|
أخت زوجي مطلقه وجاءها عريس ؟ وأبغى مشورتكم في كلامه
أخواني الكرام
أبغى مشورتكم في شئ محيرني ..أخت زوجي كبيره عمرها45 سنه مطلقه من 4 سنوات جاها عريس عمره 48 سنه وهي عندها بنات وأولاد أكبروحده عمرها 24 سنه متزوجه وعندها طفلين ..وعندها بنت وولدين بالجامعه وبنت بالإبتدائي العريس المتقدم متزوج من زوجه أولى شرط ..شرط غريب قال إنه في بداية زواجه من أخت زوجي إنه مايستطيع يبات عندها علين يمهد لزوجته الأولى هودكتوربالجامعه ..وخايف على مشاعرزوجته وعلين يمهد للصدمه اللى راح تجيها بيخلي زواجه بالسرعلين تتحسن الظروف عكس زوجي الله يهديه يوم ملك على زوجته وأنا عرفت من الناس جيت واجهته قلت له يافلان إنت أتزوجت قال إيوه عندك شئ قلت طيب ليش ماقلت لي على الأقل ولاأعرف من الناس قال شئ مايخصك وإذا عجبك أهلاً وسهلاً ماعجبك أنقلعي الباب يفوت جمل ومن ديك اللحظه وأنا في حاله يرثى لها .. أمس تناقشت معه على موضوع خطيب أخته قلت له ليش فلان قال إنه ماراح يبات عند أختك بداية زواجه منها ..لأنه بيراعي مشاعرزوجته وذكرته مافعل بي عندما بكيت وقلت له ليش أتزوجت علي من باب إن دمي محروق قال أنا حروبالعكس راح جاب صك الزواج وقالي شوفي أتزوجت عليك غصب عنك قمت من القهرقلت هات أشوفه قام مسكني وحط رأسي بالأرض وحط رجله على رقبتي وقال أتزوجت عليكي ورجلي فوق رقبتك وحط الله يكرمكم الشبشب في فمي وخلاني أموت قهروأحزن بشده ..ومع ذلك أكرمت زوجته وعاملتها كأخت لي ولكنها خبيثه زيه ماتمرفيها معروف..وزوجي عمره ماراعى مشاعري ولايحسب حساب لزعلي ..ومتى يحتاج لي لمن يضارب معها وبس إخواني هل ماقاله العريس صحيح إنه ماراح يبات عندزوجته الجديده منعاً للمشاكل وللمعلوميه أخت زوجي دي بالذات من ساعدت زوجي أن يتزوج علي وكمان كانت عندما تسمع أي شئ عني وعن مشاكلي مع زوجي بعد زواجه تتشمت في وتقول أحسن تستاهل روعه اللى يجيها والله مكذب عليكم أتمنى ربنا يسمعني فيها لأنها حقوده وحسوده علي وتفرح لأي شئ يحصل ..وكلكم عارفين إني صابره وأكله الذل والإهانه بس عشان خاطرعيالي يكبروا وأشوفهم بأحسن حال أتمنى مشورتكم |
حسبي الله ونعم الوكيل
ماعاد فيه رجال فى هالزمن والله يا أختى من قهرى مانى عارف وش ارد عليك الله يفرج همك ياشيخه قولى امين |
والله حبيبتي ماادري وش اقولك صراحة انصدمت بقسوته ومعاملته لك وعلى كذا مارحتي لاهلك ولا زعلتي؟؟؟؟؟؟؟؟؟؟؟؟
حبيبتي بكيفه وبالف طقاق يتزوج اما انه يحط الشبشب بفمي ورجله على راسي لا والله يخسى بس ماشاءالله عليك بنت اصل ومحترمة وصدقيني المعروف اذا ماشفتيه في الدنيا ماراح يضيع في الاخرة ولاتندمين انك عاملتي زوجته معامله حلوة ولا اخت زوجك اهم شي انك مااذيتيهم وفي النهاية كلنا راح نموت وماتبقى الا اعمالنا بكره اذا ماتت بيقولون الحمدلله راحت وريحت اما اذا كانوا ماشافوا منها الاكل خير بيقولون الله يذكرها بالخير وراح يدعون لها ويابخت من نام مظلوم ولا نام ظالم حبيت اخفف عنك شوي الله يعوضك بعيالك ويسخر لك زوجك ويسعدك في الدنيا والاخرة |
تفاجئت كثيرا بالموضوع
لم اشا الخروج بلا ترك دعوة بان يهدي الله زوجك الى سواء السبيل وان يصبرك وكل مظلومة خالص تقديري هذا ما لدي حقيقة |
هلاوغلافيكم أخواني الكرام
جرح الصراحه ترف صاحب الظل الطويل أشكركم عميق الشكرعلى دعواتكم بس أبغى أسألكم هل ماقاله خطيب أخت زوجي صحيح لأنه طلب عدم البيات عندها في أول الأمر ..أول الزواج علين يمهد لزوجته الأولى أليس فعله هذا عين العقل حين يراعي الرجل مشاعرزوجته خاصة وقت صدمته لها بالزواج من أخرى ... وهل فيها شئ لوحسب حساب لزوجته وأم أولاده أنا عن نفسي أشوف تصرفه صحيح بس والله مكذب عليكم خايفه عليه وعلى بيته من أخت زوجي لأن فيها خبث عجيب ماتحب الخيرلأحد وتحسد كل واحد في نعمه |
والله اعجز اعبرلك من الصدمه
بس اذا انتي صغيره وما عندك اولاد كثير وش الي مصبرك عليه؟ بس ماشاء الله عليك نادر حريم في هذا الزمان بصبرك |
الله يعينك روعه
انا ملاحظه اهتمامك بمشاعر اخته اكثر من اهتمامك بإهانة زوجك كيف تخليه يحط رجله برقبتك وشبشبه بفمك لاحول ولاقوة الا بالله احنا وين احنا ولا اليهود .... الله يعينك كله ولا الاهانه ... وتصرف زوج اخته انه ماقال لزوجته الاولى مافيها شي انا رغم طليقي لما تزوج علي بالعكس راع مشاعري وجاب لي هديه وفرش لي البيت سيراميك ... ويارب لك الحمد |
اتوقع والله اعلم بان الخطيب ما قال هالكلام الا ليجرب نفسه وهل تصلح له هالزوجة (قصدي الزواج الثاني)
اذا مستقر ومرتاح بيعلن بنفسه وقلبه مرتاح واذا زعلت زوجته الاولي وهي اهم مليون مرة من زوجته الثانية بيطلق بسكات ولا كأن صار شيء وبالنسبة لزوجك اتمني منك تقومين بالليل وتصلين ركعتين وتختمين القرآن بنية محبة الزوج والاستقرار العاطفي وربي ما يردك ابداااااااااااااا كوني واثقة وحاولي قدر ما تقدرين تبتعدين عن المشاكل وعن زوجته الثانية وكل ما راح زوجك عندها غيري في ترتيب بيتك واشتري ملابس جديدة تغير من شخصيتك وكأنك انسانة ثانية وبما انك احتكيتي بزوجته الاولي شنو شفتي فيها من طبايع احلي منك حاولي تغيرين من نفسك اولا علشان نفسك وثانيا علشان يستقر بيتك |
الله يصبرك ويفرج همك
وربي اكتب وانا في قمة قهري ياقلبي ليش تقبلي على نفسك الاهانه ليش تربي اولادك في جو اهانه وذل والله بكره نفسيتهم حتتحطم حتى لو وصلو لاعلى المراكز مااعرف ايش اقولك غير حسبي الله على زوجك اللي انعدم من الانسانيه والرجوله |
اقتباس:
أخي بدوه هودا الكلام الصحيح أنا قلت كدا لوإني بالأول رأيت إن كلام الخطيب عين العقل إنه يخبي على زوجته الأولى ويراعي مشاعرها ولكن لوزعلت وطلبت الطلاق أوحتى لو رمت أولادها له راح يفكربعقل ويشتري راسه وممكن يطلق أخت زوجي وهادا الشئ إللى أنا حاسه فيه ومتوقعته والله أعلم والله أنا ماأحب الشروالسوء لأحد بس أخت زوجي دي كتيرأذتني وهي ماساعدت في زواجه وهي من خطبت له هذه الإنسانه انا الأن مشتريه دماغي ومابأحتك مع زوجة زوجي التانيه للمعلوميه أخي أنا زوجه أولى والله يصبرني إخواني الكرام اللى ردوا بارك الله فيكم وفي ردودكم ودعواتكم إخواني حاولت أترك البيت وأطلق بس حسيت إني متمسكه بعيالي وهم كمان متمسكين بي ويقولوا ماما عيشي عشانا الله يرزقني الصبريارب |
| الساعة الآن 03:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©