|
رجل يحب السفر هل يقبل به كزوج
السلام عليكم
بصراحة أنا أحب السفر وأسافر كثير بس لي سنتين ماسفرت والسبب خافي على روحي طبعاً ألان ارتب واحظر نفسي مادياً للزواج وهذا يمكن يطول لسنه أو سنتين والكثير حولي من أصدقاء السفر يقلون لي من الآن دور لان راح تتفا جئ بعدم رغبت الجميع مو بعض الجميع بك بسبب السفر دائما اذكر عند أهلي بان الله يرزقني وحده تحب السفر مثلي لنفر العالم كل متاح لنا الفرصة المادية والوقت أنا هنا لا ألوم البنات والعوائل لان السفر بصراحة يعرض الإنسان للغلط هذا غير انه فيشوف حجات لينبغي على المسلم انه ينضر لهاا (اعرف واحد بالجوازات ولذالك كل ماجاء خطيب لبنت في عائلتنا أول من يعلم أنا لأنهم يتصلون علي ويعطوني اسمه ورقم بطاقته لاطلع برنت عن سفرياته وخذ يابلاوي واحد لقيتة لم يسافر إلا لدوله تبعد عن الرياض ثلاث ساعات وسافر لها 30 مرة خلال سنتين وأكيد رفضوه ) وليكتمل تساءلي لابد إني احدد طبيعة مشتمعي أنا من الرياض واصلي من القصيم هذا السلام عليكم |
والله الناس مو مثل بعض فيه منهم يقبلون ومنهم يرفضون لكن اذا وعدتهم ان سفرياتك بتكون مع الزوجه ممكن يقبلون هذا اذا كانت سمعتك طيبه في امور اخرى
|
اشوف الموضوع مرررررره عادي
السفر هذا نوع من انواع الهوايات وفي السفر 7 فوايد زي مابيقولو بس يمكن يكون في مجتمعك شويه صعب بس طالما انك حتاخذ زوجتك معاك فإن شاءالله مافيها تعقيد اهم شيء الدين والاخلاق الله يوفقك ويرزقك الزوجه الصالحه |
على حسب السفريات وين تكون
فيه عالم تموت بالسفر بس تلاقيها مسافرة مع جماعه من اصحابهم ماشاء الله اهل دين وتقوى للسياحه فقط لاغير وهذا ينعرفون على طول عند اول واحد تسال عنه اما الى سفرياته نص ونص فهذا برضوا ينعرف على طول من اول واحد ينسال عنه زبدة الكلام انت اعرف بنفسك واذا انت مع اهل التقوى والدين تلاقي ملايين البيوت الى ترحب فيك والله يوفقك ويرزقك الزوجه الصالحه |
احلى شئ الوحده يجيها واحد مهووس بالسفر..طبعا معاها مو مع شله شباب
|
الحمد لله سمعتي زينه بالحيل
وكل الي اعرفهم مايذكروني الا بالخير ولا اخشى من ان يسئلون عني وهذا من فضل ربي ولله الحمد (مداح نفسه كذاب) وتم خطبتي ثلاث مرات بالتصريح هذا غير الي يلمحون ولاكن الان بابحث عن زوجه ولهذا افكر بجديه واخاف يسئلوني عن سفرياتي وابي اقولهم انا احب اسفر واذا الله وفق افلانه راح تكون معي حنى مجموعه نتكون من 7 شباب تجمعنى هوايه او اهتمام واحد السفر كلهم متزوجين الا انا انا اصغرهم اثنين من الشباب لهم سنتين مايسافرون الا مع زوجاتهم وعيالهم يقلون السفر مع زوجتك امتع اذا زوجتك تحب تستكشف وتبحث عن الجديد بعضهن لا بس تتذمر ولا هي مرتاحه وتبي ترجع لديره وهذ الشي صاير مع واحد من هامجموعه بعض المرات نمر من مكان فيه طبيعه جميله جداً او بركان ثائر كلن يقول ياليت ام عيالي معي تشوف الي انا اشوفه الله يجزاكم خير |
السفر شيء رائع
وفقك الله بالزوجة التي تحب وترضيك |
أخوي العزيز .... اللي أشوفه في مجتمعنا ( مو قصيمي ) وأهلي بالذات ... وأنا أيضا .. اللي يسافر كثير ... تصير حوله علامات استفهام كثيرة ............. وبالنسبة لي راح أرفضه مباشرة ... لا سيما اذا كان شغله ما يستدعي السفر ... عذرا على صراحتي .. ونصيحه ... حاول تترك هالعادة !
|
السلام عليكم
أخي انا بصراحه انتمي لنفس المنطقه المذكوره و لامني اعيش بالشرقيه و احنا هنا بعيد عندنا تشدد من ناحيه الزواج باللذات .... و لاكن الاهم عندنا الاصل و الفصل و النسب من الطرفين ز ما له علاقه السفر بالموضوع دامك تخاف الله الفساد بكل مكان و كانك تبي تخرب تقدر و انت بالبلد .......... توكل على الله و دورلك بنت الحلال اللي تناسبك و ان شا الله تتوفق و تسعد بحياتك ..... |
اقتباس:
وانا اشوف ربعنى برا السعوديه وش يسوون ولاكن ابطل هاعاده صعبه انا لي سنتين ماسفرت واحس اني مسجون والسفره القادمه لفيتنام انا من نوع الي يحط شنطته على ظهره ويفر ديار خلق الله اليوم تكلمت مع واحد في هذا الموضوع قالي يا صاحب حكمه انت مشاء الله مميز (انا بتكلم براحه لو مدحت نفسي ماحد يعرفني بهذا المنتدى وفيني عيوب الله بها عليم) المؤلف /صاحب حكمه الطيار/صاحب حكمه (انا كبتن مايسمى بالطيران خفيف ذاك ابو مراوح) المهندس/صاحب حكمه (باقي 6 شهور عليها ان شاء الله) الفارس/صاحب حكمه الغواص/صاحب حكمه هذا غير وغير وغير فلا يقلقك هذا الموضوع انت تحتاج لوحده تدفعك لتعيش الحياه بتميز اكثر والي ترفضك بسبب انك تسافر كثير هذي ماتصلحلك لان لانها مراح تسافر معك لو بغيت |
| الساعة الآن 04:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©