منتدى عالم الأسرة والمجتمع - ارجوكم ساعدوني، مشكلة في العين اليمنى

السلام عليكم ، اخواني الاعزاء ، اني اطمع في اهتمامكم قليلا والمساعدة في الرد على موضوعي..
المشكلة باختصار انه منذ فترة اسبوعين تقريبا الاحظ عدم اتضاح الرؤية بعيني اليمنى ، تقريبا تكون الرؤية شبه معدومة وذلك بسبب وجود نقطة سوداء في مجال الرؤية ، ومثلا لو غطيت عيني اليسري ما بقدر اشوف شيء تقريبا بعيني اليمين ، مع العلم اني ما بعاني من اي مشاكل صحية سابقة ، بس كان عندي ضعف بسيط بالنظر وبستعمل نظارة من فترة 5 سنوات تقريبا، في البداية كان تشويش الرؤية بيحدث بالليل فقط او مع العتمة ، لكن الان مستمر طول الوقت..
انا رحت عند اكثر دكتور عيون وحكولي انه المشكلة هي انغلاق الشريان اللي بيوصل للشبكية ، واعطوني اعمل فحوصات لمعرفة السبب ، مع العلم انه هالحالة ما بتصيب الا كبار السن فوق الستين والسبعين ونادرا ما بتحدث مع الشباب او الناس اللي بعمري ، انا عمري 20 سنة ..
وبصراحة انا خايفة كتير من انه المشكلة تتطور وتنعدم الرؤية تماما او انه ينتقل للعين اليسار ، وحكولي الدكاترة انه ممكن الوضع يرجع طبيعي بس هدا الشيء مستبعد ..
رجاء اخواني اللي بيعرف اي شيء عن هالمشكلة يساعدني انا والله خايفة كتير ، بس بدي اعرف اذا ممكن الواحد يشفى من هالحالة بأي طريقة كانت حتى لو بأي بلد اجنبي او عربي ، بس بدي اعرف هل في امل للشفاء او انه رح اضل هيك طول عمري..