|
لو انتي مكاني بتزعلين؟؟؟؟؟
السلام عليكم ورحمة الله وبركاته
ابدخل بالموضوع سيده انا جبت ولد والحمد الله باتم الصحه والعافيه بس انه اسمر وابوه اسمر وانا فاتحه واهلي بعد المهم زوجي واهله انواع الازعاج اسمر اسمر وعيارات وشين ومدري ايش مع اني لما اروح فيه برا كثييييييييير ناس ينجنون عليه ويقولون مرررره حلو وانا داااايم ارقع لهم وامشي لانها سخافه انو الواحد يعلق عالموضوع كثير وكان اذا احد قاللي يشبه مين اقول يشبه ابوه يزعلون تخيلو صرت والله اخاف اقولها ومن يومين زوجي طلع ند امه وشايله بنت اخوه وقعد يقول ماشالله متشبه اخوي طالعه على امها واهل امه انا اولا انقهرت لانه يتكلم عن امها كذا مع انها ابدا مو لهالدرجه ثاني شي بعدها قال والله انا اللي خايف اجيب بنت سودا وهو معجب بنفسه بس قصده السواد مني ومن اهلي انا سكت وبعدين كلمته الموضوع قلتله كان تزوجت وحده تجيبلك عيال بيضان ليش تزوجتني والله جرحني وهذا ولده مفروض ميتكلم عنه كذا وبالذات قدام امه لانها دايم تتكلم زيه انا طفشت منه قسما بالله ومن كلامه الدفش بالله شرايكم |
كبري عقلك يالغالية ،، طنشي ولاكأنك تسمعين
بعدين بيستحون على دمهم ويخلون سخافاتهم .. وإذا كان بخاطرك تردين قولي: أهم شي الصحة والعافية هذا أبوه أسمر وماضره شي :d |
الله يكون بعونك
احكي له ان الناس راح تظل تردد اقواله وما راح تنساها وكمان سنين راح يتندم لانه راح يعقد اولاده |
طنشي يا اختي
قولي لهم ...ولدي واللي هو لونه انا فدية بعمري وربي يخليه لكم |
اموت فى السمر
ربنا يخليهولك :22: |
حبيبتي ... اولا الف مبروك و ربي يحفظه و يخليه لكم و يجعله من الذرية الصالحة
سبحان الله البيبي يتغير و كلما كبر راح يفتح لونه و راح تشوفي اختي الوسطى لما انولدت .. والله والله تخوف سمراااااااا بشكل فظييع و عيونها صينية و فطسه رغم ان العيلة كلها بيض و عاديين .. الوالد ماكان يشوفها .. نفر منها اول فترة و جدتي االله يرحمها كانت تقول لامي .. من وين جبتيها .. ليكونوا بدلوها بالمستشفى :) بس سبحان الله كل يوم يمر كانت تحلى و تفتح تعالي شوفيها الان عمرها 17 و ماشاء الله تبارك الله احلانا و اجمل وحدة في الاسرة كلها و كثيير من صديقاتي ماشاء الله اوادهم لما انولدوا كانو مرة غامقين و ملامحهم مش حلوة والحين ماشاء الله اقمار حبيبتي اذا اتكلم زوجك او علق قولي له .. احمد الله على هذه النعمة اللي ما يدري عنها الا اللي ما عنده اطفال ... روح شوف كم ناس قاعدين بالسنين يتمنون و يدعون الله عشان بس طفل و مايهمهم لا لونه و لا جنسه .. المهم طفل يحسسهم بنعمة الامومة و الابوة .. شوف كم ناس يصرفوا الملايين عشان يتعالجوا للانجاب ..وربي ما اراد لهم و انت جالس تتشرط و تتامر بدل ما تحمد الله على هذا الملاك كفاية انه عندنا ولد يحمل اسمك من بعدك كفاية انه تام الخلقة و معافى ربي يحفظه.. و الانسان بالنهاية مش ابيض و لا اسمر .. طويل و لا قصير اهم شي تربيه التربية الصالحة و بعدين هذه جينات ... يعني ابوه اسمر و يش بيطلع هو ؟؟؟ و ان كان على حماتك .. ا قولي لها على راي المثل جابو الولد و قلبوه .. طلع شبه ابوه :) :) و الناس طنشيهم ... ابنك عندك بالدنيا و لا لا؟؟ صدقيني اللي بيعطي اذنه للناس .. بينجن خالتي ماشاء الله مرة بيضاء و زوجها اسمر وولدها طلع ابيض ماشاء الله مثل الاجانب عارفة في ناس بدأو يتكلموا عليها و العياذ بالله ليش انه ابيض ما نقذها الا ان ملامح الولد مثل ابوه و لا كانت راحت فيها مسكينة .. الناس مالهم الا الكلام .. خذي ابنك بحضنك و طنشي الله يحفظ لك ابنك و يخليه لك و يجعله من الذرية الصالحة |
ياقلبي انتي
معك حق طبعا تتضايقي من الموضوع وما احد يلومك بس انا لو منك قولي اشوا انه ولد و جا اسمر على ابوه ان شاء الله البنت تجي علي :25: والله يحفظ لك ابنك ان شاء الله |
غريب زوجك
ولده طالع يشبه له و ينكر عادي لو أحد من أهله سألك الولد طالع لمين أو يشبه مين قولي لهم طالع لولدكم لا السمار مهم ولا البياض يهم أهم شئ يكون الولد بصحة وعافية الله يحفظه لكم |
والله حبيبتي هكذا قالو عن ابنتي والمشكله انه مالها دخل بأهلي وغصب يبوها تشبهم كل الي يشوفها يعرف انها بنت زوجي قبل ما يعرف بنت مين هي تصدقي
هو بيني وبينك شي يقهر لكن طنشي وقولي لهم هذا خلق الله لو بيدي كان خليته يشبهني علشان يطلع ابيض:o وترى الاسمر يا اختي بس يكبر يطلع يجننننننننن انا كانو اخوات زوجي يقولو لبنتي شنعه شو رأيك بهذا الجمله لكن طنشتهم وخليتهم يقولو الي يبوه فما تهتمي لهم ولكلامهم الناس الي كذا اصلا يكونو مقهورين من البيبي علشان كذا يجلسو يطلعو عيب في رعايه الله |
السلام عليكم...
أختي ذكريهم بنعمة الله عليهم .. ولو انه جاء أبيض لكن لا قدر الله معاق وإلا مريض بيفرحون؟؟!! والله يخليه لكم ... أم حمزة |
| الساعة الآن 03:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©