|
اسعفوني بالحل ....
السلام عليكم ورحمة الله وبركاته
اتمنى ان اجد حلا لمشكلتي الغريبه ... يا جماعة الخير انا ماعرف شو فيني بالضبط ومثال على ذلك: عندما يأتون ناس لخطبتي ...دايمااا ادعي ان ما يصير نصيب لأن مالي رغبه بهذا الزواج...عكس البنات يتمنون الزواج والموافقه...ولكن انا لا اوافق بل ارفض ..عموما في هذه المواقف دايمااااااا ارفض والمثال الثاني : يوم اسير المقابله للوظيفه......ادعي ان ما يوافقون علي ...واقول يارب ما يقبلوني انا حيرانه من نفسي ماعرف شو مشكلتي ...هل لأن ماعندي طموح؟ بس والله اني اطمح وماشاء الله كنت شاطره في الدراسه وفي الجامعه ...بس ليش كل هذا يطلع مني؟ اللي عنده خبره عن هالأمور والحالات ممكن يفيدنا بارك الله فيكم جميعا |
عزيزتي ...
ربما إنت تستخدمين إسلوب نفسي مع نفسك (بعيد العمق),,يعني كيف؟ يعني تحطين في بالك إنك ما تبغين هذا العريس عشان إذا كان الرفض من عندهم(أهل العريس) تقنعين نفسك ومن حولك إنك إنت أصلا ما كان لك رغبةو ما تبينه!!!!!!!!!!!(وهذا عكس ما في أعمااااااااااااااااقك ) وقيسي نفس الشئ على الوظيفة يعني بالعربي تمهدين نفسك لأسوأ الظروف بس بطريقة أعتبرها(أنا) نفسيا خاطئة خلك قوية( وإذا صار رفض من أهل المتقدم ,,,أو من المقابل في الوظيفة أو غيره )تكون عندك روح رياضية وثقة بالنفس عالية تقبل بالرفض وتفرح بالقبول.. أتمنى إنك تكونين فهمت بعد كلامي ....هذا إذا وافق حقيقتك وإنت أعرف بنفسك,,,لكن حقيقة أنا شفت شريحة من الناس تغالط نفسها وهي مش صريحة مع نفسها أولا فكيف تصل إلى الحل؟؟ نحتاج إلى قوة وصراحة مع أنفسنا وشفافية قبل ما تكون مع الناس ... عذرا على الإطالة بس شكلي تحمست:) |
اهلي اختي الشيهانه...
الصراحه انا اشكرج واحييج على مشاركتج وكلامج الرائع... لكن عندي تعقيب على ما ذكرتيه.... بالنسبه ان اخاف هم يرفضوني ولا شي المشكله الموضوع عكس والله....يعني انا اللي دايما خايفه وما اوافق على شي بسهوله...بالنسبه للوظيفه نفس الشي ارفض ..وغير جذيه احاتي اقول ياربي اذا وظفوني لازم اكون مداومه الساعه كذا لازم ما اتأخر...لازم ما اآخذ اجازه واهلي كلهم عندهم اجازات وبسافرون ونا ما اقدر...المهم دايما احط عواقب امامي ماعرف شو اسوي في نفسي ...احيانا اقول ليتني ما كبرت..كل ما اكبر كل ما همي يكبر ويزيد... عموما شاكره لج مرورج مره ثانيه |
أها.. طيب..
شوفي حبيبتي لازم يكون عندك<< رضا>> أكبر من كذا بكثييير!!! بتقولين لي وش دخل الرضا بالموضوع!! بقولك... ربما إنك من النوع الي( تبين كل شي مضبوط 100% وفي نفس الوقت عندك خوف إنه ما يكون مضبوط 100%) وبالتالى تأجلينه أو لا ترغبين فيه خوفا من عدم إتقانه.. وأقولك ياحلوة على ما قد الإنسان ما يخطط ويبحث ويسأل عن المتقدم لا يكون إلا ما أراد الله لا يكون إلا ما اراد الله لا يكون إلا ما أراد الله توكلي على الله ,,,وداومي في الوظيفة المناسبة بعد الإستخارة ,, وإقبلي العريس المناسب.... وشيلي من بالك أنا<< ما أوافق على الشئ بسرعة>> ....الأمور تؤخذ بسهولة وفي نفس الوقت بدراسة(لاكن موبتعقيد وسوسة) وإستعيني بالله وكل أمورك بتتسهل بإذن الله .. الله معك.. |
اختي شيهانه...
شكرااااا على مجهودج الطيب ...وأسأل الله ان يجعله في ميزان حسناتج يارب :) كلامج ماشاء الله في قمة المنطق .....واعجبني اسلوبج الراقي.... والله يوفقج ويوفق الجميع يااااااااارب |
| الساعة الآن 01:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©