اخي العاق لوالديه
 

السلام عليكم ورحمة الله وبركاته
اريد من الكل المشاركه في موضوعي وايجاد الحلول لتلك المشكله التي نعاني منها من سنين طويله
عندي اخي الكبير اكبر واحد من اخواني الشباب واهبل واحد في نفس الوقت اخي هذا مدمن مخدرات وعاق لابي وامي وخاااااااصه امي يقول لها انا اكرهك مع العلم انه يفعل ويتكلم وهو صاحي واحيانا يضربها ويضرب ابي ويبيع اغراض المنزل ان لم يتوفر معه المال وطبعا هو عاطل لاوظيفه ولازوجه وجعل حياتهم جحيم لايطاق كل يوم مشاكل واخواني الباقين يتفرجون على هالمهزله بدون مايحركون ساكن ماهمهم الا حريمهم وعيالهم وابي يقول لااحد يقول له شيء ويحبه بجنون ويقول هو بكفه والباقين بكفه ونصحت امي تشتكيه وتدخله السجن وهي خايفه تقول اخاف يطلع من السجن ويقتلني وابوي يتوعدها يقول لو تسجنينه ماتلومين الا نفسك المهم هذا المجرم لايحترم قريب ولا بعيد وطبعا مبسوط ان ابوي واقف بصفه والله ماحد يطيقه وكلن يدعي عليه بالموت
واصغر واحد من اخواني عايش معهم بالبيت وهو مراهق وجات فتره والولد ضاع والسبب هو يجبره على الغلط واذا رفض يضربه حسبي الله عليه وانا ماني عارفه اللي مثل كذا كيف نتصرف معه والله انا جالسه في بيتي وابكي على حال امي واابوي واخوي الصغير اللي اصبحو ضحايا له الله ينتقم منه قولو امين

لا حوله ولا قوة الا بالله ،،،

اللهم أنا نسألك العافية ،،،

طيب اختي انت ما تقدري تشتكي عليه وتقومي بالدور اللي امك خايفة تسويه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معقوله 44زيارة وردين فقط كان املي فيكم كبير في ايجاد حل كسرتو خاطري للاسف

احاسيس المحبه
هو يشوف نفسه طبيعي ولايرضى يروح للمستشفى ولايقبل نصيحه من اي احد يعني على شينه قوة عين واخواني يقولو مالنا دخل فيه ومن عرفت نفسي وهو كذا يعني يبي له طبيب نفسي يعالجه مده طويله والله مشكله عويصه وامي تدعي عليه بالموت من كثر ماشافت منه
طيب لوبغيت اكلم مستشفى الامل واشرح لهم الحاله يجون ياخذونه بالقوه والا ايش لانه بالطيب ماراح يروح ابد

مشكورة احاسيس المحبة والله كلك احساس

انصحك اختي تذكرينه بالله وذكريه بعاقبته بالي يسويه بامك وابوك واخوك
وحاولي عل وعسى وانصحيه وقولي له يرضيك كذا حسسيه بالذنب اذا موعصبي بتتاثر نفسه ويتغير اذا عصبي ابعدي عنه لاجل لايجيك شي منه وانصحك كمان تحاولي تكلمي امك تنصحه وهي كل يوم انها تدعيله بالهدايه هذا افضل حل بنظري واهم شي يسمعها بكل صلاه وهي تدعي له لاجل يتوب والله يعينكم بجد الانسان لمن يشوف مصيبة غيره تهون مصيبته
والله يصبر قلب امك وابوك ويشفي اخوك ويهديه امين يارب