|
::: ما رأيكم ؟ :::
السلام عليكم ورحمة الله و بركاته ،،،
الموضوع ومافيه قبل 10 ايام توفي ابو الست جارتنا ودريت بالخبر وكنت بدي اعزي لكن عملنا حادث بالسيارة وصارت مشاكل وانا تعبت يومين وبعدها زوجي مرض وانشغلت ومع هيك كنت اتصل وبدي اشوف اخبارهم لكن ماحد بيرد عاي تلفون بالبيت اليوم اتصلت بنت الجيران زعلانين جدا عتبانين ومصدومين قال ماوقفت معهم وقال الغريب والبعيد اجا وقف معهم وانا لا مع العلم اول مرة صراحة افكر او يخطر عبالي انو امهم ممكن اهمها بشي او تعتب علية مع العلم ان جيراني لاادري لا يتعاملو معنا على انا رجل و امراة متزوجان وانو يعني مالنا مشاعر ولا احساس قبل فترة بسيطة اسبوعان او 3 استشهد ابن خالي وكنت زعلانة جدا وعرفت بنت جيراني ولم يسال فية احد طيب انا مالي مشاعر؟؟؟ ان غبت عنهم 100سنة ماحد بيسال حجة انهم مشغولين يعني هما الاب والام مازارونا كزيارة عائلية الا بشهر 5 الي فات ولو يعيدوها بناتهم بزوروني واحنا بنزورهم عالعيد و رمضان والمناسبات طيب احنا مش بشر؟مالنا حق؟ يعني عشانا قد اولادهم ما بنفع يعاملونا انا بشر لنا كياننا الخاص؟؟؟ يعني انا بتوقع لو متت بعيد الشر ماالقى حد يسال فية منهم ولو حملت وولدت في المستقبل لااتوقع احد يطل علية يساعدني في هالغربة في الاخر انا المطالبة اكون زوق و اأدي واجباتي معهم؟؟؟ انا صراحة وقت الاتصال كنت محرجة وكنت اصلا صاحية من النوم ونعسانة وانحرجت منها جدا ولم اقدر اقول مثلا انكم ماعزوتوني او ماعبرتوني لما سكرت وفكرت اكتشفت انو يعني فعلا بتعاملو معنا انا ولاد صغار احنا ناس محترمين والنا واجب وحق واحترام يعني اوكي في مقام اهلي هل هذا معناه مايزورونا ولا يعبرونا صدقا ما حد زارنا الا مرة وحيدة يتيمة ومن بعدها الزيارات منا نحن انا اتكلم عن الاب والام بعمر اهلي على العين والراس بحبهم و بحترمهم شي اكيد لكن هذا لا يعني انو مايكون الي قيمة او اعتبار والي قاهرني لما اقلهم احنا بنيجي وانتو لا بقولو انت معقدة وبتعملي رسميات طيب هوة انا ماعندي كرامة ولا احساس متوقعين اجي وازورهم وازور بناتهم وانا ماحد يخطي عتبة بيتي؟؟؟ اوكي اسلوب وحدة بوحدة مش حلو لكن مش معقول اكب نفسي عليهم ثم انا كتبت مرة موضوع امهم احرجتني كزا مرة و اتضايق من تصرفاتها وصار موقف بعدها خففت كتير من زياراتي لعندهم خففت بشكل كبير لانو كرامتي بتعز علية مش معقول طيب انا اضل ادلق حالي عليهم ازا انا مااتصلت ماحد بتصل ازا مازرت ماحد بزور يعني بطنش الواحد مرة اتنين تلاتة لكن مش معقول يكون الاسلوب العام في التعامل انا اسال وازور وفي المقابل نادر ماحد يسال فية ازا ماكان معدوم السؤال بحجة الانشغال والعمل والدراسة طيب الي مش فاضي يروح يرزو الناس فاضي يستقبل كيف يعني بحكولي احنا مشغولين تعالي انت طيب لما انا اجي معناته راح اضيع وقتكم وانت مشغولين كيف اجي طيب؟؟؟ كلامهم يااما مجاملة يا اما ... مابعرف شو احكي راح ازورهم اليوم لكن مابدي ابين اني غلطانة لانو ظروفي اجت هيك احنا يعني بني ادمين وبتمر بينا ظروف خاصة عملنا حادث و انا تعبت ورحت المستشفى بعد الحادث وزوجي فلوز وتعب شوي اكم يوم شو اعمل؟؟؟ راح انزل اليوم لكن مابدي يفكرو انهم احسن مني وانا قليلة زوق لانو انا مابقصر لكن ظروفي اعتقد اهم من كل شي اترك زوجي والحادث ولاشو؟؟؟ اسفة عالازعاج |
اختي ملك
بتحبي رايي اتركيكي من موضوع الجيران الجار اللي بدو يكون ضررة اكتر من نفعه الابتعاد عنه افضل ممكن جار بعيد تتالف قلوبكم اكتر من الجار القريب بعدين اللي بيزعل اخرته بيرضى انتي ما عملتي اشي خطأ صح ما عملتي اشي صح مية بالميه بس كان عندك ظرف ممكن انك - اذا بيسألوك - تشرحيلهم الوضع اللي عندكو رضيوا كان به ما رضيو بتكوني سويتي اللي عليكي |
اختي احلام شكرا لك
انا والله تاركاهم مش همي الاول والاخير لكن شي بقهر فوق ماهما دايما مطنشين بحجة الانشغالات تبعتهم بيجو متوقعين اكون متل بنتهم يعني انا مش فاهمة اترك زوجي واترك ظروفي ؟ الوحدة بتترك اهلها عشان ظروفها الخاصة شكرا الك الله يخليكي انا راح ازورهم اليوم نص ساعة واوضح الموقف المشكلة الي بتقهر وبتغيظ انو مابعاملوني اني بنتهم يعني ابدا والا ماكان بطنشو كل هالمدد الطويلة اوكي كل واحد وظروفو بس لا يتوقعو بعد هيك اكون احسن مايكون انا مش شاغلني موضوعهم ابدا مش لهدرجة فاضية بعدين الله الغني زوجي مالي علي حياتي عنجد ومابحس محتاجة حد شكرا الك من ناحية اني ماعملت شي صح مية بالمية يمكن معك حق لكن الواحد لما نفسيا ينشغل ويفكر وهيك بنسى وتصدقي انا نسيت بالاخر نسيت تماما والبنت زكرتني طيب شو اعمل مخي نسي؟؟مع الحادث والظروف وانا تعبانة والله الي كزا يوم لو من ناحية منطقية كان ممكن ربع ساعة ماتاثر لكن متل محكتلك انا نسيت بسبب انشغالي بظروفي الخاصة شو اعمل ظرفي هيك خلاني انسا |
عتبك انه الام والاب ما زاروكم الا مره وحده فهذي انا مش معاكي فيها..
لانه هما باعمار ابوك وامك يعني الواجب انه الصغير هو اللي بيزور الكبير وهما عملوا واجب الترحيب وزاروكم وباركولكم اول مره جيتوا... تعرفي يا ملك يمكن هما بيحسوا باحراج انه يرسلوا بناتهم عند وحده متزوجه فبيفضلوا انه يصير اللقاءات عندهم بالبيت..لا تزعلي يا ملك انتي عارفه انه قريبتي ما تجيني البيت لاني متزوجه امها ماترضى ترسلها عندي لكن كثير يرحبوا فيني عندهم وامها تحب انه يكون اللقاء عندها بالبيت وتجلس معانا الام ماتخلينا لحالنا وانا ابدا مازعلت منهم لاني اعرف انه هذي طريقتهم في الحياه. وبالنسبه لولد خالتك يمكن بنتهم نسيت تقول لاهلها عن الموضوع وهذا هو الاحتمال الارجح.. روحي وقدمي واجب التعزيه واشرحي سبب تقصيرك وقت الوفاة بكل ادب واحترام وهما صدقيني رح يتقبلوها بكل صدر رحب. |
اخت كريستيلا شكرا الك
بالنسبة لجية بناتها عادي بيجيو شو يعني اني متزوجة؟؟؟السر يكمن في وقت الزيارة يعني مابيجيو مثلا في وقت زوجي موجود وهيك غير هيك عادي يجيو مافيها شي انا رحت اليوم ووضحت موقفي وتقبلوه اما البنت الي كلمتني الله يسامحها هية كبرت الموقف حتى امها قالت لاتردي عفلانة هية بتحب تعمل كل شي كبير وقصة !!! يلا انا عزيت وعملت الواجب مش مشكلة وانا بعرف انو هام مش قصدهم يسيؤو الي لكن هما اسلوبهم هيك ماكتير بيدقو او بيهتمو راح اضل اوصلهم لانهم جيراني وبالنهاية ليسو سيئين انما اسلوبي وتربيتي غير كل واحد بيئة غير وتفكير في اختلافات لكن هما ناس كويسين الله يوفق الجميع شكرا لكم |
ولا الحمدلله على سلامتكم
ثانيا انت روحي عزيهم...واذا فتحوا السالفة معاك ..وضحي لهم ماجرى لكم انكم انشغلتم بسبب الحادث..وبعدها زوجك تعب.. واعتذري بانشغالك ونفسيتك المتعبة بسبب استشهاد ابن خالك ..وماتبعه من احداث جرت لكم |
| الساعة الآن 02:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©