|
ارجو المساعده كيف يفرح زوجي بولادتي
بسم الله الرحمن الرحيم...
مرحبا بجميع اخواني وخواتي في هالمنتدى الاكثر من رائع... حبيت المنتدى لتفاعلكم مع الاعضاء وحل مشاكلهم انا عضوه جديده وبغيت اشارك في منتداكم واكون وحده منكم وخفيفه عليكم ابيكم تحلون لي مشكلتي يمكن للكثير ماتعتبر مشكله انا متزوجه من شخص من اروع ماخلق ربي واحسد حالي عليه وهذا كله من فضل ربي ودعاء ورضاء الوالدين لي 6 اشهر من الزواج تزوجه وسافرنا بعد شهر لامريكا لدراسه زوجي هناك ما اخفيكم مريت بايام صعبه بس الحمدالله تغلبت عليها وزوجي ساعدني بطيبته كنا مثل اي عروسين بايام الخطوبه نقول مانبي عيال اول سنه بس بصراحه بعد ما سافرت وعشت الغربه وحده لان تعرفون الجامعه حقت زوجي كرف حبيت يكون عندنا بيبي هو رافض يقول تونا صغار والعمر قدامنا وتوي مو مستعد عالاقل اخلص سنه او سنتين من الجامعه والحال بامريكا صعب كل شي غالياعمارنا 23 المهم بعد شهرين من الزواج حملت فرحنا كثير وهو فرح بس ماهي الفرحه المطلوبه المشكله هي اذا تناقشنا يقول ليتني ماطاوعتك وصبرنا شوي احس الاطفال مسؤليه كبيره كافي انتي اذا رحت للجامعه ينشغل بالي عليك هو من النوع يشيل هم بزياده كيف اغير وضعه وخليه يشاركني فرحتي من جد والشي الثاني اللي خلاني احمل اهله كل ما اتصلو يسالون كان لي سنين بغيت اريح حالي واثبت لهم اني طيبه واقدر اجيب عيال وكنت لما اقول لزوجي يقول ما عليك من احد المهم كيف اخليه يفرح من قلب ياترى بيتقبلها اذا ولدت وشافها بعيونها ما بقالي الا اشهر معدوده واولد واجيب بنوته كان نفسه بولد بس قالولي المستشفى بنت وكانه ضاق صدره يبي ولد اول شي اتمنى تعطوني رايكم وحلولكم |
حبيبتي فرحته بالبيبي اذا جا بسلامتك وسلامته بإذن بتنسيه مخاوفه
وحاولي دائما تذكرين له الاشياء الحلوه في الاطفال ضحكتهم في البيت.. لعبهم.. حتى في شغبهم خليه يحس بحلاوة انه يكون عندكم طفل كثير الي يروحون غربه الرجال ينصحون بعض خل زوجتك تجيب عيال يونسونها تكلمي على لسان البيبي كأنها تكلم ابوه حتى وهي في بطنك لا تذكرين له الاشياء الي تخليه يشيل هم حاولي تهونين الموضوع والله يسعدكم ويهنيكم دنيا وآخره ويحفظكم من كل مكروه ويرجعكم لبلدكم بصحه وعافيه والله يهون عليك وتضعين حملك وانتم في اتم الصحه والعافيه |
حبيبتي لا يضيق صدرك ولا شي ليش تذكريني بالغربه ولا بعد بأمريكا يعني جيران
المهم حبيبتي كل الرجاجيل كذا بكرى بس يشوفها يطير من الفرح وما تشيلين هم واحنا خواتك حبيبتي اي شي احنا مستعدين ولأي استفسار نحن بالخدمه ونصيحه مني لك خليه يدخل معك على غرفه الولاده علشان يحس ويشوف انه الطفل ما يجي بسهوله وفقك الله حبيبتي في رعايه الله |
اهلين فيكم ومشكورين عالرد الحلو والقلوب المفتوحه
اختي وانا اموت فيه جزاك الله خير واختي فوفو مشكوره ويعطيك الف عالعافيه لا ابشرك هنا بامريكا لازم يدخل مع الزوجه زين في احد معي ويحس بشعور الغربه لا تكونين في كالفونيا |
اقتباس:
في ازواج هم ما يقبلو يدخلو مع زوجاتهم تعرفي دامنا قريبين من بعض بقولك سر بس مو الحين هاوش رأيك؟؟ادعيلي وانا بعد حامل الله يقومنا بالسلامه قولي امين قولي لي عندك صديقات والا مثل حالي لا صديقات ولا حد |
اهلين فوفو كيفك
اجل كولورادو اتمنى تكوني فيها والله ياكثرهم البنات شلتي هنا اللي نجتمع شبه يومي 5بنات والله طيبات لكن الا نجتمع فيهم كل جمعه تقريبا 20 وش سرك؟؟؟؟ الف مبروك والله يهون عليك وتقومي بالسلامه انتي والبيبي لا بالعكس زوجي يبي يدخل عاد مالي الا هو بالغربه اتمنى يكون بيننا تواصل |
سبحان الله ... والله حالتك نفس حالتي بالضبط .. انا تزوجت وسافرت كندا وكنا متفقين ناجل العيال .. ومن كثر ماكان زوجي مشعول في الجامعه قعدت احن على سالفة العيال وسبلحان الله استحرنا بس انا حملت عقب 8 شهور ..المهم كنت احس زوجي شايل همي صج انه ماكان يقول لي ياريتني ماطاوعتك لكن كان يبين عليه انه خايف ومسؤلية كبيرة بس كان يحاول انه مايبين لي .. وسبحان الله ولدت والله ماتخيلين اشلون فرحة زوجي بالبنوته والله انه يحبها اكثر مني .. توكلي على الله هو الحين بس متخوف من المسؤلية ويخاتي ويفكر بس اول مايشوف المولودة ان شاء الله بتنسيه كل شي وهي اللي بتحبب نفسها في ابوها .. والله انهم بركه ورووعة ... وراح تلاحظين اشلون ربي بيبارك ف رزقكم ..
الله يحعلها من مواليد السعادة ويبارك لكم فيها يارب . |
حبيبتي مو كل الرجال يظهرو مشاعرهم
تشوفي انتي وقت الولاده كيف راح يكون مشغول باله عليكم و اول ما تولدي راح يرح بسلامتك و سلامتك البنوته الحلوه و ما راح تفرق معاه تحياتي يا قلبي |
ينقل الى قسم عالم المتزوجين مكانه المناسب ,
تحياتي ،،، |
لاتخافين
انا زوجي كل مره احمل يعصب ويضيق صدره ولما يشوف النونوووو يكون اسعد واحد بهالدنيا ومافيه فرق حبيبتي بين البنت والولد وين احنا بالعصر الجاهلي؟؟؟؟؟ الحمدلله كلهم عطايا من رب العالمين وماتعرفين من يكون اقرب لكم نفع البنت او الولد!! ام البنات صدقيني اسعد من ام الاولاد اعرف وحد ه ام بنات ومبسوووووووطه ماشاء الله كل يوم داخله عليها وحده من بناتها ووحده ام اولاد ماعندها شغل الا تتشره على حريم عيالها زاروني وما زاروني |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©