منتدى عالم الأسرة والمجتمع - يا ضيقت الصدر لغدا الهم كايد

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - يا ضيقت الصدر لغدا الهم كايد (http://www.66n.com/forums/showthread.php?t=156778)

يا ضيقت الصدر لغدا الهم كايد


	اناعضوه قديمه بالمنتدىوالحمد الله استفدت منه الكثيربس هذي اول مره اكتب فيه لاني ماني من النوع اللي يشكي لاي احد حتى امي ما احب اشكي لها بس كل انسان له حدود لصبره وطاقته عشان كذا حبيت افضفض شوي عن اللي بصدر لاعضاء المنتدى وان شاء الله بحصل عندهم اللي يشيل الهم عني انا متزوجه من خمس سنين تزوجت وانا صغيره كان عمري 18 سنه وعلى طول الله رزقني بولدي وما صار عمره 3 شهور الا حملت بالثاني مشكلتي هي زوجي قد ما احاول اني اقرب منه ما اقدر واحسه بعيد عني انا اتزوجت وانا 3 ثانوي وتركت دراستي عشان ما اقصر معه بشي واخليه يعيش معي بنعيم يمكن غلط اللي سويته وفعلن ندمت. اول سنه زواج كنت اعاني منه عشانه كان مايزور اهلي الا وين ووين وحتى اهله ما يزوره وطبعا اهله حطو اللوم كله علي اتغير مع الوقت وصار يزور اهله بس مشكلتي الازليه معه انه ما يزور اهلي الا بالمناسبات الرسميه وبالعزايم واحس انه مغصوب على الروحه مع ان اهلي مره ما احتك فيهم ولا يعرفهم زين لانه من يوم ما تزوجنا وهو كذاوهو غريب عني مو من نفس العيله ومشكلته الثانيه انه كل فتره القاه مسجل بمواقع تعارف ومسوي صفحات انه اعزب ومتعرف على بنات بس هو كل مره اكشفه يقول بحدود النت والصدق انا ما مسكت عليه شي خارج النت بس البنات كلهم خربنات واللي يقهرني اني ابد ما قصرت من الناحيه الجنسيه بس اذا غبت عنه لو شهر القاه مسوي هالاشياء من وراي لدرجه انه يفضل اني اطلع واخليه بالبيت عشان يجلس على النت واهملني واهمل عياله وانا من النوع اللي ما احب ازعل واكبر السالفه بالعكس احب اتفاهم معه واكلمه بس لا حياه لمن تنادي صار بالعكس احرص من اول صار يخبي ويحاول اني ما اعرف هواخر مره لقيته مشترك بموقع تعارف ومسوي ايميل غير حقه واللي جرحني انه سواه بالفتره اللي كنت محتاجه له فيها وهي قبل سنه مرض ابوي وجته جلطه وطبعا انا كنت بحاله ما يعلم فيها الا الله هو بدل ما يهتم فيني لا اشترك بهالموقع وتركني لدرجه انه ما يجي يزور الوالد الا مجامله 5 دقايق ويمشي ولا يسال وانا قلت يمكن شغل او شي بس بعدها بسنه اكتشفت السالفه انه مطنش زوجته وهي بايام محتاجه مين يواسيها فيها عشان هالخرابيط وصارت بيننا هوشه وش كبرها بس ما رحت لاهلي وضغط على نفسي قلت ما ابي اخرب بيتي عشان عيالي بس من بعد هالسالفه وانا كل يوم ابعد عنه اكثر وصرت مجرد اني اشوفه اعصب اتضيق هو وعدني باشياء واشياء بس لها السالفه 4 شهور ولا تغير شي بالعكس كل ما له يصير اسوء يطول لسانه وانواع السب وحتى يده رفعها على كم مره انا صرت احاول قد ما اقدر اقوم بواجباتي معه وقد ما اقدر احاول اتحاشاه وكثرت طلعاتي من البيت بسبته وهو ولا عليه بالعكس اذا جلست احسه يحاول يسوي أي مشكله ولا عاد نطلع الا السوبرماركت عشان المقاضي والا عشان نمشي العيال وكلها بهوشه لدرجه اني كرهته وكرهت الساعه اللي عرفته فيها انا احس الغلط مني عشاني ارخصت نفسي وضحيت بكل شي عشانه دراستي وكرامتي وكل شي بس كنت احسب اني كذا بكبر يعينه انا ما ابي منه شي ما ابي غير التقديروالاحترام انا صرت افكر بالطلاق من جد بس ارجع افكر بعيالي وافكر اني بعد بخرب بيت اختي اللي هي مخطوبه لاخوه وزواجها قريب بس مو هذي الحياه اللي ابي اعيشها لحالي وهولحاله وكل واحد بصوب بس تحت بيت واحد الزواج اكثر من جنس وهو حاط بباله كذا انا ابي انيس لي يسمع لي يفهمني ويحترمني مو متى ما بغى الفراش دورني

اعانك الله اختي

انا مشتركه جديده لعرض مشكلتي وهي تقريبا قريبه من مشكلتك

والله الواحد مو عارف ايش يسووي

الرجل لغزززز صعب الحل

قبل الزواج كنت اعتقد اني قارده على حله

وعلى كثر ما قراءة وحاولت اثقف نفسي بكل شيئ

في الزواج

الا اني ما قدرت احل هاللغزز

عزيزتي

عليك بالدعاااء
والاستغفااار

ولا تفكري بالطلاق لانه هو الحل الاخير وليس الاول

حاولي تتفاهمي معااه وتفتحي صفحه جديده

وركزي على الايجابيات ولا تتذكري فقط سالبياته

واخيررر اصبررر

وكان الله في عووونك

اقتباس:

المشاركة الأصلية كتبت بواسطة ام محمد212 (المشاركة 1742818)

مشكور اختي
وان شاء الله ربي ييسر امري وامرك وامر كل مسلمه

بس انا لي خمس سنين وانا اتفهم وافتح صفحه جديده

والله يعين على كل حال الواحد ما له غير الدعاء والله وحده هو الهادي

الله يعينك يا اختي والله الرجال في هالزمن ما ادري ايش صار لهم يارب تهديهم جميع ان شاء الله

هذه آخرتها

الوحدة تضحي بكل شيئ

عشااااااااان خاطر زوجها و مافكر أصلا فيها

لكن مايستاهلون بمعنى الكلمة عشان ماتكبر روؤسهم

ودي أعرف ليه دائم الحريم يتنازلون و الرجـــــــــال لا ؟؟؟؟؟؟؟؟؟؟؟؟

و الشكايااااااااات أغلبها من الرجال

أتمنى أجد إجابـــــــــــــــــــــــــــــــــــة شافية ###########

حاولي تعرفين وش اللي يدوره عند هالبنات ...

اكيد يدور شي ما لقاه عندك ...

او فيه براسه حب ما انطحن حاولي تطحنينه له ..

اذا كنتي في البدايه تحبينه وهو يحبك تأكدي انه هذا الاساس في العلاقه الزوجيه , لدامت هالحبل ما انقطع تأكدي ان كل شي ممكن يتصلح ..

قد تكون نزوه , او حاله , فتره وممكن تعدي ,,
اغلب الرجال تجيهم نزوات في حياتهم يسوون اشياء بعضهم تكون العن بكثير من اللي يسويه رجلك .. واغلب حالات الطلاق صارت بهالنزوات ..

حاولي يشوف فيه تغير من ناحيتك تجاهه ,,
حسسيه بأفعالك وأقوالك ,,خلي ضميره يأنبه .. اذا شفتي جوه حلو ومروق قولي له حكي يحرك عواطفه تجاهك .

مسالة الطلاق انا متأكد انه مو من قلبك هالشي خاصة وانه بينكم عيال ,,

وتأكدي اختي انك مأجوره على هالتضحيات اللي تقدمينها ..
وان شاء الله بيجي يوم وبيعتدل رجلك وبيعوضك الله ..

وانتي ضحيتي لرجلك وهو مو اغلى من عيالك ,, ضحي لعيالك ..

الله يفرج همك ويصخر لك زوجك

اقتباس:

المشاركة الأصلية كتبت بواسطة asaif613 (المشاركة 1743231)

الله يعينك يا اختي والله الرجال في هالزمن ما ادري ايش صار لهم يارب تهديهم جميع ان شاء الله

الله يعين الجميع ان شا الله

ومشكوره اختي على مرورك

اقتباس:

المشاركة الأصلية كتبت بواسطة جداوية و أفتخر (المشاركة 1743567)

الحريم في اشياء كثيره تخليهم يتنزلون ويضحون

والله يهدي ويعين يا رب

على العموم مشكور اختي على مرورك

اقتباس:

المشاركة الأصلية كتبت بواسطة طفل تحدر مدمعه (المشاركة 1743858)

والله انا عارفه انه اكيد يدور شي بس انا احاول قد ما اقدر افهم وشو مو راضي يتكلم

وانا واثقه ان العيب مو فيني لان هالحال من اول سنه زواج كان بالاول افلام وصور
وبعدين قلب كذا

وهو ما اقول انه ما يحس بالندم بالعكس ولكن يجلس له فتره كم شهر ويرجع

وانا مو مقصره بشي البس له لدرجه انه يروح البقاله او مشوار بسيط يرجع يلقاني
مغيره بشكلي ولبسي وبالبيت

واحاول اجدد واغير علاقتنا عشان ما يمل بس والله ما ادري وش هالبلا اللي ابتلى
فيه
على العموم مشكوره على مرورك اختي والله يهديه ان شاء الله واكيد باخذ في نصيحتك

مااقول الا الله يهدي زوجك

ويفرج همك عاجلا غير اجلا