هذا ما جعلنى اشك فى زوجى ساعدونى
 

السلام عليكم ورحمة الله وبركاته

انا متزوجه من 3 سنين يوم من ايام رن جوال زوجي الساعه 2 ليلا استغربت وخذته ورديت وياليتني ما رديت لانها بنت قالت الوووو وسكرت انا ما صدقت جلست اصيح ورحت اقوم زوجي الي نايم اسئله هل هو يكلمها قام وقال لي ليش رديتي وعصب جلست اقوله ليه انا مقصره بحقك وخذنا النقاش وصل للصراخ وطلع قبل لايطلع حلفلي انه بريئ ما يكلم قلتله أنت خاين زعل من الكلمه قال لي وين الثقه بين الزوجين انعدمت بس لا تلوموني سمعتها بإذني انا جدا متوتره من الموقف واعصابي ونفسيتي تعبانه حتى تصرفاتي تغيرت ادق على جواله اشيك هو مشغول ولا لا اذا جاء للبيت اخذ جواله بس سار يقفله يقول عشان ترتاحين
انتوا شرايكم بس لو كملت معه حياتي بتكون شك في شك ونا احبه ما اتخيل حياتي من غيره انا متعلقه فيه بس هو الي جابها لنفسه
تحياتي


الاشراف / عفوا تم تعديل العنوان ليناسب مضمون المشكلة ويسهل الدر علية

تعوذي من ابليس ترى اللي سويتيه غلط.... يمكن تكون اللي اتصلت غلطانه ويمكن تكون تبي تسوي بينكم مشاكل وتهدم

حياتكم.... انتبهي من الشي هذا وتذكري ان علاقتكم اقوى من ان تهزها هذه التفاهات.........

بالتوفيق

يا اختي الله يهديك

..ان بعض الظن اثم ,,

وكل هالي سويتيه علشان اتصال ممكن يكون من وحده غلطانه؟؟؟؟؟؟؟؟؟؟؟؟

كبري عقلك وبلاش تهدمين حياتك بوساوس وظنون سيئه

وخلي ثقتك بنفسك وبزوجك كبيرة

والله يسعدك ويوفقك

اختك جرووح

الاخوان كفوا ووفو انا براي انها غلطانه وبعدين برايي انتي اعلم اذا كان يكلم ولا لا

عزيزتي الغالية ,أخطأتي عدة أخطاء :
1- ردك على جوال زوجك .
2- إيقاظ زوجك من النوم لأجل موضوع ممكن تأجيله .
3- الشك بالزوج رغم عدم ثبات التهمة .
4-مصارحة الزوج في الموضوع قبل التيقن منه , لأن في حال كان الزوج يكلم ماراح يعترف وفي حال كان مايكلم ماراح تصدقينه , لذا تأكدي أولا دون علمه , وبعد ذلك ممكن المصارحة وممكن عمل أمور أخرى قبل المصارحة .
5- إلقاء ألفاظ مثل خائن وغيرها مما يكون له أثره على نفسية الزوج ولو بعد حين.
وفي الختام مثل هذه الأمور لاتنحل إلا بحنكة ودراية ولاتتأتى بالنقاش والمواجهة المباشرة بعد الشك , بحيث لاتهدم كيان الأسرة وأيضا يتعدل الحال . وفقك الله ورعاك .

ليه ردها خطأ معليه اذا رديتي بدون ماتنطقين بولا كلمه واسمعي الصوت وكان أخذت الرقم وخليتيه عندكواذا جت الفاتورة راح تعرفين اذا يكلمها والا لا
أما تقفيله للجوال هذا يشكك زيادة قولي لاتقفل الجوال وشوفي والله يعين

ردها خطأ لأنها بكذا فتحت على نفسها باب هي بغنى عنه , وهي حتى نفسها تقول ليتني مارديت , بعدين الزوج لما يكون يكلم بنات يكون ملاحظ عليه عناية بجواله , وزوجها شكله كان رامي الجوال وهذا يكفي برأيي دليلا لبرائته, وسالفة التقفيل مايبي مشاكل ووجع راس , والله تعالى أعلم ..

مشكووووووووورين على ردودركم بس ابي اقول ان تصرفاته تشككني اكثرر


تحياتي