ارجوكم تفاعلو معي زوجي صدمني
 

مرحبا بالجميع ....

اتمنى من كلا الجنسين المشاركه وابداي الراي ومساعدتي

المشكله ان زوجي يقولي ماتقولين لي كلام حلو كثير وان قلتي احس انه مجامله ومو من قلبك ...وهو مايقولي الا احبك ومو دايم يعني مثلي

فقلت له كيف مو من قلبي لو مو من قلبي ماني مجبره اقول الا لما اتاكد من مشاعري

اقوله كلام حلو بس مادري وش يبي اي نوع واذا تناقشنا اقوله ترى مو عيب لما تقولي ابي كذا وكذا احنا ازواج مو اصحاب يقول هذي مو تخصصي تخصصك لازم تعرفين

بعدين يقول اجلي الموضوع لين تولدين بعدين يقول اذا ولدتي تلهين في البيبي

في الاخير قال نفتحه بعد سنه بصراحه قهرني احسه مايحب يتناقش ويلقى حلول

اتمنى منكم تساعدوني وتنصحوني

احنا لنا 6شهور متزوجين واحسه دايم يكتم اتعب لما اطلع الكلمه منه

وصدمني لما قال وان قلتي نو من قلبك ومجامله تضايقت وزعلت

أحمدي ربك (شكلك ماهنا زود خبرة بالحياة)

العالم مشاكلهم كبر الجبال

شوفيها علشان تقتنعين بأن ماذكرتيه لايعتبر مشكلة، ولاتتوقعين حياة مع رجل بلا بعض الاختلافات والتناقضات..... والمطلوب هو التعايش معها وليس البحث عن حل لكل مشكلة. وشوفي مصايب الناس علشان تهون عليك ما ادعيتيه مصيبتك

اختي في الله .... مشكلتك جداً طبيعية تحصل وخاصة أول سنة زواج حيث أن الجنسين في طور فهم بعضهما .. الي احب أن انصح به وإن شاء الله يكون مفيد أن تحاولي كسر حاجز الصمت بينكما خاصة إذا كان الطرف الاخر يحب الكتم في نفسه ويرغب لنفسة ما يشاهده في الاماكن الاخرى وكذلك اكثري من المقالب الخفيفية والتي لها دور كبير في كسر الحاجز بينكم وكذلك تبادل الهدايا إن امكن فمهما كانت صغير إلى انها كبيره في معناها .. كذلك الابتسامة المفعمة بالدلع لها دور في تقرب القلوب .... وفي نظري أن الرجل في طبعة جلافة قليله ولكن قلبه كبير إذا عشق ..


والله يوفق بينكم ويجعل حياتكم ملئها السعادة والحب ويمدكم بالبنين والاموال ورضا الرحمن ..


تحياتي