كيف تستعدين قلب زوجك؟؟؟؟؟؟؟؟
 

أرجوكم تعالوا نناقش هذا الموضوع اذا انت تحبين زوجك بل تعشقينه ولا تريدي ابدا ان تفقديه تجعليه دايما مبهور بيكي وينتظر عودته البيت ليأنس الي جانبك وجانب اولاده شو الطرق ساعدوني اقترحو عليا

أنا دايماً لما يكون في الدوام قبل لايوصل للبيت
أكون مجهزة الغدى بيدي
وبعدها أسبح والبس احلى الملابس وأتكشخ
لو مكياج بسيط وأدخن وادخن البيت من أحلى البخور
ويستانس لما يدخل البيت أحلى شي تعطي جو
مناسب للراحه لانه جاي من الدوام وتعبان فمايحب هواش ونكد أحذري
والله يرزقنا بالذريه الصالحه أدعيلي

بارك الله فيكم اخواتي الله يرزقكم الزريه الصالحه ويخليلكم ازواجكم وازا عندكم افكار اخري افيدوني

السلام عليكم الزوج لماا يرجع البيت يحب يلاقىزوجتوا مستنياه ببتسامه حلوه وتكونى لابسه شى حلو والبيت يكون نضيف ومرتب وريحه حلوه اول ما يدخل البيت يرتاح وينسى تعب اليوم والشغل واهم شى الاكل يكون جاهز
هداا لليام العاديه وطبعاا........................................ لازم يكون فى ايام خاصه بيكم تكونى مجهزتله مفاجاه يعنى سهره حلوه وهديه وشوية دلاع الزوج يحب الحركات هدى .............. ويااريت الاولاد يكونو عند اهلك افضل من شان تاخدوا رحتكم
هداا اللى ببالى وادا ادكرت شى راح اكتبلك ربى يسعدك واتمنالك حياه زوجيه سعيده

فعلا ياقلبي اهم شي مظهرك يكون مرتب ويسره كانك بتطلعين عند احد بس بدون مبالغه شي خفيف والريحه الطيبه له اثر طيب عطر او بخور
واهم حاجه السوالف اعرفي ايش اهتماماته ووخليه يحس انك فاهمه ومثقفه الرجل يحترم المثقفه اقري كتب وناقشيه في الامور اللي هو مهتم فيها وبيني انك فهمه
وهمسه في اذنك حبي نفسك ودلعيها عشان هو كمان يحبها يعني اهتمي في نفسك واشغلي نفسك كثير بعض الرجال مايحبون الحريم اللي طول الوقت لازقه فيه
ويارب يفرج على كل مسلم كربته

على الحظ
 

والله الحظ اذا قام قام
والله يالرجل مايبين فيه المعروف لو تقدمين له عيونك مافيه معروف وحظك معه لو انت اقرف وانت رفله الله المستعان

ياناس نبغا افكار غير الاكل الجاهز واللبس الحلو !

انا مثلا اقولك فكرة حاولي باي طريقة تخلقين وقت خاص بيننكم تسولفون فيه بعيد عن الاولاد والهموم حتى لو كان قبل النوم على الفراش تكلمو عن ذكرياتكم وناقشبه بموضوع عمله اذا كان من النوع اللي يحب يتكلم عن شغله واذا كان مايحب تكلمي بمواضيع ثانيه يحبها..

حاولي مابين فتره وفترة تولعين فواحه بالغرفه وتجيبين زيت ريحته حلوة وتسوين له مساج قبل ينام انا شخصيا اسوي كذا لدرجة انه ادمن على المساج وصار كل يومين يقول تعالي سوي مساج :)

حاولي تخلين لكم على الاقل يوم في الشهر تطلعون برا البيت لحالكم بدون اولاد ولا خدامة ولا شي روحو كوفي شوب ولا مطعم واقعدو مع بعض قعده حلوة ترا هذي القعدات الهادية واللي تكون عبارة عن سواليف حلوة وذكريات بدون اي نقاش او كلام عن هموم او مشاكل تريح النفس وتصفي البال بشكل ما تتخيلينه..

حسسي زوجك بحاجتك له وبيني له انك ماتقدرين تعيشين بدونه بدون ماتقولينها صريح حسسيه بثقه بنفسه..

مافيه مانع تسافرون سوا حتى لو يومين وعيشو شهر عسل ثاني وقولي له كلام حلو ورومنسي في العمييق.. من وجهة نظري وفري الكلام الحلو للجلسات الرايقه والسفرات الهاديه وماشوف انك تقولين له كلام حلو كل يوم وكل وقت يصير عادي وماله طعم بس مافيه مانع من كلمة احبك او بوسة صغيره في لحظة صفاء او اذا جاب لك حاجة حلوة..

طبعا ما تفهمين من كلامي انك تكونين جافه دايما لا طبعا الكلام الحلو لازم يكون دايم على لسانك بس اقصد احتفظي بالكلام الرومنسي والذكريات الحلوة والمميزة لوقت الهدوء والصفاء عشان تعطي جو حلو..

اخر نقطه واهم نقطة الرجال من فتره لفتره يحتاج وقت لنفسه ممكن يدخل مكتبه ويقعد فيه ساعات يقرا او على النت الافضل تخلينه على راحته وماتضغطين عليه ممكن يمر بازمة في الشغل او حتى محتاج وقت لنفسه عادي اغلب الرجال كذا..
الزوجة الذكية ما تنشب لزوجها ولا تضغط عليه اذا حست انه يبغا يقعد لحاله توفر له الجو وتخليه بغرفته او مكتبه وتسوي له الشاهي والقهوة لحد ما يرتاح نفسيا ويطلع هو يدورها بنفسه..

المهم الموازنه بين الحب والثقل لا ترمي نفسك عليه بالمرة لان الرجال يمل من الحرمه اللي راميه نفسها ولا تثقلين عليه بالمرة تمللينه منك وتخلينه يدور غيرك ويارب اكون افدتك ..

نسيت انبهك لنقطة الغيرة يحب الرجال شعور غيرة الزوجه لكن بدون ماتخنقينه فيها يعني غيره بحدود واهم شي الثقه المتناهية فالشك هدام البيوت اسوء شي الزوجة اللي مسوية فيها شارلوك هولمز تفتش الجوال واللاب توب والمحفظه وو..

الشك يقتل الحب والغيرة تشعل الحب..

انا ها اليومين اعمل اكلات جديده من النوعيات التي يفضلها زوجي و اتبسم دائما في وجهه ولو ان ربي العالم بما داخلي واحاول ارضائه بتلبيه رغباته انصحوني شو ممكن اعمل كمان