!!! وقالي وين مفاتيح البيت قلت له بالشنط ما توقعت اني احتاجهم لاني معاك وهاوشني قالي انا مو اعطيتك المفاتيح و قلت لك خليهم معك بصراحه انا كل هذا ساكته و ماقدرت اتكلم و ماقدرت ابكي وبس مذهوله وناظرت لخوي لقيته مختبص ومو عارف وش يسوي خاصة لما ناظرنا انا و اخوي ولقيت مجموعة شباب واقفيتن يناظروني وانا اتهزا وساعدني اخوي لحد ما ركبت الطياره وانا بحالة ذهووووووول .. قفلت جوالي وما كلمته يوم وصلت بس كلمت امي و طمنتها وهو رجع اتصل على البيت يهاوش لاني ما كلمته صراحه ساعتها انهرت وحسيت انه لو يحترمني عالاقل ما هزاني قدام الله و خلقه قمت قلت ما ابغا ارد بكيفي قالي كيفك بعينك بس احمدي ربك لو اني مو عند ناس كان وريتك قلت له احمد ربك اني ما خليت الاولاد بالمطار ورجعت عند اهلي بكرامتي وسكرت السماعه و باليل ارسلت له ( الله ياخذ الساعه اللي عرفتك فيها و اللي بسببها انهنت و قل احترامي ،، والله ياخذ عمري اللي مو راضي يخلص معك ) رد الأخ وقال ( ما احد ضربك على ايدك !!!) جا ثاني يوم الصبح و ماتكلمت معاه وهو ماحاول يتكلم معي ولاول مره من تزوجت اطلع من غرفتي وانام بغرفه لحالي بس والله مضايقه منه و كارهته وهو اصلا شايفني نفسيتي تعبانه من سفري عشان اهلي وماقدر شعوري كالعاده قولو وش الحل مرررررررررره تعبانه و حاسه حياتي معاه بدات اولى خطوات النهايه اسفه عالاطاله بس لا تطنشوني و اقل شي ادعو لي دعوه تنفعني تم تعديل العنوان ليكون بالفصحى .. |
لاحول ولاقوة الا بالله العلي العظيم
أختي الكريمه.......... لا اعرف ماذا أقول لك ... لكن هديء نفسك وكل مشكله لها حلال الله يعينك ويهديك ويهدي زوجك ... ويجعله قرة عين لك ويجعلك قرة عين له طمنينا عنك |
السلام عليكم ورحمه الله وبركاته
اختي انتي محتاجه لراحه وهدوء لوحدك وترا الدنيا ما تسوي كل هذا الزعل واضح من كلامك ان زوجك هذا طبعه ما يهتم حتى ولو بكيتي مفردك 000وماشاء الله لك 7 سنوات وما تفاهمتم مع بعض وبينكم اطفال اختي يمكن تكون في ظروف نفسيه او انك حساسه زياة عن الزوم ما عليك الا ان تتعوذي من الشيطان وتتوضئ في حال الزعل وكبري عقلك 000وربي يوفقكم ويحنن قلب زوجك لك |
اقتباس:
اشكر ردك و دعاءك جزاك الله خير |
لاحول ولاقوة الا بالله العلي العظيم
هذه مش النهاية هذه البداية استعدي>>>:25: اختي الكريمة جميعا يغضب ويغلي>>>:19: وفي هذه الساعة سبحان الله يصيب الانسان العمى >>>:cool:لايعرف مايقول ويندم لاحقا ليس دفاعا عنه<<<:18: ان معك مع الاحترام<<<<:26: المتبادل وخاصة الاماكن العامة وامام الناس لاكن اصبري اختي يومين 3 الى ماتهدى الامور والحل بالتفاهم معك والله صعبة بس مافي كرامة بين الازواج خليه وان شاء الله تنصلح الامور بس شيلي من راسك فكرة نهاية الزواج اقول ابتسمي فالحياة مستمرة ربي يسهلها:D |
اقتباس:
والله تعبت نفسيتي ،، المشكله انه هو بس كذا معي يعني يهتم بمشاعر كل الناس و خصوصا اهله بس انا لأ دايم اقوله اني اخر اهتماماتك يعني لو هالموقف صاير لاخته بيسكت ؟؟؟ مستحيل طبعا ولو امه اللي تاخرت بيعصب ؟؟؟ مستحيل جدا بس اخوي كبر راسه و سكت ياربي يقولون اللي زين مع اهله زين مع زوجته بس هذا لا ياربي ابغا نفس اهتمامه باهله يكون لي مثله مو اكثر و لا اقل يارب فرج كربتي يارب الف شكر على مرورك ودعاءك عزيزتي |
السلام عليكم ...
الله يعينك يا اختي ... هذه مشكلة الزواج بعمر صغير جدا ما في خبرة والبنت تشوف قدامها مظاهر الفرحة وما تنتبه للأمور اللي زي كذا ,,, الله يعينك ويصلح زوجك ... طيب خلي أبوك أو أخوك أو أحد له كلمة مسموعة وأحترام لدى زوجك يكلمه عن هالتصرف اللي صدر منه ... وخليه يعرف انك مش للإهانة والإحترام والتقدير لازم يكون أساس العلاقة حتى لو ما في حب على الأقل الرحمة والتفاهم .. والله يصلح حالك ... أم حمزة |
اقتباس:
انا صابره من يوم الجمعه انام لحالي و ماتغدا وما انام معاه انام بغرفه لحالي وابكي لحالي و مشتاقة لأهلي وامي قلبها زي النار علي ومو قادره اطمنها وهو مطنش و لا حتى يكلمني وبس ساكتين ما ادري لمتى ،،، طلعت روحي يارب ساعدني يارب فرج كربتي مشكوره حبيبتي الله يجزاك خير |
انتي حاولي انك تسمعين اي كلمه يقولها مثل المفتاح مثلا مثل الموعد
وبعدين حاولي انك تهدين الوضع اللي بينكم و الله يستر عليكم |
هونيها يااختي
بعض الرجال يهتممم جدااا في بعض الاوقات مثل السفر والمناسبات وغيره ويفقد اعصابه لو انحاس شي منها <<<اختك في الله مثل حالتك في الاوقات العاديه حياتنا عسل بس خل يجي سفر او عزيمه او او او على طول تنقلب الاوضاع 180درجه والحل انك تنطشيه وقت ما يعصب وتحطين باذن طينه وبالثانيه عجينه لان المشكله بتنتهي بانتهاء السبب |
| الساعة الآن 07:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©