موضوع مأرقني ..(زوجي يمنعي من حضور زواج أخي)
 

بســمـ الله الرحمن الرحيــم..

السلامـ عليكمـ ورحمة الله وبركاته ..

أخواني وأخواتي ببدأ بموضوعي مباشرة وأتمنى إني ألقى منكم مساعده ...


في الحقيقة زواج أخوي قريب .. وزوجي مو راضي لي احضر الزواج ..

حجته إن الزواج بصالة أفرااح من أملاك ناس غريبة عناا وماندري وش فيها من بلاوي ..


طلبي بالعربي ماني عارفه كيف اقنعه .. وأنا طبعااا متحممسة كثير للزوااج ..

وأخوي قريب مني كثير كيف ما أحضر زواجه !! .. وصعبه كثير اني اشووف اهلي يستعدون للزواج وأنا ما ارووح معهم ..حرقة دم!! وبعد بالمستقبل القريب عندي زواجات بنات خواتي وبنات اخواني صعبه بعد ما احضررر !!!

الله يسعدكم ساعدوني اني اقنعه .. أحتاج منكم أفكار ترقق قلبه ..وابغى كلآم برضو
يقنعه ويغير افكااره ..

الله يسعدكم لاتبخلوو علي بأي فكرررررره ..


أنتظر ردودكم على أحر من الجمررررر

اقنعيه انك تلبسي حجابك


وان شاء الله يقتنع

شلون يعني ؟؟
ملتزم ؟؟؟

ايه ملتزم

ماينفع احد اخوانك يكلمه؟ لو تحضرين شوي من الفرح وترجعين!!

هل الحفل يوجد به منكرات كالموسيقى واظهار العورات ؟ان كان كذلك فانها معصية لله سبحانه وذهابك اثم فاتقي الله سبحانه واطيعي زوجك

الحل هو الدعاء

خلي احد من اهلك يكلمه بالموضوع ويقنعه والله يسهل امورك والف مبروك زواج اخوك وان شاء الله زوجك يوافق على حضورك عرس اخوك .

يعني ايه زواج اخوك وما يخليك تحضري اخت ياسمحي لي حتى هذه فيها يسمح لي والا لا يعني لو زواج احد من اخواته والا اخوانه ما راح يحضر عشان القاعة ملك لناس ما يعرف ما فيها من بلاوي والله هذا مو التزام هذا فاهم الدين خطأ وبعدين كل هذول الرجال ماحد عندو نخوة ولا غيرة الا هو خلاص يروح يبني له قصر افراح وقولي لاهلك يسوو زواجاتهم فيه عشان ماحد عنده ذمة الا زوجي وبعدين بالنسبة لاحد الردود يعني عشان في نساء لا يخافون الله انا انحبس فب البيت ولا احضر فرحة اخوية والا عشان الموسيقى انا ممكن احضر واجلس في المقلط اللي في القاعة بس اسمي حضرت الفرحة اما بالنسبة للعري في ناس كثير يكتبو في الكروت الرجاء الالتوام باللباس المحتشم نزولا لرغبة الزوجين لمرضاة الله في ليلتهم المباركة
اختي اسمحي لي على الكلام وانا اسفة اذا انفعلت عليك بس انا عمري ما شفت وحدة تاخذ الاذن لحضور فرح اخوها

سؤال : ماهو تعريف الملتزم ؟؟؟


- - - -


ياهو حرام عليكم

رجال ما يخلي زوجته تروح زواجها أخوها

وتقولوا ( ملتزم ) ؟؟؟؟؟؟؟


الدين ماهو لحية وثوب قصير ومسواك


الدين المعاملة

الدين جوهر وليس مظهر

- - - - - -