ابغى رأيكم الله يوفقكم
 

انا وزوجي جالسين نتحاور بكل هدوء ورومانسيه
ومن ضمن الكلام تكلمت انا عن الخادمه


(الخادمه هذي مو لي حقت اختي واختي مسافره وحطتها عندي تساعدن)
( انا معلمة وعندي بنت صغيره سنه ونصف وحياتي اليوميه اقوم الفجر اصلي البس اسوي الفطور اجهز بنتي واطلع للمدرسه
الظهر اقطع السلطه واجهز الغداء وانام شوي اقوم العصر اصلح الكفي وابدء بالعشاء وهكذا اغلب الايام غير تغسيل الثياب والكوي والمواعين والكنس)


الي حاصل قلت ياحليلها الخدامه تجنن اتاريني عايشه بجحيم
على طول عصب زوجي وقال انت ماتحترمينن لسانك طويل صدق كفاره بالنعمه ومن هالكلام وانا اقوله وشفيك ليش عصبت وهو معصب ويخانقني يش اقول كلمة جحيم....

اتمنى زوجي يكون عنده مبدأ حوار ومايتلقط الكلام مني ويخلق مشاكل والا ايش رأيكم.

يمكن زوجك حساس
ويعتقد انك تلمحين له شوف اختي عندها خادمه ومرتاحه وانا لا

انصحك بكتاب الرجال من المريخ النساء من الزهره
كتاب رائع وراح تستفيدين منه كثير من هالناحيه



الله يهديه ويسخره لك

شكرا ياقلبي
هل ترون اني اعتذر بالهموقف؟؟؟؟؟؟؟
وليش صار ابداء الرأي براحه فيها اعتذار؟؟
ليه المرأه لازم ماتشتكي والا تكون زي ماقالي لساني طويل؟؟؟
ترضونها لكم

لا يا عزيزتي .. أنتي لم تخطئي.

ولكن زوجكِ هداه الله إما انه حساس زيادة عن اللزوم .. أو أنه افتعل مشكلة لظنه أنكِ ربما ستطلبين منه إحضار خادمة .. وقد يكون هو غير مستعد لذلك فلجأ إلى أسلوب (خذوهم بالصوت قبل أن يغلبوكم).

الموضوع بسيط ولا يحتاج إلى اعتذار .. والزوجان ليسا في قاعة محاضرة حتى ينتقيا الألفاظ بكل هذا الحذر مخافة أن يُفهما خطأ.

اجلسي مع زوجك وقولي له إن كلامكِ لا يعني بالضرورة أنك لا تحبين حياتكِ معه .. ولكنكِ إنسانة ومهما استطعت تحمل مشقة الحياة وأعباء المسؤولية فإن هذا لا يعني أن تبتلعي إحساسكِ بالتعب دون أن تعبري عنه .. ولكن لا تعتذري لأنكِ لم ترتكبي جريمة.

هو زوجكِ وهو أولى الناس بسماعكِ واحتوائك .. وإلا فهل كان سيرضى ان تقولي تلك الجملة أمام شخص آخر؟؟؟؟؟؟


في النهاية عندي شيء من الفضول أثاره وصف زوجكِ لكِ بأنكِ كفارة بالنعمة ..... هل يشارككِ زوجكِ كل تلك الأعباء المنزلية؟؟ .. وهل تعملين بناء على رغبتكِ الذاتية أم بدافع التعاون مع زوجكِ على تحمل أعباء الحياة؟؟

انا اعتقد ان زوجك عصب من كلمة جحيم لاني انا بصراحة يوم قريت الكلمة حسيت بتقزز فهو عصب من الكلمة وارى انه من الادب وحسن العشرة انك تعتذري واشرحي له قصدك انك لماجربت الراحة شعرت بالفرق بعد مجئ الخادمة وهذا شعور طبيعي وانك اخطأت اختيار الكلمة والله يصلح اموركم

يا اختي انتقى الألفاظ التي تليق بالحديث مع زوجك , تعلمي الألفاظ التي لا تبدي تشاؤمك من وضعك

فالرجل مهما يكون حاله يود ان زوجته تكون ملكة .. وأنت بكلامك أحس أنك انكرت ما يقوم به معك وما يوفره لك

قولي له انا ماقصدت الكلمة بس لاني علطول اشتغل ومارتاح ... ولما جات الشغاله خففت عني وقلتها بدون قصد
وانا ماراح اطالبك بشغاله ولا اكلفك فوق طاقتك
وان كان كلامي فيه قلة احترام او طولة لسان سامحنى ياتاج راسي
وهذي بوسة على راسك ويدك بس اهم شيء رضاك
انا اقبل اشتغل طول عمري خدامه تحت رجولك ولا اشوف الزعل بعيوونك

وصدقيني بيندم وبينحرج منك

واضح ان زوجك ما يايد الخادمات او ما عنده استعداد يجيب لك عشان كذا بيريح ادماغه عشان تحرمين تفتحين معاه موضوع الشغاله

بصراحة عايشة بجحيم (كلمه قويه) طبعا انتي ما قصدتيها صح ؟ لذلك اعتذري و أفضل انك ماتستعجلين بالكلام مرريه في راسك قبل لاتقولينه وعلشان تقتنعين بكلامي ...تخيلي أن زوجك جا وهو يسولف بكل هدوء ورومانسية (زوجة صديقي طباخة ماهره وفنانة جدا بالطبخ والله يوم عزمني وشفت الأكل قلت في نفسي أثريني عايش بجحيم!!!!) شفتي كيف انك قلتي شي غلط 100% أكيد بتزعلين لو سواها صح ..

الله يسعدك

من حقه يزعل

حطوا نفسكم مكان الرجال . . .

تتزوج وتصرف وتدفع وتكد وتتعب وتداوم

وتتحمل مسؤولية زوجة وبيت

وفي النهاية تقول له زوجته : جحيم . .!!!








كلمة قاسية