بعد ترقب ((الخطوات الصحية للمراجعة ومتابعة الحمل ))
 

اليوم جاني احلى خبر زوجتي سوت تحليل منزلي وطلعت حامل ,
طبعا لنا ثلاث سنوات والان تم الحمل ولله الحمد,
حبيت تشاركوني الفرحة وابغى اسالكم ماهي الخطوات الصحية للمراجعة ومتابعة الحمل وماهي التغيرات الي ممكن تطرى على نفسية زوجتي افيدوني عشان اراعي نفسيتها خاصة امور الوحم هذه الي يتكلموا عنهااا ارجوكم افيدوني عن كل شي وعن اكلها كمان وش افضل شي عشان تغذية الجنين ببطنهااااااااااااااااا
ولكم الف شكر وثناااااااااااء

ما شاء الله تبارك الله
الف الف الف مبروووووووك
والله يتمم عليها ويعينها

ألف مبروك
الله يتمم عليكم بخير
وسالفة الوحم تختلف من امرأة لأخرى
لكن إن اشتهت شي وفره لها ..
واحتمال تكون كثيرة نووم بهالفترة , واحتمال تكره كل العطورات فتمتنع عن العطر مدة ثلاثة أشهر
واحتمال - بعيد الشر - تكره زوجها وريحته وتطلب إنها تروح لأهلها ..
احتمال تكره ريحة الطبخ والله يعينك كل شي من برى
المهم كل شي ممكن وفي الغالب يكون وحم البنت قريب من وحم أمها وأهلها عموما

مبروك اخي الكريم الله يتمم لها على خير وتولد بالسلامة وان شاء الله الاخوات يفيدوك اكثر بالامور الباقية

اخي الكريم
الف الف مبروك

ربي يتمم لها على خير
و يثبت جنينها و يسهل حمله وولادته ورضاعه و تربيته و يجعله من الذرية الصالحة

شوف من المهم انها تبدا الحين باخذ الفولك اسيد ..
شوفوا طبيبية كويسة تتابعوا معاها من الان لين الولادة ان شاءالله

جينا للنصائح لك انت
لا تخليها تشيل ثقيل او تجهد نفسها بالبيت
الاكل .. اهتم باكلها .. ممكن الحين او بعد كم من اسبوع يبدا الوحم
و تحس انها ما تبي تاكل .. اغصب عليها .. و اهم شي تتناول فواكه و خضرة و ماي
الاكل يستحسن تاكل وجبات خفيفة على فترات عشان ما تحس بالغثيان

ممكن تلاحظ اما نفورها منك او تعلق شديد بك .. عادي :) كلنا مرينا بهذا :)
تغير المزاج بسرعة .. العصبية .. الضيق .. كلها حاجات عادية راح تحس فيها
بس لا تتضايق انت و خليك جنبها .. لانه مش بيدها

اه .. تبتعد عن البيض الني او شبه المطبوخ لازم يكون مطبوخ تمام
و كذلك اللحم لازم يكون مستوي
تقلل من الكافيين (بيبسي .. قهوة .. شاي . الخ )
التونة تاكلها مرتين بالاسبوع بس .. مش اكثر
تبتعد نهائيا عن الكبدة
هذه النصائح عطتني ياها الطبيبة
ان شاء الله لو ذكرت شي ثاني ارجع :)

ربي يفرحكم بطفل سليم . معافى .. حسن الخلق و الخُلق

ما شاء الله تبارك الله
الف الف الف مبروووووووك
والله يتمم عليها ويعينها

الف مليوووووووووووووووووووووووووون مبروك ماشاء الله لا قوه الا بالله
الله يقومها بالسلامه ويجعلها يارب ذريه صالحه ويقر اعينكم بالمولود
والله ماعندي خبره حبيت بس ابارك

يارب ارزقنا جميعا واعط كل محروم

شاء الله تبارك الله
الف الف الف الف الف مبروووووووك
والله يتمم عليها ويعينها
ويفرح قلوبكم ان شاء الله

نقل إلى مكانه المناسب ..