|
أعراض غريبه يادكتوره
دكتوره انا حامل بالثامن وصارلي داخله فيه يمكن كم اسبوع طبعا بكريه وماعندي خلفيه عن الحمل واتعابه المهم صايره احس بدوخه واحساس بالاستفراغ والام اسفل البطن تشبه الام الدوره لدرجة اني احيان اروح الله يعزكم لدورة المياه كله ابغى اطالع نزلت دوره ولا لا من كثر ماأحس بالالم يشبه الم الدوره تماما موعدي عند دكتورتي اللي اتابع عندها بعد اسبوع والدوخه تجي وتفك ومخوفتني ياليت دكتوره تفيدني وتطمنين قلبي --ولا استغني عن ردود اخواتي اللي لهن خبره
|
والله اختي ما عندي فكره
لكن الله يثبت حملك ان شاءالله و انتظري رد الدكتوره |
شكرا على مرورك وسلمتي
|
يؤؤؤؤ آلام تشبه آلام الدورة؟
هذا طلق خفيف يا أختي روحي للمستشفى يكشفوا عليكي انا جاني مثلك بالضبططط في بداية الثامن بس كمان نزل علي شوية دم ولما رحت للدكتور أعطاني حبوب تثبيت الله يثبت حملك ويقومك بالسلامة يارب وطمنينا عليك |
انا الاسبوع الجاي ادخل الثامن
وبالفعل احس دايما بلوعه واني ابي استفرغ .. لكن ماحس بألم .. دوره يمكن خفيييييييييييف خل نقول 10 % ... اختي مالك الا الدكتوره .. ولاتنتظرين موعدك روحي طواريء .. وشوفي شيقولون لك ... وتابعي بعدين مع موعدك انا لو حسيت الالام زادت راح اروح الطواريء |
أخيتي أوراد ألف لا بأس عليك الله يقومك بالسلامة ..
بس بالنسبة للدوخه واللوعة ترى دكتورتي أكدت علي بحبوب الحديد وخصوصا بالأخير لأنه دمك يحتاجه أكثر ... انتبهي لهاا ويجوز تحتاجين زياده جرعتها لكن تطمني من دكتورتك لو بمكالمه لو ماقدرتي تقدمي موعدك .. الله يسهلك . أخيتك . . عاشقة الرياض |
تالينا شكرا على معلومتك بس قاعده انتظر موعدي
|
اختي حلمي قريب انا مااحب الطوارئ احس يكبرون السوالف مره جيتهم وانا بالسادس من الحرص الجنين ماتحرك ساعتين كان نائم وانا فحطت انا وزوجي للمستشفى اخرتها روعوني بغوا يولدوني والله لا يوريك حطوا علي حزام الطلق وحاجات كأني بولد لدرجة انهم اعطوني كيس يقولون نزل ملابس داخليه ومن الخرعه بغت تجيني ولاده مبكره
|
اقتباس:
الحديد انا أخذه ومعاه بعد كالسيوم وحامض القوليك اللي معه اكرون اللي يجي لون اخضر ولون شفاف بس خوفي ان طريق استخدامي تبطل مفعوله لاني اخذ الحديد الصباح والفوليك بعد الغداء والكالسيوم قبل النوم وفيه ناس يقولون ان الحديد يبطل مفعوله مع الحليب وانا اشرب حليب الصباح -- ودكتورتي ماأقدر اكلمها انا في الرياض وتبع مستشفى حكومي وتعرفين مايعطون وجه ومضطره انتظر موعدي ومتكله على رب العالمين |
دكتوره بزعل منك هاه وينك ماشرفتي من فتره عطيني وجه
|
| الساعة الآن 05:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©