|
قررت أتزوج خلاص .. وأريد منكم شئ واحد فقط !!
بدخل في الموضوع على طول
أول شئ السلام عليكم وياليت اللي ماعندها افادة لي من الحريم لا توجع قلبي وتقولي حرام عليك واللي يرضيك ماراح أتأثر !! ومافي أمل أفركش السالفة ويكفي خربتوا علي الموضوع اللي فات وماطلعت بنتيجة .. فخلونا من فضلكم نرّكز في الردود هنا علشان اطلع بفائدة أنا خلاص قررت أتزوج ان شاءالله وباقي التيسير .. وابغى منكم شئ واحد بسسس :confused: ماهي الطريقة المناسبة لإيصال الخبر لزوجتي؟؟ لأني أحبها وأموت فيها وخايف عليها ;) بس ايش اسوي .. عندي طاقات مختلفة بتتفجّر .. يعني أنحرف ولا أنحرف ! :( وأدور زي ما بيقولوا على حل شعري :o وفي الصباح أحب فلانة .. وفي الليل أعشق علانة :27: أنا ما أحب الحال المايل .. ولا أرضاه لي .. ولا على غيري .. والله يستر ويرضى علينا وعليكم إضافة أخيرة .. وهل الأفضل أفاتحها بالموضوع قبل أو بعد ما أتزوج بأيام بسيطة؟ في كل الأحوال كيييف ؟؟ الاشراف / عفوا تم تعديل العنوان ليكون بالفصحى |
نصيحة لك يا اخي الفاضل انك تكلم زوجتك بموضوع الزواج قبل ما تقدم على اي خطوة لو عرفت بعد صدقني راح تكون ردة فعلها عكسية فهمها انك تحبها وما تقدر تستغني عنها بس رغبتك بالزواج من أخرى أمر لا بد منه هي راح تتعب نفسياً وتحملها وتحمل عصبيتها بس اذا شافتك متمسك فيها راح يهون الامر عندها بس لازم تراعيها في هذي الفترة ولو وتوفقت ولقيت بنت الحلال لا تذكرها عندها لا بخير ولا شر الله يكون في عونها هو صعب الموضوع علي انا كزوجة بس لو يزوج زوجي اربع بالحلال افضل لي وله من الحرام الله يوفقكم جميع |
هلا اخوي عاطفي
بصراحة ما اعرف شو اقوللك غير انك استخيييير ثم استخيير ثم استخييير وبعد الاستخارة اذا كنت لا زلت مع فكرة الزواج ...فانا من رايي انك تخبر زوجتك قبل لا تخطب حتى وتحاول تقنعها الى ان يليين قلبها ثم تتوكل على الله انا بصراحة اكره الرجل الي يتزوج الثانية بالسر ويخلي الزوجة الاولى تسمع عن زواجه من غيره وليس منه الله يكون ف عون زوجتك لاني اعرف هذا الشيء كيف صعوبته |
والله أنا اللي تعبت نفسيتي من موضوعك لأنك قلبت على المواجع والآلآم
على العموم أخي إذا كان نفسك تعف عن الحرام وقصدك شريف الله يوفقك ويختارلك الخيرومادام إن تحب زوجتك الأولى الله يسعدك ويوفقك لبنت الحلال وتكون بنت ملتزمه تخاف الله فيك وفي زوجتك وعيالك وموعيب أخي إن الرجال يتزوج مره وإتنين وتلات بس أهم شئ إنه يعدل ويخاف الله ومايظلم ولاوحده على حساب وحده وأنا أنصحك إنك تشوف وقت مناسب لكي تفاتح زوجتك بالموضوع وياليت قبل الزواج عشان تكون الصدمه أخف عليها وبعدين صدقني هي ماراح تتقبل الموضوع في الأول ..وممكن تبكي وتنوح وتعصب وإنت قدرماتكون خليك معها بالسياسه واللين وطنشها لوعملت أي إنفعال زايد ...ولاتصيرزي زوجي الله يهديه يوم عرفت وواجهته بالموضوع صح عصبت وبكيت ونوحت كإنه مات ..وياليته مات قام ضربني وحط رأسي بالأرض وحط الشبشب الله يكرمك في فمي وقالي رجلي فوق رقبتك أتزوج ..وتحسب ربنا تركه على ظلمه الحمدلله من هم لهم ومن تعب لتعب ..أنا قلت له أنا ماأحرم التعدد من حقك بس ياليت قلت لي قبل الزواج ولاأعرف من الناس وبعضهم أتشموا في ولكن أنا طنشت لكن راعي هول الصدمه على نفسيتي وياليت أخي الكريم تجيب لها هديه رضوه على زعلها لأن زوجي ماأعطاني ولاريال بل صاريبخل علي من كل النواحي ..من الناحيه الماديه والجنسيه والعاطفيه لكن أحس إن مع الدعاء والإستغفارربنا بيكفيني شره وشرزوجته الشريره ..وأنا ماني عايشه معه إلاعشان أولادي ماأبغى اشتتهم والله يعينك ويختارلك الطيب |
انا من رأيي
قولها يا فلانه تعرفين شكثر احبج وانج غاليه وعزيزه على قلبي ومهما صار بتضلين انتي الحب الأول بقلبي وحبج غير عن كل الناس لكن اتوقع انج ماترضين الحرام لي وتتمنين كل الخير لي وانا ما احب اخونج او أتجه للحرام وانتي زوجتي لازم اول وحده تعرف عني كل شي يا فلانه انا قررت اتزوج وحده ثانيه طبعا تقبل ردت فعلها اذا جرحتك او قالت اي شي يضايقك بس انت رد عليها ليش تحرمين عليّ اللي حلله الله لي ؟ والله يعيييييييييييينك من ردة فعلها !! :25: |
لا لا لا لا لا لا لا لا للــــــــــــــــــــــزوااااااااااااااااج
طالما أنك تحبها مافي داااااااااااااااااااااااعي حــــــــــــــــــــــــــــــــــرام يارجال حسوا شوي ’’’’’’’’ بالحريم ’’’’’ |
اذا الموضوع مرررره واصل معاك ولابد منه
لازم ثقولها والأهم الأهم ثجيب لها هديه معتبره وتوعدها بسفره حلوه خارج المملكه لمكان هي نفسها فيه والله يعينك عليها الله يعينك زمان نصحتك بالعواقب |
فكر جيداا قبل ان تتزوج
وانصحك لاتخفي على زوجتك واشرح لها اسباب رغبتك في الزواج |
ما اعتقد ان اي زوجة بالكون تتقبل هالشي سواء كانت تحب زوجها ام لا
بس البعض يكون اهون بالنسبة لهم اذا كان السبب مقنع مثلا الزوجة مريضة فاهي تشوف ان في سبب مقنع انت شنو سببك؟ |
والله حجج واهيه اتوقع لأ تحتاج سؤال لازم تخبرها قبل الزواج والبدايه خليك زي الي تستشيرها
واتوقع كل الاحتمالات يمكنم ا تستحمل وتطلب الطلاق وووووو الف احتمال بس اكيد اذا انتو متفقين مثل الواضح وتحبها وتحبك بتكون رده فعل قوووووووووووويه الله يعينها ويعينك تقبل امنياتي بالتوفيق ولكن ادعي الله تعالى ان تعدل عن رايك وتبقى على زوجتك |
| الساعة الآن 03:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©