|
زوجي مدمن كحول وطلبت منه الطلاق
[ السلام عليكم ورحمه الله وبركاته
مشكلتي تزوجت رجل عاجز وفوق هذا مايقدر. .ويشرب كثير..ولي سنتين...وكنت ساكته وماعلمت امي بس جاء يوم وهو شارب وقعد يبكي ويقول ماقدر اعطيك حقوقك..وقلت مابي منك شي بس ابي اقعد سنه علشان كلام الناس مره سنه وطلبته الطلاق وعياء ومن عيوبه ما يصلي.. وصرت انا الي اصرف عليه من راتبي. مع ان راتبه ضخم جداااا... لانه يشرب والحقيقه لاشرب وثمل يتصل علي وكلمني برومنسيه زايده ويقعد يبكي .... المهم نصحته يتعالج ويصلى لمد سنه ونصف... وماوفي واليوم تركته لحاله وطلبت طلاقي ...وهو عيا لايطلق وقلته اني ابيه يترك الشراب ويصلي سوالئ ليش الرجال يتزوجوا وهم عاجزين يعني سهله اللعب بنات الناس..؟؟؟ وسهل طلاقي وانا بنت ثاني وصدقوني انا مادري افضحه ولا اسكت اقول الحقيقه وابرئ نفسي.. .والا اسكت وطنش كلام الناس واظلم نفسي ثالث ليه الرجال يشربون مايدرون انه حرام... وان المره الشريفه ماتقبل احد يشرب الخمر... لانه قادر على كل حرام وسلامتكم ] تم تغيير العنوان الاداره |
وجهة نظري البقاء مع هذا الزوج يعتبر دفنا لك بالحياة
أطلبي تدخل المحكمة إذا لم يفلح معه الحلول السلمية وعودتك إلى بيت أهلك أفضل مليون مرة من صبرك عليه لأنه لا يصلي ويسكر ويأخذ منك فلوس أما كلام الناس فلا يسلم منهم أحد أتركيهم وشأنهم كلها فترة ويسكتون |
ام حمزه
شكر ا لمرورك الكريم وبصراحه باول الوقت قلت راح يلزم مع الوقت وراح يتعالج بس مافيه فايده ويعطيك العافيه |
اقتباس:
ويعطيك الف عافيه وجزاك الله خير |
اختي عقد نكاحك منه باطل لانه مايصلي واسالي الشيوخ اذا منتي متاكده من كلامي لاتستهينين بهالشي فهو كافر اذا كان مايصلي نهائي
تانيآ سكير تالتا تصرفين عليه وش تبين فيه ؟؟؟؟؟؟؟؟؟؟؟؟؟ اذا خايفه من كلام الناس ترى الناس مابينفعونك واصلا رضاهم غايه لاتدرك فخلي نفسك اهم وسوي الصح واللي يبي يتكلم خليه يتكلم بيده ورجله مهو بس كلام واحمدي ربك ان مالك اطفال منه واتركيه لله والله بيعوضك من ترك شيئآ لله عوضه الله خيرآ منه |
اقتباس:
بس والله كلام الناس يوجع وانا الحين بيت اهلي وهو عيا لايطلقن مع اني قلت اعطيك حلالك وعذره انه يحبن وماقادر يطلقن والمشكله اني لازلت بنت وشكراااا |
اختي الكريمة
لماذا ظلمتي كل الرجال ؟ ليس كل الرجال مثل زوجك ؟ اختي المباركة هل تم سؤال امام المسجد عن صلاة الرجل ؟ الواضح انك تلقين اللوم على جميع الرجال وزوجك حالة شاذة في المجتمع . اختي المباركة هل جميع الازواج يظلمون زوجاتهم ومقصرون في حوققهم وياخذون من رواتبهم ؟ اختي الانصاف ثم الانصاف فالظلم ظلمات يوم القيامة . ولا تجعلي من حالة واحدة التعميم . سامحك ربي ووفقك الى الصواب . |
اقتباس:
اسفه اخوي ماقصدت كل الرجال وصدقن سالنا ناس كثيرين... وعقب الزواج قالوا ايه انه كان سكير...بس حسبناه راح يتوب او تاب والمشكله كلن مدحه والي خطبن له شيخ حتى التلفزيون مايوجد بيته ومن عاليه القوم الله لايحله ولايرحمه وادري ان الرجال مو واحد وان هذه كتبه الله وجزاك الله خير |
وعليكم السلام ورحمة الله وبركاته
أختي .. لا أدري ماهي الحياة التي تعيشينها!!! ولا شو اللي جابرك تكملي فيها !! مافي أي صفة إيجابية .. بل على العكس كلام الناس .. مامفيدك أبدا .. حياتك قاعدة تضيع منك .. عليك بطلب الطلاق .. هذا مايجب أن يحدث ولا شي غيره وأسأل الله أن يعوضك الزوج الصالح الذي يعوضك خيراً |
اقتباس:
جزااااك الله خير وعسى الله يتقبل دعوتك ويرزقن بزوج صالح ودمت بعافيه |
| الساعة الآن 01:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©