|
زوجي والافلام
السلام عليكم ورحمة الله وبركاته
عندي مشكله يمكن تكون صغيره بس والله ضايق صدري بالمره ومو عارفة وش اسوي انا الحمدلله متزوجه من سنه وثمان شهور وزوجي الحمدلله طيب وخلوق وملتزم التزم قبل الزواج بثلاث سنوات تقريبا بس قبل اشهر سافرنا اناوياه ادوله خليجيه وقالي بروح السينما يله انا استغربت وصار يرووح السينما بس مازال محافظ بس يحب الافلام ولما رجعنا بعد فتره صار يحمل افلام ويناظرها بالتلفزيزن طبعا ماعندنا دش الحمدلله وانا ضاق صدري بالمره وذا قلتله يقول الافلا م الي اناظرها كله رعب واكشن ما اناظر خرابيط هو اصلا يحب الافلام من كان صغير والحين رجع ومو عارفه وش اسوي اسكت؟؟ ومشكله ثانيه اني حملت الحمدلله بس تعبت وجلست عند اهلي شهرين وهو طبعا يزورني ومره قالي بنكشت انا وصدقائي اسبوع المهم راح وجاء يوم رجعت للبيت شفت الجواز لقيته مسافر ماكن كاشت وضاق صدري يالمره ماكنت متوقعته كذا يوم واواجهته قال ماودي اقولك وانتي عند اهلك تبدين تفكرين ويضيق صدرك وانا والله مسافر لشغل انا بابدا اشتغل بالتجاره مع شغلي رحت اجيب بضاعه انا وبضع الشباب وبنفتح محل وحاول يفهمني انه ماراح يعتمد على شغله بس راح يشتغل حر وعادي لو قلتلك بسافر لازم يكون عندانا دخل غير الراتب الحين ماحد يعتمد على الراتب وانا مارحت العب وانا ملتزم ليش اروح هناك يعني لازم تثقين فيني ومن هالكلام وانا عقبها صايره كثير افكر واحس وبخوف وقلق ومادري اصدق ولا لا تكفون ساعدوني الله يعطيكم العافيه عذرا للاطاله............... |
عليكم السلام ورحمة الله وبركاته
عفواً .. يُنقل للمكان المناسب . |
( فجعتنيني ) .!!
أحسبه يحب الأفلام الهابطة البطالة ^_^ خليه يتفرج على الأفلام ( بس مو حلوة يشوفها لحاله ) طالما الأفلام اللي يشوفها ( مافي خرابيط زي ما تقولي ) خلاص اتفرجي معاه يا سلام في أحلى من الشخص اللي يتفرج على فيلم وزوجته في حضنه ؟؟ - - - - - بالنسبة لموضوع السفر ( السري ) .!! بصراحة ماني مرتاح له .!! يعني بيروح يسافر إيش يسوي ؟؟ يلعب كورة ؟ خليه ينتبه من رفقاء السوء وحاولي تكون ( صارمة ) مع حركاته الغير واضحه هذه |
,
, أختي الكريمة أهنئك على هذه الأخلاق العالية والالتزام بأحكام الله أسأل الله أن يوفقك وزوجك لكل خير أختي للأسف يخطئ البعض عندما يظن أن الأفلام الأجنبية يجوز النظر إليها إن لم يكن بها لقطات فاضحة أو كانت من قبيل الأكشن أالرعب إذا كان زوجك ملتزم فلماذا لاتبينين له حكم هذه الأفلام أجلسي معه وقولي له زوجي الغالي أريد أسألك أسأله أحد صديقاتي سألتني إياها : 1- ماحكم الموسيقى وليس الغناء , بل الموسيقى لوحدها ؟؟ 2- ماحكم نظر الرجل للمرأة التي تكشف شعرها فقط وتستر جميع بدنها ؟؟ طبعا بما أنه ملتزم فسيجيب بالتحريم .. ثم قولي له طيب إذا كنت تعرف حكمها فلماذا تفعلها أنت ؟؟ طبعا لأن الأفلام لاتخلوا من النساء والغناء والألفاظ النتنة التي تخرج من أفواه شاربي الخمور .. للأسف المشكلة هذه ليست مشكلة زوج بل انتشر هذا الأمر في أوساط الشباب الملتزم والسبب في ذلك قلة ذكر الله والبحث عما يرفع الإيمان والاشتغال بالدنيا والركض إلى متاعها .. أعانكِ الله وأصلح زوجك ورده إلى الدين ردا جميلا لاتنسي ركعات الليل فهي سهام تصيب الهدف سهام الليل لاتخطي ولكن *** لها أمد وللأمد إنقطاع أتمنى لكم التوفيق في الدنيا والآخرة .. , , |
شــــــــكرا لكم الله يعطيكم العافيه
بس انا سالفة السفر مادري وش اسوي معاه احس انه فيه شي مب واضح معي والله تعبت ويمكن يسافر بعد اسبوعين ومادري وش الحل معه ؟؟؟؟؟؟؟؟؟ |
العلاج
طبعا ادعي الله وبعدها شيلي الدش من بيتك واسمعي دايما اشرطة اسلامية وحطيها في سيارتة |
الشكوك في زوجك تجلب لك الشقى والضنك بلا فائده
احمدي الله على زوجك المستقيم ولاتبحثي عن المشاكل الله يعافيك |
| الساعة الآن 04:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©