بناتي وسهرهم ..
 

السلام عليكم
بدخل في الموضوع على طووول

عندي مشكله مع بنتي الكبيره .......عمرها سنتين و8 شهور طبعا من خلقت وهي تسهر يعني اول اربع شهور ما تنام من الصراخ والبكي قلنا اناوابوها معليش كل الاطفال في االبدايه يسهرو وبعدين تستقر وضعية نومهم

مرت الاربع الشهور الاولى ....وبالفعل بدت حالتها تستقر تنام على الساعه 12 يعني عدنا هذا بدري لانه قبل كانت تنام الساعه 6 الصبح .....وتنام الظهر شي ساعه ونص .قلنا الحمد لله

بس يا فرحة ما تمت ....صار عمرها سنه او اقل وبدا السهر اللي مش طبيعي يعني تنام الساعه 3 بليل او اكثر وتصحى الساعه 11 الصبح وما اخليها تنام الظهر على اساس تنام بدري بليل وما نفعت هالطريقه يعني تصحى الساعه ال11 الصبح وتنام الساعه 3 بليل .....

وطبعا هذا الوقت كله لعب وحركه واكل وتحميم وكل انواع النشاطات وهي حركه ما شا ءالله عليها واكلها ممتاز وصحتها ولله الحمد جيدة جدا

بس والله هلكت من يوم اللي خلقتوانا اسهر معاها .....بعد ما كملت سنة ونص او اكثر بديت العبها كثييييييير وما انيمها الظهر على اساس تنام بدري يعين البدري تبعها الساعه 1 ونص او 2 هذا بدري .........والله احترت شنو اسوي ولازم طول مو هي سهرانه انا صاحيه معاها وانا اكون طووول اليوم شغل في البيت تنظيف وطبخ وغسل وكوي واحيانا ضيوف واكون صاحيه الصبح بدري ومو نايمه الظهر .....يعني احس نفسي خلاااااااص هلكت من السهر ما عاد فيني اتحمل ولازم طول مو هي سهرانه اسكت فيها وما اخليها طلع صوووت لانه ابوها بيكون نايم ويكون عنده دوام من الساعه 7 الصبح .....



الحين ولدت مره ثانيه وصارت عندي بنت ثانيه ولله الحمد .....عمرها الحين سبع شهور اول شي كانت بنتي الثانيه هادئه ومواعيد نوووووم حلوة وتفرح القلب مثل بقية الاطفال تنام بدري وتصحى بدير وترد تاخذ قيلوله والحمد لله

بس كمان يا فرحة ما تمت الظاهر تعلمت من اختها خصوصا انه هي الحين بدت تلعب معاها شوي وقامت اختها تسهر مثلها .........وكنت بمصيبه صرت باثنين

الاسبوع هذا كله مشاكل مع زوجي لانه انا تعبانه وهو ما يقدر هذا الشي .....قمت شلت فراشي ورحت انام انا وبناتي بغير غرفه علشان اريح زوجي ..... بس خايفه يتعود انام بعيده عنه ويصير اهتمامي كله باطفالي واهمل زوجي ..........وظل الحال كما هو سهر الى 3 بليل او اربعه

ياريت احد منكم يقولي شنو اسوي والله تعباااانه على الاخر

اسفه على الاطاله

9 زيارات ولا رد؟؟؟؟ولا نصيحه؟

شكرا ياام الوليد .....بس فكرك ما جربت اسبوووووووووووووع كامل وانا اودع ابو العيال واصحي بنتي الاولى (كنت لسه مش مخلفه الثانيه ) ويبدي يومنا

والله تقيضها لعب وحركه وتنام على 12 الظهر وتصحى على الساعه 3 العصر وتضل سهرانه لحد 3 :30::eek:

شفتي اشلون مومعقوله هالبنت ؟؟

انا مع ام وليد بكلامها يااختي..
لاتخلينها تنام اكثر من ساعه
اختي الصغيره بالضبط مثل بنتك وامي خلتها تنام العصر بس ساعه مو اكثر واحيانا ماتخليها تنام وخلاص ماتجي 10 بالكثير الا اهي نامت..
حتى بنت اختي نفس الشي ماتخليها اختي تنام وبس تجي 9 خلاص نوم..

اختي المثل يقول نام بكير اصحى بكير شوف الصحه كيف بتصير


بناتك يبدا نهارهم من الصبح 7 و نص همه قاعدين ومصحصحين

ما ينامون لل11 الظهر و ساعه العصر

طبعا يسهرون وينكدون على نفسهم و عليكم

ينامون الظهر ساعه الكبيره
الصغيره نيميها ساعتين
الظهر الساعه 1 -2
وليس العصر الساعه 4

و الساعه 8 نيمي الصغيره لانها حتنام اسرع تاخذ رضعتها و تنام
8 ونص الكبيره تنام احكي لها قصه و 10 دقائق و هيه نايمه

بس لا تنسين تمشيهم في الهواء الطلق لساعه كل يوم حتى يطلعو من جو البيت و يتنفسو هوا نقي
حتى لو كان الجو بارد

الله يصلحهم و تفرحين بيهم عرايس

ماأدري !! بس ماأشوف إنه طبيعي إن الطفل يواصل 16 ساعة بدون نوم !!

يعني تقول إنها تصحى 11 وماتنام إلا 3 !!!

تشوفونه طبيعي ؟!

والله عندي وعندك خير

تعالي شوفيني سهرانة معاها الساعة ستة ونص الصباح وماراح تنام الا لما ابوها يروح عالعمل يعني 8 او 9

وما اصحى الا العصر ما يمديني انظف البيت ولا اجهز الغذا ولا ارتب نفسي

والله كرهت حياتي اتمنى تعدل نظام نومها عالاقل تنام 12 الليل انا راضية اقلها اصحى الصباح يمديني ارتب اموري

جربت مرة واثنين وثلاثة حرمتها من القيلولة نامت الليل وصحيت المغرب :d

يعني وقت قومتها مايتغير المغرب يعني المغرب مهما قدمت وقت نومها أو أخرته

ونومها خفيييف من أقل حركة تصحى واذا صحيت ماتنام وتمسك نكد

الله يعيننا عليهم والله ماعندي حل ولا عارفة ايش اسوي

الله يحفظ لك بناتك يارب ويحميهم

لازم تعودينهم على النوم بدري لانهم لسا صغار حيتبرمجوا على هذا الشي

حاولي بكل الطرق

من اطفاء الاضاءة والهدوء وغيره


ربي يكون في عونك

والله يا حبيبتي جربت انها تصحى على الساعه 9 الصبح وتنام ساعه ونص الظهر يعني من ال2 الى ال3 او 3 ونص
بس وتبقى صاحيه لحد 3 بعد منتصف اليل يوم اللي تنام عشره بليل وهذه يمكن صارت مرتين من ولادتها لليوم يكون يوم فرح عدنا بس ما نكدر نتكلم بصوت عالي خاف تصحى وما عادت نامت للصبح ....