خطيبي جيييييييييييييييييييييييكر جداااااااااا
 

السلام عليكم ورحمة الله وبركاته

اخواني خواتي بارك الله فيكم ... حبيت استشيركم بشأن خطبتي لرجل تقدم للزواج مؤخرا الحمدلله هو فيه كل الصفات اللي ابيها بزوج المستقبل يعني متعلم وعنده حلال وبيت مستقل وشاب (ولو انه مطلق )بس مو مهم عادي وكنت جدا فرحانه لما اهله اخطبوني ولما شفته انصدمت جدا بسبب شكلة بصراحة كلش مو حلو يعني وايد مو حلو وضعيييييييييف ويمكن اشوي اقصر مني مع اني مو وايد طويلة بس اعتبر كويسة بين البنات ............ ما ادري احس تلخبطت وما اعرف شسوي مع اني سألت اهله اذا كان يصلي وهذا كان شرط لقبولي الزواج منه بس ما ادري اشلون اوصفه شكله مو حلو .... وبعد في سبب ثاني انا متأثرة بالحرب(حرب الخليج ) وشفت اشياء وايد وكرهت الدولة هذي وما احبها ولا احب طاريها وكارهه طريقة كلامهم وكل شيء فيهم :mad: ............ المشكلة ان امه لما زارتنا اول مرة كان معاها بناتها وهم اللي تكلموا هي تمت ساكته وتتبسم وانا ما انتبهت لها بس لما جات مع ولدها تكلمت وياريتها ما تكلمت طلعت من الدولة هذي وكلامها قوي كأنها توها طالعه من هناك يعني برغم السنين والعيال وعيالها تزوجوا بس لحد الحين تتكلم بلهجة اهلها ووووووووووووو

ما ادري بس كرهتها وغصبن علي اقولها يمكن انا بخرب السالفة علي بسبة امه وجكر ولدها ومتحسفة عليه مواصفاته جدا حلوة بس مو بالعته وحتي لو قلنا مع الوقت بتعود عليه بس امه ما اقدر عليها مسكينة ما سوت لي شيء بس ما اقدر انا ما احب هالديرة واكره كل شيء فيهم ...... شسوي عطوني حل :confused:

صدقيني إذا له نصيب فيج بياخذج ولا أمه ولا جكره بيمنعون هالشي يعني كل شي بيد ربج
بس هذي عشرت عمر والوحده مو كل يوم بتتزوج فكري عدل بسلبيات وايجابيات الرفض وبروحج قرري لا تخلين أحد يغصبج بشي
علشان لا تتحسفين ولا تقطين نتيجة قرارج على أساس راي غيرج .. أنا رايي محد بعيش معاه غيرج
سلام :)

قول الرسول صلى الله عليه وسلم اذا جاءكم من ترضون دينه وخلقه فزوجوه ......صدق الرسوول الكريم .
انتي تقولين انه جيكر بس يعني اخلاقه وايمانه زين اذا ليش ترفضيه وانا في نظري خصوصا البنت الفرصه تجيها مره واحده بس يعني يمكن انتي ترفضين هذا العريس ولا يجيكي احد بعده .....
توكلي على الله لعله فيه الصلاح لكي اذا تزوجتيه ,
الرجاء كتابة صلى الله عليه وسلم كامله .........ريتال


تعديل كلمة " صلى الله عليه و سلم".... بواسطة ..Game Over "

بصراحة انا قلبي ما تحرك له بالمرة .... بالاول كنت فرحانه وقلت اكيد هو متدين ويصلي ويخاف ربه ومسألة الطلاق عادي كل واحد لا بد يمر بتجربه وان شاء الله ما تأثر علع زواجي منه وكنت واااااااااااااااااااااايد متقبلته حتي قبل لا اشوفه بس من طاحت عيني عليه ما ادري شنو صار مسكين الله يخليه لامه جيكر وانا جميلة بشهادة الجميع حتي امي تضحك تقول ما توقعته جذي وبعد امه ؟؟؟؟؟ كملت السالفة

glow]

والله بالنسنة لي أنصحك إذا كان عجبك علشان حلاله ومواصفات مادية لا تتعبي نفسك وما دام ماعجبك شكله لا تكوني مادية على حساب سعادتك

فكري جيدا قبل الموافقة
فالزواج هو اهم مرحلة في حياتك انها رحلة العمر

فكري جيدا حتى لايجد الشيطان لك مدخل فيسوس لك
وفقكك الله لما فيه الخير

اهم شىء فى الزواج القبول مومهم الشكل ان ارتحتيلو اتزوجيه و الا ارفضى

أستغرب منك عزيزتي كيف توافقين على شخص دون رؤيته ؟!
رؤية والدته وأخواته غير كافية ابدا ، وكان مهما جدا لك ان تشترطي
رؤيته قبل الموافقة عليه !

أمر آخر لاحظته هو " العنصرية " التي تميز بها كلامك ، أعذري كلامي
يا ريت توضحي لنا هل كرهتيه بسبب شكله ام بسبب انتماؤه للبلد الذي تكرهيه
( أعرف اي بلد تقصدين ) لو كان كرهك له بسبب بلده اسمحي لي ان اقول لك انك
مخطئة ، لاننا كلنا اخوة في الله ويجمعنا وطن عربي واحد كبير ، رغم بعدي الكبير
لكن انتمي للوطن العربي كله ، وصدقيني لو لم اكن متزوجة وتقدم لي شخص من غير بلدي
وكان يحمل الصفات التي اريدها لرضيت الزواج به ، بغض النظر من اي بلد هو .

المهم بالموضوع ان كنت غير مرتاحة لهذا الانسان وتشعرين بأنك لن تشعري بالراحة والانسجام
والتوافق معه فلا توافقي ، فلا شئ يجبرك على الموافقة .
وربي يوفقك ويسعدك

دمتم بخير

القبول شي مهم في الزواج
اذا وجدتي في نفسك عدم قبول لهذا الشخص لا انصحك بالزواج منه