|
خوف وقلق من اول زيارة للخطبة
السلام عليكم ورحمة الله وبركاته
ياجماعة الخير...غدا سوف يزورونا ناس للخطبه....ونا طول اليوم حاسه بقلق فضيع ودقات في القلب ومغص من الخوف..على فكره مب اول مره يزورنا ناس للخطبه ..يمكن هاذي المره الثالثه ... وودي ابكي بكاااء لين ما ارتاح ...نفس الوقت ابي اتزوج ونفس الوقت مابي اطلع من بيت اهلي واسأل نفسي كيف الناس تزوجت؟؟ :24: واللي مخوفني اكثر واكثر ان هالناس غرب..مانعرفهم ابدااا ...ونا دايما كنت اتخيل اتزوج واحد من اهلي لكن من بعيييييد... انا اتكلم اللي يسمع الحين ي وافقوا علي...بس والله وايد خايفه من الزياره انصحوني وعطونا من خبراتكم........وجزاكم الله خير الجزاء الاشراف : عذراً تعديل على العنوان ., بالتوفيق. |
السلام عليكم ورحمة الله وبركاته,
اختي "أميرة الذوق" أسأل الله العظيم ان يجعلها زيارة خير وانصحك بالإستخارة لله سبحانه وتعالى وصدقيني الزواج من أعظم النعم التي أنعمها الله تعالى علينا خاصة اذا وفقك الله بشاب تقي نقي يعرف حق الله عليه وحق زوجته ويعمل جاهدا على إرضاء الله تعالى ثم زوجته. بالتوفيق |
لا تخافين دام السالفة فيها فيها شوفة و خطبة بس ...... اعتبري السالفة اكشن ... و شيء جديد
يمكن ما يصير شيء ... بس والله حلو ان البنت تنخطب حتى لو ما صار نصيب ... اعتبريها نعمة لان في وايد بنات ما ينخطبون ابد... بس انتي اعطيهم و اعطي نفسج فرصة واذا صار ارتحتي و ارتاح لج.... صلي استخارة..لاكثر من مرة... و فكري بعقلج قبل قلبج ...و توكلي ولا تخافين ولا شيء....لا تفكرين انج بتهدين اهلج ... فكري بان بيكون عندج اسرتج و بيتج الخاص فيج و ما شاء الله اللحين كل شيء متوفر و تقدرين تتواصلين مع الاهل كل يوم الزواج مهما كان يبعدج عن اهلج يعتبر سكن واستقرار كل ما حد يتقدم لج صلي ركعتين حاجة عشان يروح الخوف و القلق منج و كوني ريلاكس والله يكتب اللي فيه الخير ...... الله يوفقج |
ان شاء الله كل خير بس انتى صلى استخاره
ومتخافيش واهم حاجه انك تكونى على طبيعتك |
مرحبا فيكم ...
الصراحه ريحتوني من كلامكم الطيب...اسأل الله ان يرزقكم الراحة والسكينه في حياتكم يارب العالمين بالنسبه للأخت syntax ..يوم قلتي اعتبريها نعمه...فعلا نعمه والحمدلله رب العالمين مشكورين جميعاااااا على ردودكم الطيبه : ) |
الله يسمح أمرك و يريح بالك و يسعدك
أكثري من الدعاء و توكلي على الله ، موفقة يا رب |
يعني مو حنا الشباب الي نخاف ونرتبك
انا الي مودي اهلي يخطبون لي والله يا رجولي ما تشيلني وانواع الوسوسه والخوف لكن توكلي على وخليك طبيعيه ولا تهتمين وخلي اهل الخاطب زيهم زي اي ناس يزورونكم كـ اجانب عنكم وخليك كووول ومبتسمه وفالك المليون <==متأثر بشاعر المليون اخوك انسان |
الله يشرح صدرك وان شاءالله تردين علينا بأن الخاطب مافيه مثله وانه عسل وإنك ارتحتي له :D
الله يوفقك وعليك بالدعاء ولاتنسي صلاة الاستخاره |
الله ييسر لك مافيه خيري الدنيا والأخرة
ويطمن قلبك و يسعدك آمين |
انسان ولهان...مشكور على الرد والكلام الطيب...واهم شي فاللج المليوووون ههههه صدق متأثر ^_^
محسن 1930 .. جزاك الله خيرا على هذا الدعاء ...ومشكور على المرور de rom مشكوره اختي على المرور والدعاء :)) لوليتاااااا تسلمين اختي ..ومشكوره على مرورج الطيب تسلموووووون جميعااااااااا...وان شاء الله ابشركم ^_^ |
| الساعة الآن 03:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©