حساسة للغاية
 

مشكلتي يا اخوان اني تزوجت بفتاة حساسة لابعد درجة تتخيلوها عمرها 20 (مع احترامي لاخواني و اخواتي الحساسين) لدرجة مملة بالنسبة لي.زوجتي من بلاد الشام (اهل الخير والشيم والاصالة) و انا من السعودية وعمري 24 .............. انا شخص حساس بس في اوقاتها يعني مش دايما وهي حساسة لدرجة مليون في المية...المهم انا مش عارف كيف اتصرف معاها لانو حساسيتها بداءت تضايقني جدا....لدرجة انو لمن ترى غروب الشمس تبكي!!!! واذا صار شئ بيننا وهي كانت نايمة عند اهلها وكنا نتكلم بالتلفون تجلس تبكي في السماعة دون توقف اقسم بالله العظيم انها مرة بكيت لمدة ساعتين متواصلة على الهاتف والله كنت اروح اكل و اشيك ايميلي من الخط الثاني واسمع السماعة وهي مازالت تبكي!؟!؟!؟!؟ ولمن نكون مع بعض...يعني ساعة ساعتين هاداشئ عادي.....والله انا اعرف انها تحبني كتير بس انا مش قادر اصبر على هادا احس لمن تبكي كل الدنيا وقفت مشاغلى وكل شئ وبصراحة شئ ممل...انا اعرف ان البعض يقول طيب كيف تزوجتها؟؟جوازنا صار بسرعة وشفت انها حساسه بس مش بلدرجة هادي ...حتى لمن مثلا اكون مسافر و بكلمها بالتلفون ،فلمن اقولها مثلا خلاص لازم اقفل تزعل!؟!؟ ايش اسوي

...يعني وانا بكتب الرساله هادي هي معايا على الخط وقاعدة تبكب من ساعة....خلاص صرت احيانا اتهرب من البيت علشان لا تبكيلي واحيانا اوديها بيت اهلها و اتهرب من اتصالاتها. وشكاكه جدا تشك في كل شئ ...يعني لمن يكون عندي اجتماعات او شئ تسأل مين و فين واعطيها اسماء بعدين بعد كم يوم تسالني و تشوف اذا في تغير في الاجابات حتى تسال الي حولي علشان تتاكد...ولمن اواجهها تقول انها بتمزح. انا مش عارف كيف اعاملها انا بعاملها والله بلطف يعني انا الين ما اكون معاها والله العظيم يعني كل مدة و مدة اجيبلها وردة احتفل بيوم الفلنتين علشان ما تزعل بلالرغم اني ما اؤمن بي بس علشان مرة زعلت وكان يوم اسود وما احتفلت بي.....المهم ا اخواني واخواتي لو كتبت ما راح اخلص ....

كيف ممكن اساعد نفسي؟؟كيف اعاملها؟؟ بديت اكره بيتي ساعدوني....اخواني واخواتي الحساسين ارجوا المساعدة...وصلت لمرحلة بندم على اليوم الي شوفتها فيه واليوم الي ارطبت فيها وبداء افكر بالانفصال لأنو مش قادر استحمل والحمدلله ما في اطفال في الموضوع.

ملاحظة: تجاوزت مدة بكائها على السماع الآن ووصل الى ساعتان متواصلة.


تعديل توت بري

السلام عليكم

بالمختصر المره حاسه انك مو فاهمها عدل

وعلى شان كذا مول الصيحه على طرف حلجها

من سمعت منك شي ولا موقف انت مو فاهما فيه انهمر البكاء كالسيل

عزيزي زوجتك محتاجه منك صبر وتبي منك تسمع لها بالساعات (اي والله)

يعني حسسها انها اهم شي بحياتك وانها اهم من المويه والاكل واهم من نفسك بعد

وشغلك هذا مو مهم ومافيه حاجه تستاهل في هالدنيا غيرها هي بس

خلها كم من شهر على ذالحال واصبر بارك الله فيك ليما يجون عليك عيال وهي بتنسى انشالله

والله يوفقك

اخي الكريم انت عارف ان البنت في هذا السن تكون مشاعرها مرهفه وحساسه ، ولكن انا معك كل شي يزيد عن حده ينقلب ضده ،، اخي الكريم حاول ان تفهمها بأن هذا الشي يضايقك وان كثرة الزعل يعكر الحياة بس بأسلوب هادئ .

ولأن انت توك في بدايات زواجك لازم الزعل والدلع اصبر ومع مرور الايام بتتغير ومع الاطفال بيقل الزعل وبتقل الغيره بس في شي مهم وضروري لازم تفهمها اياه من بدايات الزواج وهو انه لازم ما تحاول انها تخرب بيتها بيدها بشكها وسؤال الاخرين عن وين رحت ووين جيت حتى لا تتعود من الحين ويكون عندها ها الشي عادي وبالتالي صعب تغيره والي اوله شرط آخره نور .

واذا كانت ما تتقبل منك حاول انك تخلي احد يخبرها وتكون تحبه وترتاح له

والله يوفقكم ويجعل بينكم موده ورحمه .

الى الاخ السائل ... في هذه الحالة تكون الفتاة قد تعودت او تربت على الحصول على

ما تريد بهذه الطريقة.. طريقة البكاء... او بتعبير ادق ( وجدتها مجدية ) .... حاول

ان تظهر لها عدم اهتمامك ببكائها ( الغير ضروري ... من غير سبب ) .. وتجاهله ...

اعلم بانه ليس بالسهل علينا نحن الرجال تجاهل بكاء زوجاتنا .. ولكن لكل شيئ حدود..

ولا اخفيك بان من اسباب بكائها امامك هو ( حبك ) نعم فيبدو ان زوجتك تحبك اكثر

مما تتوقع ...

اذا استطعت تلبية ماتريده منك فبادر قبل استخدام سلاحها ضدك...
..
..
..
اما بالنسبة للشك والغيرة فهذه طبيعة في النساء تصرف معها بحكمة...

واختم نصيحتي لك بحديث الرسول صلى الله عليه وسلم ( من ارضى الناس بما يسخط

الله سخط الله عليه واسخط عليه الناس.. ومن ارضى الله بما يسخط الناس رضي الله

عنه وارضى عنه الناس ).. فلا تجاري زوجتك في الحرام حتى وان غضبت فالله

اولى في اتقاء غضبه ....

اسأل الله العلي العظيم ان يصلح لك زوجتك ويزيل من بينكما فكرة الطلاق0

اللــــــــــــــــــــــــــــــــــــــه يعينك عليـــــــــــــــــــــــــــــــــــها

جزاكم الله خير و الله يوفقكم