|
جنّة الدنيا: هل ماأعاني منه فوبيا طيران ؟!!!
السلام عليكم ..
أكتب لكم معاناتي مع الطيرن والطائرات وأرجو الله أن أجد لديكم الحلّ الشافي ..! لما كان عمري 10 سنوات قرأت كتاب "مواقف طيار للكابتن أنس القوز" وكان يتكلم عن مواقف عصيبة صادفت الطيارين أثناء رحلاتهم، وكيف خرجوا منها .. وماكان لهذا الكتاب أي تأثير سلبي علي بفضل الله، ولكني إذا تذكرت القصص وأنا بالطائرة أحس بقليــــل من الرهبة، وسرعان ماأتخلص منها إذا أشغلت نفسي بالتفكير في شيء ثاني .. من سنة ونصف كنت عائدة من جدة وفي طريق العودة صادفتنا مطبات هوائية "يقولون إنها خفيفة :25:" خفت جدّا وأحس إن قلبي كان بيوقف من الخوف :eek: !! حتى إني كنت أتشهد بصوت عاااالي والناس مافيهم الي حرك ساكن !! إلا حرمة كبيرة قدامي خافت شوي !! أحسهم كانوا يقولون عني: شكلها ماقد ركبت طيارة !! :D المهم إني نزلت وأنا أحلف إني معد أسافر بالطيارة لو أروح للصين !! وبعدها بفترة بسيطة سافرت وفي الذهاب كان الوضع طبيبعي ـ مع وجود شيء من الرهبة ـ لكن واحنا راجعين صار فيه مطبات هوائية أشد من الي راحت وكنت خائفة لدرجة إني أبكي من الخوف وأتشهد طوووووول الوقت وكان ولدي معي وهذا الي زاد توتري !! اضطريت للسفر مرة ثالثة وفي هذي الرحلة حسيت وضعي مو طبيعي !!! * القصص الي قرأتها من 11 سنة تدور في بالي وتوترني جدا ! * من ركبت الطيارة وأنا أتشهد ! * أي حركة سريعة من الطاقم تخوووفني ! * قلبي بيطلع من صدري من قوي ضرباته ! * متوترة حد البكاء ولاأتحمل أحد يقولي كلمة ! * والي زاد علي إن الوالدة الله يحفظها أول ماركبنا كانت تتصفح الجريدة وفيها خبر عن طائرة احترقت في اليابان !! فورتني صورة الطيارة :24: << قلتلها: أنا ناقصة يمة !! :29: هذا الكلام من 6أشهر !! والآن ودي أسافر مرررررة !! لكن مجرّد ماأفكر بالطيارة أتوتر وأحس بطني يعورني من الخوف !!! الي دفعني لكتابة الموضوع هو إني شفت وأنا أتصفح النت صورة طيارة من الداخل فحسيت برهبة شديدة نوعا ما من مجرد النظر فيها !!!!!!! هل هذا هو الفوبيا أو بداية فوبيا أو ماذا ؟؟!! وهل بإمكاني التخلص منها ؟؟ وكيف ؟؟!! شاكرة للجميع تكرمهم بالدخول .... |
الله يعينك يالغاليه
الامر بسيط لا تسترسلين مع هذه الافكار واذا ربي كاتب لك الموت بتموتين ولو انك بالبيت عن تجربه مع الوسواس وسؤال لكثير من الاستشاريين لان الي فيك من الشيطان اعوذ بالله منه يوسوسلك اول ماتجيك الافكار قولي بصوت مسموع ماراح يصيبني الا الي ربي كاتبه لي ياربي وكلت امري لك وعليك توكلت صدقيني بعدها ماراح يهمك شئ المهم لا تخلين هالموضوع يكبر داخلك ذكرتيني بوحده تخاف من الطيارات واذا بغت تسافر مع زوجها برا تاكل حبوب منومه من وهي بصاله الانتظار عاد مره من المرات اعلنو عن تأخير اقلاع الطائره وقام زوجها يسحب بها هههههههههههه |
ما ادري حبيبتي...انا زيك اخاف بس مو مررررة
يعني لو فكرتي فيها ...اللي ربي كاتبه لك بتاخذينه انت لاتكبرين الموضوع ...واعطي لنفسك ايحاءات ايجابيه انك قويه ..واي قصة ماتأثر عليك.... وتمتعي بالسفر:cool::cool: ...بدلا المشقة في السيارة وطوله الطريق...خصوصا لاصار معاك طفل..مزعج نفس بنتي الله يهديها:29::16: جينز...ضحكتيني بالقصة اللي كتبتيها واتخيلت الموقف:22::22: ... |
اقتباس:
والله يالغالية مايهمني الموت بس يهمني لحظات من قبل الموت :d أخاف من الروعة مقدر أتشهد !! وذكرتيني يوم قلتي هالقصة ! نسيت أقول شي: قبل الرحلة أكون مواصلة 24ساعة عالأقل !! عشان يقالي بـأنام بالطيارة !! من الخوف يطير النوم :24: |
وعليكم السلام ورحمة الله وبركاته وأنا أول ماشفت موضوعك يطير في شريط المواضيع جيت طيران لأني أدور عليكِ من فترة وأنتظر منك رد على أي موضوع من مواضيعي علشان عندي عتاب وزعلانة منك:( أيوة زعلانة لاتستغربي:mad: وزعلانة مرة بعد:19: السبب هو إنك بدأتي بسلسلة مقابلات تطير العقل من حلاوتها <<<===شريرة متقصدة تكرر كلمة طيران علشان تزيد التعذيب:29: وين بقية المقابلات علشان نطير مع الضيف ونحلق في أغوار نفسه ونستفيد من خبراته؟؟؟ الأن مالك عذر ننتظر بقية المقابلات نعود لموضوعك: تعرفين أنا مثلك كنت أسافر عادي برهبة بسيطة لابد منها ويوم سألتني أختي بعد ماسافرت لأول مرة وقالت إنها خافت ...وقالت لي : ماشاء الله دائماً تسافرين وماتخافين؟؟ قلت لها : عادي مو مرة وبعدها صرت احس مثلك قلبي بينخلع من شدة الخوف وأي صوت من الطائرة حتى صوت العجلات لما تدخل في الطائرة يرعبني وأحس بأشهق وتكرر الخوف في كل مرة وبعدها جلست مع نفسي وكلمتها وقلت يابنت الحلال ليش تخافين الموت حق وممكن تموتي لاقدر الله لاقدر الله في حادث سيارة وممكن تموتي وأنتِ جالسة في بيتك فليش تخافي ..؟؟ أهم شيء ركزي في مابينك وبين الله وأكثري من الإستغفار علشان أي وقت تموتي ياأم جمانة ربي يثبتك وتتشهدي.. ولازم تؤمني أن المقدر والمكتوب بيصير غصب عنك وفي أي مكان فأمني بما كتب الله وبعدها فعلاً ارتحت جدااااااا ولما تبدأ الطائرة تقلع وأبدأ أخاف أقنع نفسي بالكلام اللي قالته لي نفسي الله يجزيها خير وارتحت شيئاً فشيئاً وأخر مرة الحمد لله لم أخف كالسابق وعادتي أنا وزوجي نشغل نفسنا عند الإقلاع بالتسبيح والذكر ونحب وضع سماعات االطائرة على قناة القرآن ونسمعها والحمد لله أخر سفرة كانت نتيجتها جدا رائعة وارتحت نفسياً ولكن لابد من هزات من الطائرة تهز معها قلبي أتمنى افدتك ورحلة سعيدة بإذن الله مقدماً <<<===قرقرة كثير ..<<<==....((هذه نفسي تتكلم)) اسمحي لي يانفسي إلى هنا وكفاية لاتتدخلي أنا عارفة إن جنة الدنيا والأخرة مبسوطة من قرقرتي وعاجبتها:19: أم جوجو لحظة.... خذي هذه الوصفة الطبية من د. أم جمانة هذه الصورة تأمليها لمدة 3 دقائق ثلاث مرات باليوم صبح وظهر ومساء وبالشفاء [img]http://www.bo****-me.com/website_22/pages/page_3148/images/img_1.jpg[/img] لحظة: jeans ضحكتيني الله يعينها ويعيننا جميع خلاص أخر مرة اتكلم مع السلامة أم جمانة |
نسيت أقولك حبيبتي جينز:
شكراً لردّك يالغالية :d اقتباس:
هلا والله حبيبتي ،، الكلام الي تفضلتِ فيه أنا أستاذة فيه :d ممكن أعطيك محاضرة ساعتين عنه !! بس إذ ركبت الطيارة ضاعت علومي :24: الله يعين بس !! شاكرة لك ردك يالغالية .. |
اقتباس:
ذكرتيني بأيام المقابلات .. ياسقى الله تلك الأيام :21: وماعاش من يزعلك يالغالية ،، وأنا أتمنى والله إنها ترجع ولعلّي أسأل ادارتنا الحبيبة بهالخصوص .. نرجع لموضوعنا: ضحكتيني أضحك الله سنّك :d ،، كنت متوترة شوي عقب الموضوع بس قرقرتك زي العسل الله لايحرمني منك .. أحسن شي الصورة :22: ودي أطبق وصفتك بس أخاف تجيب نتيجة عكسية لأني ماقد تخيلت شكل الطيارة وهي معلقة بالسما :24: من جد أعجبتي فكرة السماعات وبإذن الله بأسويها .. مرررررررررررة شكرا للقرقرة الممتعة :d |
قد أسافر بعد أسبوع ولكنّي متخووووفة جدا، وأحاول أن أجبر نفسي على السفر ..
مارأيكم ؟! هل أحتاج لزيارة طبيبة نفسية ؟! أم أنتظر حتى أعود من السفر وعلى أساس مايحصل لي في الطائرة أقرر الذهاب من عدمه ؟! أود أن أقرأ آراء متخصين أو مجربين ..! |
اقتباس:
وتعني "التحرر من المشاعر السلبية" و تخوفك مشاعر سلبية قد تـقيدك،،، وكيف تطبيقها يحرر المشاعر السلبية و خاصة من عندهم فوبيا الطيران أو اي فوبيا محددة دمتم بحفظ الرحمن |
اختي الفاضلة جنّة الدنيا
عندنا وعندك خير انا عن نفسي لو بس الطيارات كان زين المشكلة ركبت مره تلفريك في احد الدول الاوروبية وياليتني ماركبت شفت الموت من الخوف الله لايعيدها عموما قريت كثير ان هذا فوبيا طيران او مرتفعات بالاصح وهذاليس بسبب قله ايمان بقضاء الله وقدرة ولكن هو مرض الله يكفينا شره عموما الحل الي اتبعة الان هو المواجهة رغم الخوف يعني اسافر بالطيارة والشكوى لله. لكن تستمر الظروف الغريبة على حظي مثلاً: اخر رحلة لي كانت قبل 3 شهور راجع من دبي للرياض وركبنا الطيارة وتأخرت تقريبا نصف ساعة بعدها تكلم الكابتن "وليته ماتكلم" قال اسفين على التأخير فيه مشكله بكمبيوتر الطيارة وراح تنحل ان شاء الله :eek::eek::eek: هو انا ناقص كلام حلو مره زي كذا :d:d:d لكن ربك يسر الامور ووصلت سالم ولله الحمد والشكر كان الله في عوننا دمتي بحفظ الله اخوك هلال العالم |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©