|
زوج اختي يعاندها في كل شئ.ساعدوها
اخواني واخوتي اعضاء المنتدى المميزين اريد منكم الحل في مشكلة تكاد تأرقني حقيقة ان المشكلة ليست خاصة بي بل بأختي الصغرى فهي متزوجة من سنة و7 اشهر ولها طفل يبلغ من العمر 7 اشهر ملخص المشكلة ان زوجها يعاند ذبان وجهه وهذه والله ماهي مبالغة مني ويتعامل معاها من ها المنطلق والمشكلة اذا شافها متحمسة لشئ عاندها عليه لدرجة اننا نصحناها انها تقتل الحماس اللي عندها عشان ما يحس بحماسها لاي موضوع ولكن لاحظت في الفترة الاخيرة لاحظت انو يعاندها في اللي يخصها من جهة اهلها بمعنى انها لو خارجة عند احد من اقاربنا اولا يشوفها ايش راح تلبس من الظهر ولمن تجي تلبس وتتمكيج على اللبس ويجي يوديها ينكد عليها نكد موطبيعي بالرغم من ان هذا اللبس نفسه هو اللي مشتري لها هو والامر لمن تروح عند اهله والا عند جماعتو يخليها تلبس اللبس اللي ما يرضى تلبسو عندنا (ملاحظة اختي والحمد لله محتشمة في لبسها ولاتلبس ماهو فاضح او عاري اوووووو)وهو عارف كدة كويس لانو لمن جاه وخطبها ما جا الا وهو سائل ومطقس يعني الشغلة فقط شغلة عناد وهذا كان مثال صغير من اللي تعانيه طبعا غير نظرته الفوقية في التعامل مع المرأة وكأنها مخلوق من الدرجة الثانية وغير الضرب اللي تذوقو بأشكاله منو من كفوف ورفس حتى وهي نفاس ما سلمت منه حسبي الله عليه ونعم الوكيل والمشكلة الضرب على اشياء تافهة مثلا لمن يجتمعوا اهلو واخواتو في بيت اهله وهي تكون تعبانة او عندها شغل او ما لها نفس تروح عند احد ياناس اعتقد انه من حقها يضربها الا تروحي وماتترحم من تحت يده الا لمن تلبس ويوديها في المقابل لمن نجتمع احنا اخواتها ينكد عليها ويحرمها من جمعتنا وهي يا عيني تجلس تبكي تبغى تجي وتنبسط وهو ما عندو اي احساس فلمن تجي تشتكي لي تقول يعني يبغاني مع اهله لكن اهلي اللي اخذني من عندهم حارمني منهم وان ساعتها اتلجم وما اعرف ايش ارد عليها وفي اخر مرة تشتكي لي انو لمن يخرجها يتمشوا يوديها الاماكن المقطوعة اللي مافيها احد بحجة انو انسان وحداني لا يحب الاختلاط بالناس وهو عكس ذلك تماما بل هو من كثرة كلامه ما يعرف ايش يقول ولا يوزن كلامو ولا يتحين الوقت المناسب حتى للكلام مثلا زي الاسبوع اللي فات امي الله يحفظها كانت بالمستشفى الكريسترول مرتفع وهذا جا يشتكي لامي من بنتها بالله عليكم هذا وقته خلاصة الموضوع اختي اللي كانت وردة متفتحة اصبحت مع هذا الرجل ذابلة واحسها ما صارت تلك الاخت الصغرى الشقية المرحة اللي كان كل همها كيف تنبسط وتبسط اللي حواليها ماادري انا صرت خايفة عليها انها تسوي بنفسها شئ لانو صارت نفسيتها مدمرة وان اسفة على الاطالة لكن اريد حل فعال انقله لها لتجربه فانا عجزت من كثرة الحلول اللي اقدمها وتفشل مع هذا الرجال تم تعديل تالعنوان ليتناسب مع القسم الاداره |
واحب اضيف انو احنا مالنا احد بعد الله لاننا ايتام يعني لا اب ولاعم ولاخال عشان نلجأله
|
أتوقع والله أعلم إن أمثال هذا الزوج لاتنفع معهم الأساليب الاستعطافية فهو عديم الرحمة تقريبا !!
وكل المشاكل التي ذكرتيها تهون عند الضرب فلا يُسكت عليه أبدا لأنه سيتمادى ولدينا قصص في هذا المنتدى تؤكد صحة كلامي ..! أخبريها ألا تسمح له بضربها أبدا وإن فعل فلتهدده بإخبار أهلها وأنها سترفع عليه قضية بسبب ذلك .. أما العناد فليس لها إلا التجاهل وأخذ الموضوع بكل بساطة ومع الوقت سيمل هذا الأسلوب، ولن يجدي أن تقابل عناده بعناد لأنه متسلط .. كفاها الله شره .. |
اشكرك اختي جنة الدنيا على مرورك الطيب الذي عطر الموضو ع بالنسبة للضرب انا قلتلها ما ينسكت عنو وكلمته وهددتو انو مابيشوف عينها بعد اليوم والطفل بنربيه محنا عاجزين عنو نخ وقال والله انا احبها ومااقدر استغنى عنها ومن يوم رجعت له رجعت ريما لعادته القديمة مو اقولك عجزت مع هذا الرجل زي الحرباء تلون نفسها حسب المكان والظروف
|
شوفي يا أختي قرري بداية أنت تريدين النصيحة والا التعاطف والمواساة؟
أنا سأفترض أنك تريدين الاولى اختك لماذا لجأت لك؟ لانك أذكى منها؟ أقوى منها؟ أنا أعتقد أن الانسان يلجأ لطلب المشورة لأكثر من جانب من بينها الفضفضة وطلب الدعم النفسي ، وهذا انتن معشر النساء أشطر فيه جانب أخر أن يكون هناك عقل خارج دائرة الضغوط النفسية التي يعاني منها صاحب المشكلة لأنه من الطبيعي أن صاحب المشكلة قد استنفد كل ما في جعبته من الحلول ويريد نظرة أخرى مختلفة لذا اذا أردت أن تفكري بنفس نظرتها لن تأتي بجديد ولن تفيديها ما أردته من المقدمة المملة أعلاه هو أن النصيحة لن تكون مجدية اذا بنيت على رواية طرف واحد فقط فقارئ الموضوع يرى بوضوح من الرواية أن أختك مسكينة مظلومة وتمثل جانب الخير الخالص وفي المقابل الزوج هو دراكولا مصاص الدماء ويمثل الشر الخالص هذا الوضع قطعا غير صحيح فاذا أردت مصلحة أختك وأنت اعلم مننا بباقي التفاصيل انصحيها بحسن التبعل لزوجها وان تعرف ما يزعجه وتبتعد عنه ومثل ما هو سأل عنها أكيد أنتم سألتم عنه فتشوا عن جوانب ايجابية في شخصيته ولتدخل له منها هي بالتأكيد وضعها الان غير مثالي وهذا لا يتطلب منها الاكتفاء بالبكاء والتحسر على البخت المائل بل يتطلب منها جهد مضاعف لتعديل الوضع فاشعال شمعة واحدة خير من لعن الظلام الف عام وصدقيني ببعض الجهد والدعاء و اصلاح حالها مع ربها ستتغير الامور مع العشرة |
الله يعين اختك
لكن الرجل اللي يستخدم يده ...فهذا لان ما عنده تفاهم ولا يعرف التفاهم ايا كان السبب اللي ينرفز الرجل ...لا يبيح له ان يمد يده واضح انه انسان متسلط وهذا لا يخيفة احد ...لا ام و لا اب هذا يخيفة القانون ...يعني بعد ان تحاول ان تتجنب كل ما يثيرة يجب عليها ان تهدده بالتالي بانها سوف تشتكي عليه عند الشرطة واذا لم يرتدع ...فلتنفذ تهديدها ..خاصة انك قلتي ان لا اب لكم ولا احد كبير يهابة اهم شي ...لا تسمح له بالضرب والله يعينها |
الرجل الي يمد يده على حرمه مو رجل هو مستضعفه عشان ماعنده رجال بس وين اهله معقوله في اهل يرضون ولدهم يكون طاغيه لذ الدرجه واذا اهله من نفس الطقه ماعليه سوا اللجوء للمحكمه واخذ تعهد بعدم ضربها
|
اشكركم اخواني الافاضل على مروركم الطيب
بالنسبة اختي او اخي بحر الكلام اللي تقولو انت انا معاك فيه يعني اي وحدة لازم تتعاطف مع اختها ومو لازم اختها يعني تجي وحدة تشتكي وتفضفض ايش لازم نسوي نصف مع الرجل عليها وهي قايلة انو يمد يدو عليها والله لو ماهي اختي بتعاطف معاها احنا بشر وعندنا قلب وبعدين هي جاتني ما تفضفض جات زعلانة وجلست عند الوالدة كم يوم وانا ما قلت ما سمعنا منو لا والله سمعناه وسمعناها لكن كل كلامه عنها وعن تصرفاتها وعصبيتها كان السبب وراه كثرة مزحه الثقيل ولا مبالاته عنده كل شئ تقولو المرأة مهما بلغت اهميته مجرد هراء بالله عليك عمرك شفت انسان زعلان ويا زوجته وفي جلسة الصلح والمفاهمة ينكت ويجلس يضحك لوحده والا يضحك بدون اي سبب باسلوب استفزازي يعني زي اللي مو شافك ولا شايلك من ارضك وبعدين انا ما ازكي اختي والله هي كمان غلطانة في بعض الامور اللي وضحناها لها وان شاء الله بتشتغل عليها اما بالنسبة له اللي دخل من الاذن اليمين خرج من التانية انت لو مكاني كيف بتتصرف مع العلم اني في المرة الاولى سألت اهل الاختصاص وادوني رؤوس اقلام لانهم يبغوا اصحاب المشكلة نفسهم يتكلمو عشان يكون الموضوع اوضح |
| الساعة الآن 08:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©