|
كيف تقدرى تسيطرى على نفسك
السلام عليكم ورحمه الله وبركاته
الى اخوانى واخواتى منتى عالم الحياه الزوجيه الى كل انثى ورجل نورو موضوعى بطلتهم ابغى تجاربكم ونصايحكم لى ولكل الاناث الى بحاجه الى نصيحه ابغى اعرف انتو بتقدرو تسيطرو على نفسكم فى مشاعركم فى تصرفاتكم فى كلامكم ولا كيف عايشين يعنى مواضيع كثيره نقراها تقولك لازم تكون انثى ناعمه هادئه ...............الخ ومن ضمن الكلام هذا ان صوتك مايكون عااالى وحتى لو تبغى تصرخى على اطفالك لاتصرخى قدامه يالهووووووووووووى انا مااقدر اذا عصبت مااعرف مين الى قدامى اذا كانت برى البيت مره انحرج واعصب واتنرفز وخلاص يتعكر المزاج لان ماشاء الله ولدى حركته زاااايده لاكن نفسى اكون الانثى الى دائما بتنوصف لاكن مستحيل اعرف انى كتبت الموضوع بهدف التغير لى ولكل الى مثلى المشكله انه ممكن اتأثر بإحدى المواضيع واتغير لاكن سرعا ماتعود حليمه الى عادتها القديمه اذا البزوره طفشونى اصرخ ووووو اذا كنت اتناقش مع زوجى كنت زماااااااااااااااااان الانثى الرائعه فعلا دحين بجد ياعالم منى قادره اسيطر على اعصابى وصرت ارفع صوتى واتكلم بقووووه والمصيبه انه لمن زوجى يتكلم ويتحمس يترفع صوته وانا اقوله لو سمحت ارخى صوتك انا جمبك اسمعك وفجأه انا الى يترفع صوتى واتكلم بقوه لالالالالا والبلا احرك يدين واطالع فيه يعنى انى قويه وانا من جواااتى ريشه هفت ريح تطيرنى المهم الخلاصه انى نفسى اسيطر على كلامى وتصرفاتى لانه خلاص يعنى نضجنا وعقلنا وانتهت فتره المراهقه انا عمرى 25 سنه يعنى ناضجه ومنى بزر وكل الناس عندها ضغوط مو بس انا لاكن كيف اسيطر على نفسى فى كلامى وتصرفاتى بجد بجد بجد نفسى اكون دوبلوماسيه لاكن مااقدر طج طج طج الكلام فى الوجهه ولو مااتكلمت وهذا غالبا وجهى يفضحنى والشى التانى كيف بتتصرفو مع اولادكم اذا غلطو قدام ابوهم والمصيبه اذا غلط على ابوه لان ولدى صغير ومايحاسب زى البغبغان بس يقول كلام ويدردبه وهو مهو فاهم يلا ترانى كثرت كلام واتمنى القى عندكم افكار ونصائح وحلول لى ولكل من تشتكى من نفس الموضوع شاكره لكم طوله بالكم ملاحظه : يعنى انا لو وحده تجى تقولى هذا الكلام ممكن اساعدها واحل لها مشكلتها لاكن المصيبه لمن تكون مشكلتى ومنى عارفه ايش اعمل لكم فائق احترامى |
يا أختي زمان الزوج كان بيبقي متجوز اكتر من واحدة و ممكن الزوجة تشوف جوزها يوم و لا يومين في الأسبوع
طبعا كانت بتظهر بأجمل صورة هيا عايزاها لكن دلوقتي بقي بقت الحياة بتاعت كل يوم يعني الواحد حيقعد يمثل 24 ساعة حيشوفها بنأدمة عادية و هو كدة برضة صعب جدا جدا موضوع الأنوثة ده مع واحد عايشة معاه يوميا حتبقي بقي العشرة و الصحبة |
هلا و الله اختي و شيفنا المبدعة ام أنس
هذه الخطوات المختصرة للسيطرة على أعصابك : 1. ان تنتبهي الى مشاعرك حينما تعصبي او تنفعلي .. مجرد انتباهك سوف يساعدك للتعديل من الأمور التي لا تحبيها في نفسك .. 2. محاولة رصد المواقف التي تثير أعصابك لتكوني على وعي كامل بها قبل حدوثها 3. محاولة تخيل هذه المواقف في جلسة هادئة حيث تكوني لوحدك .. فتحاولي ان تتخيلي الموقف ,, و بينك و بين نفسك تحاولي ان تجدي وسيلة لتهدئة أعصابك .. ( اما عن طريق ترك المكان, تغيير وضعك من الجلوس الى القيام او العكس,, او ترك المكان دقائق حتى تهدئي, او السكوت حتى تهدئي) 4.محاولة تطبيق هذه التمارين في الواقع فحينما تتعرضي لمثل هذه المواقف , يمكنك تطبيق ما تعلمتيه في اوقات الهدوء حفظك الله و وفقكم |
والله موضوعك حلو
انت عارفة ايش تبغي وبدأت تفكري كيف توصلي هذي أول خطوتين خطيتهم عقبال ماتوصلي واحنا معاك لخط النهاية وان شاء الله سنصبح اناثا يوم ما |
يا ألف أهلاً و سهلاً فيك أختي أم أنس
أنا عن نفسي أكتر حاجه ممكن أسيطر فيها على أعصابي إني أبتعد عن المكان بأسرع وقت ممكن و طبعاً تروحي مكان مش يكون فيه زوجك ، بدل ما تطلعي غلبك فيه استعيني بالوضوء كما وصانا رسولنا الكريم و الأهم إنك تستعيني بالدعااااااااء ،، إدعي لنفسك و ربنا يكرمك بكل كريم يارب |
تسلمولى قمارى على مروكرم وردودكم وتجاوبكم
والله شكرا لكل كلمه كتبتوها برغم انه فى رد موتنى ضحك لاكن كيف يعنى اترك المكان زوجى يكون بيكلمنى واتنرفزت من ولدى اقوم اطلع واتركه لالالالا لازم حل ثانى ماراح اقدر اصبر اكثر من ثوااانى نورتو |
اول شئ عودي نفسك على الصمت وانك تكوني مستمعه الين تعدي موجة الخناق
وبعد مايهدأ الوضع تكوني انتي كمان هديتي وفكرتي بعقل اكثرر وشفتي جوانب ثانيه للموضوع وتكوني فكرتي في كلام زوجك اكثر واستوعبتي الفكره وممكن انها تناسبك وممكن لا بعدها تحددي افكارك وترتبي كلامك وترجعي تناقشيه بهدوء وثقه وبعصبيه اقل وتكوني اخترتي الوقت المناسب للكلام في الموضوع مع زوجك وراح يسمعك بأذن الله مادام انه رايق لك وانتي هاديه مو مثل اول ومرتبه افكارك ومتمكنه من نفسك وكلك ثقه بأنك راح تقنعيه بكلامك بس ايياك والانسحاب من امام زوجك وهو يخااصم لانه بيزعل منك اكثر اسمعيه وبيني له انك معاه وخليه الين يهدأ بعد كذا عشيه او اعملي له عصير او قهوه او شاي وبعد كم يوم لو اسبووع لاتنسي موضوعك ارجعي وكلميه وراح تاخدي منه اللي تبغي منه وفووقه حبة راس وربنا معاك ثاني شئ لاتخاصمي اولادك قدام زوجك ابداا ولا يعلى صوتك عنده خلي ايدينك وعقلك هيه اللي تتصرف بانك تاخذي اولادك لغرفه ثانيه وتلاعبيه وتلهييه عن الازعاج اللي مسويه ودايم تعاملي معاهم بيدك قبل صووتك وراح تتعودي والخطا اللي عمله الطفل هوه في عمر ولدك مو حاسس انه خطا بس تقدري تقولي له لا تكرر هالشئ لانه بابا راح يزعل منك والا ماراح اخرجك معايا لو سويت كذا ثاني اوغيره دايما احرصي على الهدوء بوجود زوجك لانه بيجي للبيت من العمل ومن السووق وانتي تعرفي كيف الحياه برا ارزعاج وصخب فضييع خليه يرجع للبيت ويلاقيه قمه في الهدوء والترتيب والطلبات المجابه بتلاقيه على طول يفكر يرجع لك وفي كل موقف مزعج راح تجي على باله انتي ويجييك وطبعا لاتنسي اللمسات الناعمه من عصير ليمون اوقطعة حلا مع قهوه وانتي ماشاءالله عليك مميزه في هالشئ ربنا يسعدك اختي انا بحكي لك من واقع تجربه وانا بنفس وضعك زوجه ثانيه وهذا الكلام مو مجرد تعبير مني بس انا هذا وضعي والحمدلله محصله نتائج جدا مرضيه لي وبشهادة زوجي الله يحفظه يارب موفقه اختي والله يحقق لك اللي تتمني ويحفظ لك انس واخته يااارب تحياتي لك |
على امل القاء كلامك ريحنى
ليش لانى حسيت انك فهمتينى بس عارفه انا مااهرب لمن زوجى يخاصم لانه اعرف ان هذى الحركه مستفزه وانا كنت مثل مانصحتينى والله كنت مرا سنعه على مايقولو لاكن للأسف ضغوط الحياه وزايده المسؤليه غيرتنى ماصارت عندى اعصاب تتحمل انا زوجى محلفنى ماتطلع مشكلتنا هذى برا ولاكن كان سطرت موضوع فيها وبدلتها باطلب الدعاء الى فى توقيعى انا قريت كثير عن الحياه الزوجيه يعنى اعرف الحمد لله وبما انى كنت متزوجه قبل زوجى يعنى عندى خبره لاكن بجد الاولاد واخواتى ومشاكلى الخارجيه وكملت الناقص الست الهانم فلانه الله يهديها هى الى مخلى الجو كله توتر انا عارفه انى غلطانه لمن بتكلم بالاسلوب هذا مع زوجى لاكن منى عارفه اسيطر على اعصابى انا متوكلى على ربى وادرى ان فرجه قريب واتمنى من ربى ان يرزقنى الرضا وحسن العشره مع زوجى الى مهو عارف من فين يلاقيها مسكين زوجى محزنى وفى نفس الوقت انا حزنانه على نفسى وحسبى الله ونعم الوكيل فى الى كان السبب دعواتكم ونصائحكم شكرا لك اختى على نصائحه وتفهمك جزاك الله خير |
انصحك بالوضوء لحظه الغضب وتعلمي انك ماترفعين صوتك أبد مشكلتك تحتاج وقت وشوي شوي بتتعلمين بإذن الله ..
|
اختي ام انس , موضوع السيطرة أبدع فيه جميع الأخوة والأخوات اللي مروا على موضوعك وخاصة الاخ على امل اللقا
ولا يهونون البقية , لكن بقلك نقطتين مهمة جدا وحطيها دائما قدام عينك اذا واجهتي اي مشكلة : الاولى _ القناعة كنز لايفنى ( يعني اذا اقتنعتي بالكلام اللي بتوجهينه لزوجك راح تكون هناك نتائج ايجابية ولاتنسى الثقة في كلامك بدون تعالي على زوجك . الثانية _ لا تضعي حلول (( معقدة )) لماشكل بسيطة . واخيرا أحب أن أُذكر بلسان الحكمة : أفضل طريقة تستطيع أن تكتشف بها حقيقة الإنسان , أن تسأليه عن رأيه في إنسان آخر ! وتفائلي بالله العلي الكبير |
| الساعة الآن 07:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©