|
طفلتنا ........ والمشاكل
زوجتي لاتبالي في طفلتها من كل النواحي
وانا صبرت عليها وجلست معها ولاكن لافائدة واخبرت امها قلت ممكن تكون اول تجربة صعبه عليها وامها علمتها كل شي امامي المهم اللي صار اليوم الماء رضاعتها بارد عشان الجو بارد المهم مافكرت تسخن الماء او تزيدة ماء ساخن انا قلت لها سخني الماء راحت وسخنت ماء وجابت الماء الساخن وضافته على الماء البارد وصار الماء ساخن على الطفلة لاتستطيع ان ترضع في هذا الماء الساخن انا زعلت عليها وقلت لها كيف تسوي كذا ليش ماتقستي لماء قالت طيب اذا جاء وقت الرضاعة يكون الماء كويس والثلاجة مقفلة كيف تجي ما اعرف المهم انا الان زعلان عليها وهي الان زعلانه تقول انت طفشتني في بنتي كاني ماني امها وانا اشوفها تقصر معها كثير انا ماظلمها ولاكن ماتهتم فيها الا قليل ولاكن انا مع حق او على باطل تحياتي |
ياأخي الكريم ،،، أولاً: كم عمر زوجتك ؟!
ثانياً: طبيعي الي قاعد يصير إذا كانت هذي هي الطفلة الأولى لكم، لأن الرعاية ماتتعلمها الأم إلا بالتطبيق ماتقدر تتعلمها نظريا، حتى لو أمها قالتلها حطي وسوي ماتقدر تتعلم زين إلا إذا طبقت وأخطئت مرة مرتين لما تتعلم .. لاتنسى إن هذا شي جديد عليها .. ثالثاً: "أغلب الحريم" مايحبون إن الزوج يتدخل في طريقة رعايتهم لأطفالهم، لبسيه كذا ..... شربيه كذا ........ أوامر تكرهها الزوجة !! ممكن تجيها بأسلوب ثاني وتكلمها بمزح، لاطفها وعلمها إنك مقدر إن هذي تجربة جديدة بالنسبة لها وإننا بنتعاون مع بعض عشان نهتم بطفلتنا، أمّا إنك تجيها بأسلوب الأمر والنهي فانسى إنها تتقبل منك لأنها تشوف إنها هي المسؤولة الأولى عن هذي الطفلة !! وأحبّ أفيدك بتجربتي ،،، كان عمري صغير لما ولدت ولدي البكر، وكانت تجربة جديدة وماكنت متصورتها مسؤولية كبيرة لهالدرجة !!! كنت أحب ولدي وأموت فيه مثل أي أم لكن ماكنت تعودت على هالمسؤولية فمثلاً مرة شفته نام رحت نمت ولاحطيت منبه ولاشي فقام ولدي يصيح واستفرغ "وأنت بكرامة" وأنا نايمة وماحسيت فجاء زوجي وهاوشني وزعل مني يومين !! يقول إني ماأهتم بالولد !!! أنا مو قصدي أهمله بس ماكنت متصورة ولامقدرة إنها مسؤولية كبيرة !!! زي الي توهم يتعلمون الطبخ !! تحترق معهم الطبخة وتفشل كم مرة لين يتعلمون ... فإنت اصبر عليها ولاتجيها بأسلوب الشدّ ولاتخلي هالأمر يسبب لكم مشكلة لأنها فترة وتعدّي بإذن الله .. عذراً على الإطالة بس رحمت زوجتك لأني حاسة بموقفها المسكينة .. |
بارك الله فيك وفي ردك الجميل
كلامك صحيح عن التجربة الاولي ولاكن الاخطاء إلي متي ؟ عمر زوجتي حفظها الله وصانها 27 سنة ونصف اختي العزيزة:- الاخطاء هي التي تعلم الشخص الحياة الجديد ولاكن اذا تكرر الخطاء يعني انا اجلس معها لا تسوي كذا تراء كذا خطاء ليش ماتسخني الماء بدري وتحسبي حسابك او توزني الماء تمااااام تقول طيب ولاكن الخطاء يتكرر شبة يومي.....!!! في احدء اليالي قمت من النوم واذا بها تصنع لها الحليب وانا مسكت الرضاعة ووالله العظيم لم استطع ان مسكها اكثر من نصف دقيقة من شدة الحرارة قلت لها كيف ترضعيها قالت هذا الماء كويس قلت لها امسكيه فمسكت الماء ومسكت يدها على الماء والله لم تستحمل حرارة الماء... كيف بطفله ترضع هذا الماء اختي العزيزة انا لم اتكلم عن شي لم اصبر عليه انا صابر عليها 9 اشهر والخطاء نفسه يتكرر انا اعلمها وامها تعلمها اختها تعلمها ولاكن لا توجد اي فائدة.........!!!؟ اما هي المسؤلة فهذا صحيح ولاكن اذا اخطاءت في حقها اصبح انا المسؤل عنها اتمني ان تكوني فهمتي كلامي تحياتي |
يمكن يكون هذا طبعها في سائر شؤونها ،، الإهمال وعدم المبالاة ..!
إذا كانت كذا وأنت حاولت معها بكل أساليب للين فاستخدم أساليب الشدّة يمكن تجدي معها ..! |
( عبــــــــادي )
اول شي اقول الله يبعد الزعل عنكم ثاني حاجه يمكن زوجتك مومترتبه بسبب انها اول طفله لكم ( يارب يخليها لكم ) اول حاجه انت قل لها ترتب اغراض البنت قبل النوم قريب منها .. يعني الحليب يكون موجود وبجانبه المحارم , الرضاعه وبجانبه براد ماء موزون قبل يكون دافي لان البراد يحفظ الحراره الموجوده فيه بدل ماتجلس كل شوي تزيد او تنقص من المويه البارده او الحاره حتى بس اذا قامت تحس انها مرتبه بس تحط الرضعه لها وترضعها بالنسبه للاوامر يمكن اغلب النساء ينزعجن اذا جلس زوجها يوجهها لانها تحس بانها مهمله عشان كذا بتتضايق انت بادرها وكلمها حتى مايكبر الموضوع .. وان شاء الله هي بتتحسن مع الوقت وربي يوفقكم ويسعدكم |
جنّة الدنيا
بارك الله فيك وسعدني مرورك ومشاركتك وكان توقعك في محله يمكن يكون هذا طبعها في سائر شؤونها ،، الإهمال وعدم المبالاة ..! كلامك في محله ولاكن لم اجد حل ممتاز لحل هذه المشكلة من الشدة والين وتدخل امها واختها في المشاكل ولاكن تحسنت بعض الشي ومازالت مقصرة وارجو من الله ان تزيل كل المشاكل اختي العزيزة:- احاسيس المحبه اسعدني مرورك اما الترتيب هي الان ترتب كل شي قبل النوم ويوجد ثلاجة لحفظ الماء فيها ولاكن المشكلة تكمن في عدم معرفتها في وزن الماء قبل النوم... هل هذه عدم مبالاة او اهمال او ماذا تحياتي للجميع |
اصبر عليها ولكن لابد من الانتباة على طفلتكم حاول تعلمها بس بدون ماتصرخ عليها بعدين فية امل انها تتحسن بدليل كلامك السابق
|
| الساعة الآن 02:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©