هل يجد الزوج عيبا في اظهار محبته لزوجته
 

السلام عليكم يامنتداي الغالي اتوجه بالسؤال للرجال عندكم عيب اذا اظهرتو اهتمامكم لزوجاتكم بحضور اهلكم يعني اهل الزوج عشان يحترمونها ويعرفون قيمتها عند الزوج لان بعض الرجال عنده عيب حتى انه يرد على زوجته في الموبايل يم اهله انا ماقصد يغازلها قدام اهله بس المفروض مثل ما يظهر محبته لاهله قدام زوجته يبين لهم بعد انه يهتم ويحب زوجته لان بعض الاهل يرفعون راسهم على زوجة ولدهم اذا اظهر اهتمامه بهم وترك زوجته يعني مثل زوجي الله يحفظه يدلع فيهم ويهتم وانا حتى اذا كنت نايمه في بيبت اهلي وبيجي ياخذني مايقول الا اشتقت للعيال يعني اولادي يستحي يقول اشتقت لام فلان بروح لها يعني كلش الظاهر انهم يغيرون والا الظا هر انه عقوق لامه انا واللا اني عادي ما اغار بس اللي قاهرني انه مايبين لهم قدري عنده لانه اذا بين محبته لهم قدامي يتغامزون ويناظرو ن فيني ارجوكم يا رجل المستقبل ردو يقول كل واحد ايش رايه يعني اذا اظهر الرجال اهتمامه بزوجته بحضور اهله عيب في حقه وعقوق لامه وعطوني حل لزوجي

لايا اختي مو عيب بس اغلب الرجال صدقيني يستحوا واهل الزوج اللي يسوا حركات الغمز واللمز ترى لا تشيلي بنفسك ترى شكلها عقولهم صغيره الله يهديهم

وعليكم السلام ورحمة الله وبركاته

أحسنتِ أختنا الكريمة أحسن الله إليكِ

مافي حرج من الزوج أن يحترم ويقدر زوجته أمام أهله وأهلها

على أن لا تميل كفة الميزان إلى زوجته ولا إلى أمه بل يكون بين ذلك بحكمته وذكائه

وعلى العكس بعض الامهات تحب أن ترى إحترام إبنها لزوجته وترى إحترام زوجته له

والعمدة على قائد المركبة وحكمته

ولو أنكِ تفتحين الموضوع مع زوجك بذكاء منكِ .. أن شاء الله سترين تغيير طيب منه

والله ولي التوفيق

اشكركم على ردودكم الله يعطيكم العافيه وعساكم على القوة ابغي ردوووووووووووووود اكثر الله يجزاكم خير فين الرجاله

الله يسلمكم مافي احد ابدى رايه بصراحه زعلتوني

بصراحة أنا بخجل أني أدلع زوجتي قدام اهلي و لكن لحالنا أدلعها ألين ما تتعب بس انا ما راح اتعب من التغزل
و ترى هذا شيء طبيعي و إذا كان زوجك يحبك فلا تنظري لهلأمور الصغيرة و لا تخلينها تاخذ من وقتك و تفكيرك..

الي بينك وبين زوجك شيء والي بين زوجك والناس شيء آخر أختي .

حتى اهله ما يصلح يبين لهم انه يحبك لأن أمه ممكن تغار وتنقهر ليش بنت الناس تأخذ ولدها وحاجات زي كذا .

للأسف هذا واقعنا خصوصاً في الخليج ولازم نتكيف .

لازم تعرفي ان زوجك ما دام يحبك الأفضل أن الآخرين ما يعرفوا شيء .

وعليكم السلام
يا اختي اهم شي تكونين مرتاحه مع زوجك ولا تفتحين عيون الغير عليكم والله يوفقك

لازم تعرفي ان زوجك ما دام يحبك الأ فضل أن الآخرين ما يعرفوا شيء ياسلام يعني عيب اذا الزوج احب زوجته والله مجتمع معقد

,
,

يعني إظهار إهتمام أكيد لازم يظهر لأهله إنه يحب زوجته ..

بس في حدود يعني مايزيد الجرعة ..

ولو أني أرى أن مدحها أمام أهله وأهلها يكفي ..

ولوكان من دون حضورها ..

,
,