زوجي اتغير 100 % ساعدوني
 

السلام عليكم ورحمة الله وبركاته

اولا احب اشكركم على هذا المنتدى الرائع

ثانيا عندي مشكلة مع زوجي وهي احنا متزوجين لنا 8 سنوات وعندنا بنت زي القمر منورة علينا حياتنا الله يحميها انا وزوجي نحب بعض كثير وكنا مبسوطين مع بعض ولكن ما اعرف ايش اللي اتغير حياتنا عادية تمر ايام حلوة وايام مره وتحصل مشاكل ونتجاوزها مع بعض على خير وفجأة صار مايطيق يشوفني ولا يكلمني لدرجة انوا مرة كلمني بهدوء ومن غير خصام ولا شئ وقال لي بالحرف الواحد انا احبك واموت فيكي ولكن حاسس انوا ما اريد اشوفك قدامي انا اسف على هذا الكلام الجارح والله اني حزين اني بعاملك بهذا الشكل بس مااقدر اتحمل و إذا استمريت بهذا الشكل ماراح نكمل مع بعض انتي ّإذا اتزوجتي اي رجل اخر راح يكون محظوظ انوا اتزوجك لأنك إنسانة رائعة من كل النواحي بس انا لا خلاص ماعدت مثل الأول


هو قال هذا حسيت انوا كياني اتهز مثل الزلزال

بعدها صار عنيف معي يعصب بسرعة ويرميني بأي حاجة جنبه وتكون اشياء ثقيلة ماهي سهلة صرت خايفة منه ومرعوبة كانه يريد مني اني اتركه واخرج من البيت

بس انا احبه مااقدر استغنى عنه وراح اصبر عليه مهما حصل

ساعدوني مااعرف ايش الحل حاولت اتكلم معاه حتى اعرف ليش اتغير وفي كل مره اسمع نفس الكلام


على فكرة انا اول مره اكتب موضوع في المنتدى لاتبخلوا علي بردودكم

لا حول ولا قوة إلا بالله ، استعينى بالله وصلى فى الليل وطلبى من رب العباد أن يبرئه من هذا الشر الذى ألم به ، يمكن أحد يحقد عليكى هو السبب فى هذا نسمع عن السحر والشعوذه ويمكن من أقربائك كمان ، الاهم أنك تشغلى سورة البقرة فى البيت دائماً وباستمرار وتكونى حذره من أقرب الاقربين كمان ، وتصلى فى الثلث الأخير من الليل وتدعى الله أن يشفى يزوجك ويرجعه لك أفضل من الاول .
وفقك الله إلى ما يحب ويرضى ونولك أنت وزوجك أعلى منازل الجنه

كلام اختي المصريه صحيح يمكن حسد يمكن مادحته قدام احد ونظرك التجئي للي ارحم منا بأنفسنا واقري صوره البقره دوم كل ليله وادعي ربك والحي عليه والله الوضع صعب الزمن هذا زمن فتن وحسد وسحر لاتنسين تحصنين نفسك وبيتك ودائما استودع الله في كل امورك قولي اللهم استودعتك زوجي واسال الله انه يرده لك افضل من اول

تسلموا على ها الكلام بس ما أفتكر الحكاية فيها سحر لأنه زوجي ملتزم و مواظب على الصلاة

لله يفرج همومكم اتوقع والله اعلم حاااااااااااااااااااااااااااالة نفسية انصحك تسرعي قبل تتعظم المسألة لشخص يحبه ويثق

فيه يقنعه يروح لطبيب نفسي موثوق ويشرح له اللي في خاطره باذن الله بيلقى عنده العلاج النافع

ترى الامراض النفسية كثرت وتعددت انواعها والله يعافيه عاجلا غير آجلا آمين.

والملتزم والمحافظ على الصلاة مايصيبه السحر؟

الرسول عليه الصلاة والسلام انسحر

اختي حبيبتي صدقيني هذا شي مووو طبيعي

اكيد عين صابتكم او احد ساحركم

عليكي بسورة البقرة

يوميا شوفي لك وقت واقرأيها كلللللللل يوم

لاتقطعيها ابدااااااا

وشوفي ايش راح يصير

وقتها بتتذكريني

الله يرده لك ردا جميلا يارب

اكثري من الدعاء اوالاستغفار وكثري( من حسبنا الله ونعم الوكيل) و(وماتوفيقي الا بالله عليه توكلت واليه انيب)

الله يفرج همك أخيتي
خذي نصيحة مني أناعنيت سنين من نفس المشكلة وجربت كل شي وماجابت أي نتيجة إيجابيه إلالما واظبت على
قرأت سورة البقرة يوميالمدة سنةفي قيام الليل ولازم هوبعديقرأها.

الله يكون بعونك ويصبرك على مابلاك اتتوقع ان المساله فيها سحر او حسد حتى وان كان زوجك ملتزم كل شي يصير اختي لا تضغطين عليه حاولي تقنعيه يروح لشيخ وانتي لا تهملين القران وطمنينا عليك