زوجي غيور جدا
 

انا بنت عمري 19 سنة صارلي فترة بسيطة من تزوجت زوجي انسان غيور جدا انا قبل لا اتزوج متعودة اطلع واتنزه مجمعات اسواق مطاعم مع صديقاتي او اهلي الحين بعد الزواج مايرضى اروح اي مكان مع صديقاتي اذا ابي اروح لازم معاه

مطاعم مايرضى اروح لازم مستورة ولا سينما و لا اتسوق معاهم دايم يقول اخاف احد يتحرش فيكم او يضايقكم وانا ماتعودت اني ما اطلع مع صديقاتي
شسوي؟؟

عزيزتي..

أريد فقط أن أتأكد من فهمي للمشكلة.

ما فهمته أن زوجك يرفض خروجكِ مع صديقاتكِ بشكل عام .. ولكنه في المقابل يخرج معكِ للأماكن التي ذكرتها (السوق ـ المطعم ـ السينما)

فإن كان يفعل ذلك بالفعل فاحمدي ربكِ واشكريه لأن زوجكِ يهتم بالترفيه عنكِ ولم يحبسكِ في البيت .. فغيركِ كثيرات لا يخرجن مع صديقاتهن ولا حتى مع أزواجهن ;)

وإن كانت وجهة نظره هي خوفه عليكِ من تحرش الآخرين ومضايقاتهم فواجبكِ أن تحترمي وجهة نظره حتى وإن لم توافقي عليها .. ما دام في النهاية ملتزم بالخروج معكِ للأماكن التي تحبين ... (والا يعني الطلعة اذا ما كانت مع الصديقات ما بتكون حلوة؟؟؟)

ونصيحة يا صغيرتي .. لا ضرر أبداً من التنازل عن الأمور البسيطة.

طيعي زوجك اختي .. انت في عصمة رجل ولم تعودي بنت .. لا تنسي انك متزوجه ..

وربي يسعدك..

هو يطلعني بس ساعات احب اني اطلع مع صديقاتي هو غير وهم غير يعني هو الطلعه معاه لون والطلعه مع صديقاتي لون ثاني واكيد هو احلى بس انا تعودت اطلع معاهم فجأة يحرمني من الطلعة معاهم حتى هم يزعلون علي اذا اقولهم ماراح اطلع
بعدين من كثر مايقولي اخاف يتحرشون فيكم صرت احس انه بعض الاحيان مو واثق فيني يعني انا اذا تحرشو راح اتجنبهم و اطقع لهم
وبعدين انا مسترة

ياااه يابنوتة ياعمري انتي مو بنوتة انتي خلاص صرتي حرمة متزوجة ولازم تكوني قد الزواج ومسؤوليته

طبيييييييييييعي جدا انه الحياة الزوجية مختلفة مليوووووون درجة عن حياتك وانتي بنت في بيت اهلك

لازم تطيعي زوجك وتسمعي كلامه وتنفذي رغباته مهما كانت ضد رغباتك مادام انه مافيها مخالفة لشرع الله

الزواج عشان يستمر بسعادة لازم تكون فيه تنازلات من الطرفين وصدقيني بكرة تتعودي على حياتك الزوجية وانتي بنفسك اذا طلبوك صديقاتك عشان تخرجي معاهم ماراح تخرجي وتنبسطي لانك بتكوني خلاص تعودتي على زوجك والخرجة معاه

وصديقاتك مالهم حق يزعلوا لازم يعرفوا انك متزوجة وحياتك صارت مختلفة والحرية اللي كانت زمان انتهت خلاص لانك صرتي مسؤولة عن بيتك وزوجك اول تطلعي مع صديقاتك واهلك في البيت عادي اما الحين صعب تطلعي مع صديقاتك وزوجك بالبيت مرة مو عادي

انتي وزوجك اثنين ماتنفصلوا ابد لازم تتعودي على هالشي وهو كمان يتعود على هالشي عشان لا يستسهل بكرة انه يسافر مع اصحابه ويتركك ولا يخرج يسهر مع اصحابه ويتركك

لازم تعوديه انكم دايما مع بعض اذا زوجك تغير وصار يسهر ويسافر بتجينا وتشتكي وقتها راح نقولك انتي السبب زوجك على ماتعوديه

الله يسعدكم

أنا مثلك زوجي ذبحني بغيرته علي
لكن مع مرور الأيام تعودت
مع إني في البداية كنت كارهه نفسي
وصرت ما أطلع من البيت إلا نادرا
وأخيرا صرت ما أطلع نهائيا وإذا
طلعت أتضايق مرة إلين ما أرجع
لأني عشقت جلسة البيت

كلهم كذا بعد فترة من الزواج يكون عادي بس لابد تهتمين بزوجك وتحاولين ان تكون طلعات وروحات معاه وتحسيسينه انك تبغين تطلعين دائما معاه وبس لاني على مااعتقد انه يغار من صدقاتك وانك دائما تهتمين فيهم

انزين يخليني اطلع معاهم انا ماقلت كل مرة يخليني بس ما يحرمني بالمرة