|
كيف اتصرف مع عمي ؟!
السلام عليكم ورحمه الله وبركاته اخواني واخواتي
احترت كثير وقررت اني استشيركم لان من جد موضوع محير.. انا عندي عم اصغر مني عمره 18 سنه اخو ابوي لكن مو من امه وابوه بس من جه ابوه.. وهو متعلق ببيتنا كثير من صغره ودائما عندنا وطبعا صرنا مقيدين مانعرف نجلس براحه لان طول اليوم عندنا وتعودنا على هذا الشي... بس الجديد لاحظته صار لي شهرين ان نظراته لي ولأختي الي عمرها 13 سنه غريبه من جد مو نظرات عم لبنات اخوه.. الحمدلله الوالد والوالده مربينا احسن تربيه ولبسنا دائما محتشم ولو حسينا ان لبسنا ضيق اشوي نحط علينا شي مانظل كذا امامه..او امام اي احد من قرايبنا.. الوالد والوالده هذي السنه ذهبو للحج فصار كل يوم يجي زياده من الظهر لين اخر الليل وكنت اتعمد اطلع من البيت اروح مع اخواني اي مكان علشان نظراته الي تخوف من جد بقولكم على موقف حصل معاي اول يوم سافر فيه الوالد دخل وسلم عادي وجى يبقى يسلم علي بايده مو بالعاده يسلم بايده انا طبعا استحيت مهما كان عمي سلمت وحسيت ضغط على ايدي وانا على طول سحبت ايدي وقمت عنه واخذت اخواني وطلعت بنفس الوقت وقمت اراقب نظراته وتصرفاته وحصل موقف اخر مع اختي كان جالسه معاي اعلمها واهو جالس واختي البلوزه الي عليها مالت اشوي وبان اشوي من كفتها حسيت عيونه راح تدخل داخل ثيابها وربي ماابالغ..من شفته كذا صرت مااخلي احد من اخواني او خواتي معاه لوحدهم اخاف عليهم من جد.. واليوم حسيت ان الوالده انتبهت لنظراته.... شو تنصحوني اسوي..؟؟؟ الإشراف : تعديل العنوان .. |
دام خالتي انتبهت فالاكيد بتشوف حل
متاكدة من لبسكم محتشم و بعرفك مترباية انت و خواتك بس انتبهو |
لا تخافين حبيبتي مادام الوادة الله يحفظها لكم [blink]ان شاء الله[/blink] انتبهت اهي بتقوم بالواجب
الله يهديه يارب |
الأخت الفاضلة الحائرة
الموضوع حساس شوية لأنه عمك ولكن عليكم أن توقفوه عند حدته اليوم وليس غداً على رأي المثل (حاميها حرميها) عليه أن يعرف أنه عمكم وليس إبن عم لكم هو عليه أن يدافع عنك وعن أختك الصغيرة في حالة لو رأى أحد الناس ينظر نظرة غريبة إليكن أظن أن إبلاغ والدك مطلوب بل وضروري وذلك ليردعه عن نظراته الخاطئة أسأل الله لكم جميعاً التوفيق وحل المشكلة على خير وبأقرب وقت |
اقتباس:
مجرد احساس ان امي انتبهت بس مو متأكده حبيبه قلبي.. انا والله صرت كأني مراقبه..ومن حقي اخاف على اخواني واخواتي.. يالغاليه ماقصرتي.. |
اقتباس:
انا مجرد احساس ان الوالده انتبهت بس مو متأكده.. شكرا |
سؤال ارجوا الاجابة عليه
لماذا ساكن عندكم ؟ وهل له بيت آخر ؟ |
اقتباس:
فعلا الموضوع والوضع خاص جدا اهو المشكله خلاص تعود انه عندنا طول اليوم يااخي يجلس في بيتنا اكثر من بيتهم من جد..احيانا جدي يشتكي لابوي انه مايشوفه لان طول اليوم في بيتنا صار كل شي بحدود مقيدين بسببه.. المشكله بصراحه انا اخجل اني اقول لابوي ان اخوك نظراته غريبه لنا..مادري كيف اقوله.. مشكور اخي الله يسعدك.. |
اقتباس:
لا مو ساكن عندنا بس طول اليوم عندنا يعني من يجلس من النوم لين ماينام عندنا.. نعم له بيت ..بيت جدي.. يعني احيانا ايام الاجازه نهايه الاسبوع اسمع صوته بالبيت وانا بغرفتي واكون توني جالسه من النوم يعني بالصريح طول اليوم عندنا باستثناء وقت نومه.. ونسيت اقول شي اهو قالي والوالد مسافر يبقى ينام عندنا علشان مافيه رجال بالبيت بس انا رفضت...بشده... مشكور اخوي.. |
لا تسكتي ولا تخافي اذا في خوف عندك خافي على نفسك واخوانك وكلمي امك اليوم قبل بكرة اختي عمك بسن طيش انتبهي تم انتبهي تم انتبهي اتكلمي قبل ماتندمي وتقولي ياريت الي جرى ماصار وياريت اتكلمت وعلمت امي وابوي حبيبتي دي الايام نسمع حاجات ماتتصدق اب او اخ يغتصب عرضه وهذا صدق لان الناس والشباب صاروا يطالعوا حاجات تهيجهم جنسيا ماصاروا يميزوا الحلال من الحرام ومافي قدامه الا انتوا بنات اخوه اتكلمي ارجوك لا تخافي
|
| الساعة الآن 09:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©