|
لو انتم مكانى وش بتسون؟
لا أعرف من اين ابداء
انا طالبه بالجامعه عمري 25 تقدم لخطبتى شاب ملتزم اصغر منى بسنتين على انى لم اتخيل ولو للحظه باان اتزوج بشخص اصغر منى وخصوصا ان حلم الارتباط كان يااخذ معى طابع مختلف فلقد تصورت ان الزواج هو النافذه التى استطيع ان احقق فيها كل احلامى كل محضور سيصبح فيه مقبول كيف لا وانا ساارتبط بــ رجل كبير متفتح يملك الماده من خلاله احقق كل احلامى التى كادت ان تقتل في هذا البيت وخصوصا انى حرمت نفسي من كل شي لاعزى نفسي انى حين سأتزوج سأحصل عليها مع رجل يشعرنى بالاستقرار والامان والامل وليس رجل اخشى ان يااتى اليوم الذي يرتبط فيه بااخري فأعود لاتجرع الالم يعنى بالعام لا هو الى بسطنى وهو بيضل معى طيب وش الفايده من الزواج؟!! استخرت ولم احس باى راحه عشت رفض عقلى وقبول شعوري فااخترت شعوري و اكملت وتنازلت عن امالى الواحد تلو الاخر اردت ان اعيش الدور حتى وان لم اقتنع به واقول بنفسي هذه الخطوه وسأتوقف لن اكمل جاء اهله طبعا عائله محافضه لم ارق لهم بسبب لباسي او شكلى هذا ماشعرته من اعينهم على انهم لم ينطقوا بشي طلب رايتى بنفس اليوم؟؟ ورائنى قال له ابي هذه بضاعتنا نظرت لابي بذهول فقاطع ذهولى برده حين قال وبضاعتكم ردت لنا لم استطع ان امنع نفسي من الضحك شعرت انى كيس خضره يباع بالسوق مر شهران على هذا الموضوع وهذه الكلمه تصرخ بااذنى الم ينتهى عصر الجاهليه بعد انا بضاعه؟؟!!! لو انتم مكانى وش بتسون؟؟!! |
عادي بأضحك وآخذ الموضوع ببساطة ..
واضح إن طابع كلامهم المزح لاأكثر .. |
تصدقين عاد هذي سوالف
لا تشيلين هم يمكن ابوك منحرج ويبييلطف الجو فأكيد راح يرد خطيبك برد مزح والظاهر ان خطيبك معجب فيك ويحبك فلا تاخذين الامور بحساسية قولي لابوك بمزح ترى زعلتني بكلمتك(أنا يابوي بضاعه ) وشوفي رده اكيد انه راح يقلك كلام يعجبك ربي يوفقك ويتمم لكم على خير |
طيب وين المشكله يعني؟؟؟؟؟
عادي قاعدين يمزحون وش فيهاااااا والله دخلت على الموضوع على بالي عندك مشكله آآآآآآآآآآآآآآآآآه ليت مشكلتي تافهه مثل مشكلتك الله يسعدك خيتوووووووووووووو |
يعنى اذا واحد يحب واحد يعتبره بضاعه؟؟
انا كنت متخيله الزواج ارقى من كذا اثنين يحبو بعض ويعيشو لبعض مو هذي بضاعتنا والثانى اخذتها شلتها!! ع العموم مشكوره ماقصرتوا |
اممممممممممممممم ... الصـرآحه الكلمـة مش شويـه حتى لو كـآنت بمزح ^_^ آنـا فاهمـة قصدج
خصــــــــوصاا وآنتي في هالحـآلة كنتي في حاجـه لكلآم يرفع معنــويـآتج بس لا تنسيـن شي مهــم جدا ً ... آنتي صليتي استخـــآرة ... وبإذن من الله تيســـرت أمورج والحمدلله توكلي على الله وريحي نفســج ,, لا تخلين أمور بسيطـة تلهيـج بالتفكير بهـــا عن الأشيــاء الحلوة الي تعيشينهــآ وآنتي بتفكيرج هـآ تضايقين نفســج .. وحطــــــــي في بـآلج شي وآحـد ... كـآن الكلآم من بـآب المزح ومن وجهة نظري أبدا ً مـآ كـان قصدهم الي فهمتيـــه .. وبالعكس رد الخطيب دليل على إنـه شارنـج ... الله يوفقـج ويسعدج ويجعل فيه كل الآمور الي في خـآطرج .. تحيـآتي |
السلام عليكم ورحمة الله وبركاته,
اختي "رقاء" انت لست بضاعة بل انسانه وابوك ما قالها الا مزح والشاب ما رد الا انه يحب يضحكك...على العموم اذا ارتحت له توكلي على الله. |
الله يعطيه العافية أبوك حب يمزح و يلطف الجو ، تلقينه منحرج و لا يدري وش يقول
الواحد إذا انحرج أحيانا تطلع منه كلمات فظيعة لو فكر فيها بعدين يقول كيف قلت كذا و كذا و رد خطيبك عفوي مرة مرة ، و لازم يساير الوالد بمزحه ، يعني وش تبغينه يقول لا يا عمي ما يصلح تقول عن بنتك بضاعة وووو ، ماله داعي كلمة و رد غطاها و أنت غالية عندهم الإثنين لا تخلين ابليس يوسوس لك بالهـ كلمة يعيد و يزيد و ينقح و يسهب بالسوداوية ، تراها كلمة عفوية و لا تسوى الله يوفقك و يسعدك و يجعلك قرة عينه و يجعله قرة عينك |
سألتِ والدك لماذا قلت هذه الكلمة ؟
كأن الكلمة عادية بالنسبة له وبالنسبة للخطيب لأنه رد عليه بنفس الوقت ! اسأليه وبعد ذلك بيّني وجهة نظرك تجاه الكلمة . |
حمدي ربك أختي رقاء
قرأت موضوعك وضحكت فكرت الحين مشكله كبيرة أجل أقرأي قصتي يوم جاء يخطبوني رسمي خطيبي يوم جاء هو وأهله علشان يخطبوني رسمي تتوقعون أبوي وش كان يسوي؟؟ أهل زوجي وعمي وجدي يتناقشون في الموضوع وأبي مش عاطيهم وجه وجالس على اللاب توب ويدخل على المنتديات ويتابع أخبار الأسهم وكل ماسالوه قالهم: كيفكم. قالوا: كم المهر؟ قال: اللي تعطوها. قالوا: متى الخطوبة؟؟ قال: متى ماتبون. أنا وأمي انحرجنا من موقف أبوي اتجاهم لا.... والأعظم يوم أمي ناقشته زعل عليها وصاار مايكلمها لمدة أيام ويقول لها كيفي إذا عاجبهم حياهم الله وإذا مو عاجبهم يدوروا لولدهم بنت غير بنتك |
| الساعة الآن 11:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©