|
مدللة من زوجها ..والسبب ؟؟
السلام عليكم ورحمة الله وبركاته
صراحة حابة أفيد كل المتزوجات بهذا الموضوع المختصر والمفيد بإذن الله تعال ولا تنسوني من دعائكم إن الله يوفقني مع زوجي .................. لي صديقة .. لطيفة جدا .. تكبرني بسنوااااات عديدة .. فأنا عمري مثل عمر إبنتها .. المهم هذه الزوجة ماشاء الله عليها مطيعة لزوجها ..وحياتها الله يوفقها شبه مستقرة .. وزوجها ما يرفض لها طلب .. بصراحة أنا حسيت إنه دلال زوجها لها نابع من دلالها هي لزوجها ومرة من المرات قالت وأفصحت عن طريقتها في تعاملها مع زوجها ووالله أنا قلت لها على طول .. أهاااااااااا أجل هذا هو السر . .شوفو وأنتبهو يا متزوجات لكلامها .. تقول إنها برغم كبر سنها تحاول تدلل زوجها بكل شي أول ما يقوم من النوم تكون هيا قايمة من بدري وتجيب له الفاكهة على السرير وتأكلو بيدها قطعة قطعة وقالت ( أأكلو كأنو طفل صغير ) .. تخيلو مدى سعادة زوجها (وطبعا الأزواج يختلفو ومو كل الرجال يحبو ياكلو أول ما يقومو من النوم .. بعضهم طبعه إن ما أحد يكلمة ولمدة نصف ساعة .. والبعض يفضل إن يلقى الفطور جاهز .. وكل من على طبعة .. ) وكمان .. تقول لما يكون رايح على شغلو .. هيا بتلبسو البدلة .. وصار له سنييين ما يلبس إلا من إيدها .. لدرجة إنو صار ما يعرف يلبس يدونها (وأكيد مو كل الرجال يفضلو إن زوجاتهم يلبسوهم .. هناك من يفضل أن يجد ملابسه مكوية ومبخرة فقط.. وهو يقوم بلبسها ..) وكمان .. تقول أهم شي لما يصير طيب معاها وحنون ويقول لها خذي اللي تبغيه .. تكون رزينة .. وما تطلب كثير .. وتحاول إنها تبين إنو مو ناقصها شي .. (لكن بعض الرجال يحب إن زوجته تطلب منه.. ويتضايق لو دائما تقول له مو ناقصني شي .. لكن تطلب في حدود المعقول .. وكل وحده عارفه إمكانيات زوجها .. ) أيضا .. دائما أكلاته المفضلة جاهزة وأهم شي لما يرجع من عملو .. لأنه يكون تعبان .. وأحيانا ترسل له بعض الحلا والفطاير لعمله .. شفتو كيف الإهتمام (أكيد في بعض الرجال مسويين رجيم .. بالتالي راح يكون الأكل المفضل لهم هو الخالي من الدسم .. وكل وحده تعرف وجبات زوجها المفضلة ) أيضا ... من طباع زوجها العصبية .. تتحملو لما يعصب وما تحاول ترد عليه .. طبعا تقول في بداية حياتها ما كانت كذا ... لكن بعدين أقلمت نفسها .. وصارت تلتزم الصمت .. ( عاد طباع الأزواج يا كثرها .. عصبي .. مزاجي .. قاسي .. عنيد .. وكل وحده تتحمل من زوجها .. ولا تنسو الأجر والثواب من رب العالمين ) وكمان تحاول توفر له الجلسة المريحة اللي يفضلها .. تلفزيون .. جريدة .. قهوة .. ....الخ (وممكن جلسته المفضلة تكون مع الأصدقاء .. بس في الحلال .. وممكن على النت ..وممكن .. وممكن ... وممكن ..) بالتـــــــــــــــــــــــــالي . .. الزوج صار يحب زوجته .. ولو تطلب عيونه ما يقول لأ .. صار زوجها حنون كثير ولو فكرتو في الموضو هي اللي خلته حنون .. كيف ؟ بحنانها تقول زوجها ما يتحمل يشوف إمرأة في العالم تبكي .. أبدا ما يتحمل .. الله يوفق الجميع .. ويسخر لكم أزواجكم .. وصلى الله على محمد |
جزااك الله خير انتى وصديقتك
|
جزاك الله خيرا أخيتي على نقل المفيد
فعلا الرجال يختلفون فيما يرغبونه من زوجاتهم ولكنهم يتفقون في صفة واحدة محبتهم بل تقديسهم للأنثى المطيعة ،،، وفق الله صديقتك وأدام سعادتها وسعادتك |
اقتباس:
بارك الله فيكي مشكورة على المرور العطر |
اقتباس:
أهلا وسهلا بمرورك بالفعل أختي الزوجة المطيعة هي ما يتمناه الرجل كتبتي فأصبتي بارك الله فيكي |
ماشاء الله تبارك الله,
الله يسعدك ويوفقك على الموضوع الرائع............ |
,
, جميل جدا ماتفعله هذه الزوجة والأجمل هو أن يفهم النساء هذا الكلام قلب الرجل يلين ولكن لكلٍ منهم طريقته , والسعيدة من عرفت سر زوجها .. ولكن ليسوا كلهم .. ففيهم الفاسق والصالح والظالم لنفسه وأهله .. , , وفقكم الله جميعا .. , , |
جزاك الله خير على الموضوع اللي لمن قريته حسيت قد ايش انا مقصرة في زوجي بالرغم ولله الحمد اني ادلعه موبشهادتي بشهادة امه اللي دايما تقولي انت مدلعته اللي يسويه معاك ماكان يسويه عندنا من دلع وكأنه رجع طفل
بس اسلوب هذي الزوجة والله ماشاء الله خياااااااااااااااااااااااااااااااااال الله يديم عليهم وعلى كل نساء المسلمين الحب اضعاف مضاعفة قولو امين |
الله يوفقهم ويوفقنا يارب
|
وعليكم السلام ورحمة الله وبركاته
جزاكِ الله خيرا اختي سمو الأميرة على هذه الإفادة .. كل زوج له سر .. ومفتاح لدخول قلبه .. وعلى الزوجة أن تعرف ماهو سر زوجها وإن تجد هذا المفتاح .. قد يكلفها هذا بعضا من الجهد والتعب لكن النتيجة في النهاية تستحق .. وفق الله الجميع .. |
| الساعة الآن 10:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©