خايفه على أخواني من امي
 

امي للأسف طبيعتها عصبيه ،واخواني صغار من يسووون شي ما يعجبها جالسه تدعي عليهم بأشياء قسما بالله تجرح

نصحتها تروح تدعي علي أنا بعد

كلمت اقاربنا خاصمتني

قولي لي ماذا افعل

الله يحفظهم يارب
قولي لي ماذا افعل

نفس ماما بالضبط
الله المستعان

لا حول ولا قوة الا بالله .. الله يهديها ويصلحها يارب ... والله اخطر شي انه الام تدعي على عيالها ..

ممكن يا اختي انك تشغلين محاضره تسوين نفسك تسمعينها عن خطوره هذا الموضوع ولو هي مب موجوده بس انتي تعرفين انها راح تجي في هالوقت وتسمع وتعرف انه هالشي مايجوز ..

وطبعا لا تنسين تكثفين من الدعاء انه الله يهديها ويذهب عنها هالعصبيه !!

سؤال : هي من زمان جي والا الحين لما كبرت صارت تعصب وماتستحمل اي شي ؟!

اختي نايت

كل أم هاي طبيعتها لما اتعصب بس ما في ام تدعي على عيالها من خاطرها وبعدين انتي قلتي هذيلا صغار يعني حبايبها.... وليش مايكون الغلط منكم يعني ليش ماتفهمين اخوانك الصغار يخفون شوي على امك لا تضايقونها ساعدوها في البيت احملوا عنها وبتشوفين هالسحر عالأم....

ما في أم بالدنيا اتكون قاسية على عياالها لأن انتوا قطعه منها في أحد في الدنيا يقدر يحرق قطعه من لحمه بدون ما يتألم كذلك الأم بس انتوا طولوا بالكم معاها...

وبعدين الله يهديك هذا مب تصرف تروحين تكلمين حد من أهلك عشان يكلمها مهما كانت قسوتها حاولي دايما ما تدخلين وساطات بينك وبين أمك لأن بعدها راح يضعف حبل التواصل بينكم ويمكن ينقطع بعد....

وفقك ربي

مهما دعت الام على أبنائها أكيييييييييييييييد مو من قلبها
ولو يصير فيهم شي هي أول وحده بتكون حزينه عليهم
إن شاء الله ما يصبر الا كل خير
الله يهديها

(ابني من بره ادعي عليه ومن جوه اقول بعد الشر عليه) هذا مثل مصري بس اظن اني غلطان فيه..ما اقصده ان هذا شي طبيعي لان الام اتكون هامه هم البيت وشغاله طول اليوم فطبيعي اعصابها ما تتحمل تصرفات الصغار..مثل ما قالوا اخواني الاعضاء حاولي ابعاد الصغار عن امهم قدر المستطاع حتى لا يزعجوها وفي نفس الوقت حاولي انك تساعديها في شغل البيت وانك تهتمي بالصغار بدلا منها وعندما يبدأ الصغار شقاوتهم حاولي انك توبيخهم بدلا عنها اي لا تتركي لها الفرصه انها تتكلم معهم او تدعي عليهم واذا حاولت ان تقول شيئا قولي لها بكل ادب لا عليكي يا امي سوف ادبهم بدلا عنكي لا تتعبي اعصابك انا اعرف كيف اداويهم ومن هذا الكلام وانتي تبدأي تتكلمي مع الصغار وحاولي انك تسمعيها توبيخك لهم وصدقيني سوف ترين السحر على والدتك...

لدي نقطة وارجو انك تسامحني عليها الا وهي انك غلطي اكبر غلط بشكواكي لأقاربك على امك وكيف تعامل صغارها اظن انه تصرف ممكن يكون جرحها وبالتالي تزيد في القساوة عليكي وعلى الصغار..

واسعدك الله في حياتك

الله يهديهاويهدينا جميعا انا أم والله الدعوه على العيال تجي من كثر الضغط عن نفسي وانا متعلمه وعارفه خطورة الدعوه ادعي بس من غير قصد يكون الضغط علي من كل الجهات تجي الدعوه في لساني بعدين أهدء استغفر الله ماأحد يخاف على العيال في هذه الدنيا كثر الأم لاتلومي أمك ساعديها وخففي الضغط عليها وشوفي الفرق