|
بنتي و الزكام مع الاحتقان و البلغم
السلام عليكم و رحمة الله و بركاته..
انا بنتي عمرها شهر و يوم و صار لها حوالي اسبوعين تعاني من الزكام و البلغم و احتقان خفيف و بعد ما وديتها العياده كتب لي لها الدكتور قطرات الماء والملح اشتنصحوني اعمل معاها؟؟ و عندي مشكله ثانيه اني اعطيها حليب بيبيلاك بس لازم بعد كل رضعه اترجع مع التشجؤ هل هذا طبيعي او لا مع العلم اني ارضعها طبيعي بعد بس حليبي غير كافي و مع العلم أيضا اني غيرت لها الحليب الصناعي اول شي كان نان1 و بعدها ابتاميل و بعدها بيبيلاك اي آر ما رأيكم ف هالحليب هل هو مفيد أو لا اتمنى الرد |
بعد الرضعة حطي راسها على كتفك واعملي طبطبة خفيفة على ظهرها
ليخرج الهواء الي دخل معدتها مع الرضعة بس حطـي شي على كتفك نظيف سلامتها شهودة وما تشوف شر أم وليد |
سلامتها شهوده وماتشوف شر
ضوى البنت ترجع كل اللي شربته او ترجع شويه بس؟ اذا شويه بس عادي اما اذا كثير لاء مش عادي بيكون الحليب ماناسبها ياقلبي والاحتقان والزكمه الله يعينك عليها مثل ماقلت لك قبل كذا القطره بس اذا الدكتوره قال بس القطره واذا مو واثقه منه والبنت تعبانه خذيها على دكتور ثاني اشطر منه في المواليد بنتي استخدمت لها 6 انواع حليب وتعبتني مره معاها بس بالنهايه استمريت مع حليب اسمه بليميل بلس مرره ناسبها بس صارت دبدوبه سمالله عليهاا واستخدمت منه رقم 2 ورقم 3 بعد الله يشفيها ويطمن قلبكـ عليها يارب |
والله مادري وايد محتاره
مع العلم انها اترجع تقريباً مرتين بعد الرضعه بس مو كل الحليب مب وايد ولا اشوي يعني في النص و بالنسبه للتشجأ والله اني اطلع الهواء اللي ف بطنها كله لكن بعد اترجع شاسوي |
انا بنتى كانت كده
فى الاول وروحت وايد دكاترة وكلو يقولى طالما ووزنها يزيد عادى |
يا ام شهودة ياقلبي
الطبيعي والافضل انه الطفل يرجع لو شفتي طفل يرجع بتعرفي انه صحته افضل من الطفل اللي مايرجع هذا كلام دكتور بنتي بس اللي ترجعه حليب ، ولا تقليص ؟ بالنسبة للزكام فأنصحك تاخذي من حليبك ، حليبك انتي مو الصناعي وتقطري في أنفها بقدرة الله مع الوقت بتتحسن |
لاحظت انه ترجيعه معاه نفس البلغم
اتمنى انكم اتردون علي |
ممتااااااااااز
احمدي ربك انه البلغم بيخرج مع الترجيع انا بنتي مو عارفة تخرج البلغم وصدرها مكتووووم ومرة تعبانة مسكينة قولي الحمد لله بس هذي نعمة من ربي الله يحفظها ويحميها |
بالنسبة لمشكلة الترجع
ان استمرت هكذا فخبري الدكتورة تكتب لك حليب تبع الترجيع لإن كل نوع من الحليب في منة للترجيع وللاسهال ووو لذا خبري الدكتورة اما نوعية الحليب صراحة البيبلاك ممتاز ابني ربيتة علية وسلامة ابنتك وما تشوف شر إن شاء الله |
| الساعة الآن 12:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©