كيف هي علاقتك مع اخت زوجك ؟؟
 

السلام عليكم ورحمة الله وبركاته


كيفكم اخواني الأعزاء

راح ابدى بمشكلتي على ياريت كل وحده تقول لنا كيف هي علاقتها مع خوات زوجها لأني بصراحه انا مستغربه من الوضع اللي قاعد يصير معي

انا متزوجه صار لي شهر يعني بعدني عروس وساكنه مع اهل زوجي وزوجي عنده اخوان 2 واحد متزوج والثاني بعده واخت وحده مطلقة اختو هذي تصرفاتها جدا غريبه معي راح اقولكم شتسوي وابي رايكم

في بداية الملكة لمن كنا نزورهم ( اهل زوجي ) كانت تقول لي الجاكيت اللي عليك حلو مره ابغى البسه بكره للدوام طيب جيبي .. انا انصدمت حسبتها تمزح وعديت السالفه ويوم ورا يوم اكتشفت ان البنت تبغى تكون قريبه مني يعني تسألني اسئلة مره جريئة امي ما تسألني اياها قلت مو مشكلة يمكن لمن نتزوج واعيش معها يتغير الوضع لا والله وتزوجت وواكتشف اشياء كثيره ثاني يوم العرس تسألني (وش صار بعد ما .....) طبعا كلكم عارفين انصفق وجهي وش هالجرأة عديت السالفة وما علمت أحد لين جا العيد وجت لي وعادت علي نفس الاسطوانة ابغى البس بدلتك العيد انا هنا ارتفع ضغطي انا يا جماعه ما اقولكم ما احبها بس هي مو من النوع ارتاح له فهمتوا علي يعني مو اللي اشكيلها وكذا ابدا وعشان كذا بلشت معها مجاملات لين ارتفع ضغطي وكلمتها وقلت لها على الطلب الاخير هذا طيب خذيها بعدين فكرت اذا عطيتها البدلة راح تتعود وكل يوم تجي تفتح الدولاب وتاخذ اللي تبغى وانا ولا كلمة !!

قلت لها اسمحيلي اذا تبغين البدلة خذيها بس حطي ببالك زين انه انا ما احب آخذ شي من احد تعرفي حتى خواتي ما احب اخذ منهم شي .. انصدمت مني بعدين قالت ما ابغى منك شي خلاص وراحت

يا جماعة انا الحين بعرف سويت شي غلط ومن بعد هذا اليوم تصرفاتها مره ترفع ضغطي صايره ما استحملها ابغى استفرغ الله يعزكم منها ياليت كل وحده تقول لي صح اللي انا سويته وكيف علاقتها هي ووخوات زوجها ( اذا كانت عايشه معهم) وبس

وجزاكم الله خير

أقولك زين ماسويتي لا جرحتيها ولا قليتي أدبك معاها في سالفة البدلة_ واذا تبين نصيحتي لاتعطينها وجه وإذا سألتك سؤال جريئ انتبهي تردين عليها ووضحيلها ان هذي خصوصيات ما تحبين أي احد يتدخل فيها ..

زين سويتي انج صارحتيها
بس انا اشوف شخصيتها انها تعاملج كأنج اختها بالضبط !
وماتشوف عيب او فشله في علاقتها مع زوجة اخوها !

واما بالنسبه لعلاقتي مع اخت زوجي
فللإسف مافي اي علاقه مع اني احبها بس انا نوعي انطوائيه وماعرف اسولف يعني وحده تملل =)

يالله اش الجراه هذي يعني صحيح ان اخت زوجي ممكن تتدخل بس مو لهذي الدرجه

الحمدالله يا اختي انا انسانه متعلمه وتفكيري اكبر من اني اسوي مشاجرات ولاخلافات .. وبعدين خواتي كلهم اثنوا على الشي اللي سويته للأسف ما كنت متوقعتها كذا وطلعت شي ثــــاني

والحين انا دايم رسمي معها

وشكرا على ردك وسعة صدرك

هلا اختي انتي زين سويتي ترى اهل الزوج مايبغالهم ميانه اساليني كثر الاحتكاك يولد المشاكل فخليك رسميه معهم ولايشوفون منك الكل زين علشان مايلقون عليك طريق انا بصراحة تزوجت وجلست معهم شهر وطفشوني مرررررره شي لايطاق وطلعت وانا الحين بيت بروحي والحمدالله وحنا ناقصين مشاكل من الزوج ولامن الاهل..

حبيبتي راعي انها مطلقه وجناحها مكسور ومحتاجه حد يكون قريب منها
حاولي تتحمليها اكتر
انا لسه متملكه واخت زوجي بتسكن معي
بصراحة بصراحة مش دايما بهضمها بس اتحامل وارسل لهلا هدايا وغيره اولا لارضي زوجي تانيا حرام يتيمه

انا ساكنة مع اهل زوجي واخته معانا
بصراحة انا واياها نتعامل كأننا خوات ولله الحمد حتى الملابس ناخذ من بعض وتساعدني اني اسوي حركات لزوجي ولله الحمد انا واياها مثل الاخوات واعز