زوجي لا يصلي كيف اساعدة ليحافظ على صلاتة ؟
 

السلام عليكم ورحمة الله وبركاته

في اخر موضوع لي (اشك ان زوجي يكلم بنات) ناقشنا موضوع الصلاه

و عرفتوا ان زوجي ما يصلي و يشوف افلام اباحيه

و انا بصراحه تعبت معاه من كثر ما اذكره بالصلاه و لا حياة لمن تنادي

فتوقفت فتره و ما قمت اذكره بالصلاه

بس بعد موضوعي الاخير و بعد ردودكم تحمست اني احثه عالصلاه

و امس وقت صلاة الفجر كنا قاعدين انا و هو يعني ما نمنا و هو راح الحمام يغسل

اسنانه قلت فرصه اذكره بالصلاه ما دامه ما نام و هو موجود في الحمام

قلت له فلان توضى..اذن الفجر

اول ما قلت هالكلمه على طووووووووول طار عالفراش مع انه كان في الحمام

و انسدح و قال طفي التلفزيون

انا انقهررررررت و انبطت جبدي بس قلت مادامنا اوكي مع بعض و كنا نضحك و كل

شي تمام ما راح ابين له عصبيتي و بطلب منه انه يصلي بكل هدوء و رقه

قلت له حبيبي قوم صل يعني هي كلها ركعتين و انت توك ما نمت

قال لي جملته المعتاده (مالج شغل انتي مب مسؤوله عني)

قلت له معليه انا مب مسؤوله عنك بس ابيك تقوم تصلي عشان اتعود و تعود عيالك عالصلاه

سكت و قلت له: حرام عليك ما تصلي ما تخاف من ربك ما تخاف في اي لحظه تموت و انت ما صليت

قال: لا تحاسبيني مب انتي اللي تحاسبين..

حاولت اناقشه بالموضوع ما عطاني مجال

و قال بنام و لا شلون؟ قلت له لا ما بخليك تنام الا اذا صليت

بعدين راح عني الغرفه الثانيه

بصراااحه ما اعرف شاسوي معاه تعبت

اعوذ بالله عمري ما شفت حد بهالشكل

حتى اللي ما يصلون و تقولون لهم صلوا يروحون يصلون

ارجوكم ساعدوني



الاشراف / عفوا تم تعديل العنوان ليكون بالفصحى

ماحبيت اطلع بدون رد


بس اقدر اقولك ادعي لزوجك ولا تيأسي


لانه مسكين ما حس بحلاوة الوضوء والصلاه


واحتسبي ما تقومي به عند الله


لانه جهاد فى سبيل الله

فى رعاية الله

ادعيله ادعيله والله الدعاء هو الحل الوحيد مع الاستمرار في حثه للصلاه و إن شاء الله تبشرينا انه صار إمام مسجد يارب والله في قصة امراءه تدعوا لولدها الضال المنحرف تقول بعد فتره اصبح بفضل الله امام مسجد

الله يعينك يا اختي

والله اني اشفقت لحالك

الله يعينج اختي ...والله يهديه ويصلحه ان شاء الله

انصحيه دائما عزيزتي ولكن لا تضغطين عليه كل شي بالهدوء والطيب يستوي..اذا اذن وكنتوا جالسين مع بعض

قولي بصوت ينسمع بس علشان يسمع : (( الله واكبر ..يالله بسير اصلي كل شي ولا الصلاة ..يالله ياحبيبي قوم

للصلاة )) بس مره وحده اذا شفتيه انزعج لا تكررين عليه لانه بيكرهها ..حاولي اتقولين له وتذكرينه دائما ان الخير والصحة

وكل شي زين في حياتكم نعمه من رب العباد فما تعتقد ان لازم نحمده ونشكره على الاقل بالصلاة والعبادات؟

داومي على قيام الليل واكثري من الدعاء واحرصي على ان يلاحظ هالشي...

بذكر لج قصة صديقتي بالمختصر المفيد..كان زوجها في مثل حالة زوجج بالضبط ودائما تشتكي لنا في الدوام عنه في

مره من المرات اقترحت عليها ان تقوم الليل وتصلي وتدعي ولازم زوجها يلاحظ عدم وجودها بالغرفة ..راحت غرفة ثانية

بعد ما حطت منبه الموبايل جنب زوجها علشان يصحى ويدور عليها...يوم قام يدور في الغرف وصل للغرفة اللي فيها

صديقتي وكانت منتهية من الصلاة ويالسة تدعي بصوت عالي وتبكي بحرارة وتدي رب العباد انه يهدي زوجها ويجعله

من الصالحين ويوفقه ويصلحه وكل الادعيه الطيبه..تأثر زوجها كثير والحمد لله رجعت لنا اليوم الثاني وقالت ان الفكرة

نجحت وان زوجها صلى الفجر في المسجد والى اليوم زوجها مداوم على الصلاة والعبادات الله هداه والحمد لله..

فاقترح ان تجربي هالفكرة وان شاء الله تنجح معاج...واكثري من الدعاء له بالهدايه عزيزتي وبالتوفيق

اختج --- لمني بشوق

عليك بالدعاء ياأختي فإنه سهم الليل الذي لا يخطأ

(العهد اللذي بيننا و بينهم الصلاة , فمن تركها فقد كفر)
أختي هذي المسألة يترتب عليها أحكام شرعية:
منها : إذا تركها متعمد فهذا كفر ولا يجوز أن تبقي معه..

نسيت أقول لك :
أنه من ترك شيئ لله عوضه الله خير منه..
قولي له : إذا ما صليت أنا بتركك وفعلا كوني حازمة وأتركيه ..
صدقيني الحياة مع واحد مايخاف من ربه ماتسوى شي

وانا للاسف اعاني نفس المعانه بس الفرق لما اقوله الصلاة يقولي إن شاءالله ..

وكذا مره افاتحه بموضوع الصلاة وقوله مايجوز حرام عليك ترى مايجوز اقعد عندك وانا ادري انك ماتصلي ولي بينا حرام

خل ربي يباركلنا بفلوسنا وعيالنا ولا حياة لمن تنادي يحافظ عليها شهر ويتركها شهووووووووور ويقولي انا اصلي وانا متأكده

100% انه مايصلي .. ربي يعينك يالغاليه ويعني ويهديهم