|
الحلقه المليون!! خطبت منهم والى الأن ماردوا علي!!؟
السلام عليكم ورحمه الله
صباح الفل والياسمين والزمرد<<<وش جاب الزمرد هنا:confused: هذه انا اعتبرها الحلقه المليون كل مره انزل فيها موضوع من البدايه الى النهايه من اول بدايه التفكير بالزواج الى ان وصلت للحظه الحاسمه لكن للأسف ماصارت حاسمه ): هذي تعتبر اول خطبه اتقدم فيها لبنت ذكروها لي اهلي بعد مشاورات ومناقشات ولكن الحمدلله الأمور على مايرام مع ان المسأله الى الان ماصار فيها لارؤيه شرعيه ولا غيره مجرد كلام نواعم^_^ يعني انا انتظر منهم كلمه او موافقه مبدئيه ملييييت... ولد عمي له صله قرابه فيهم وكلتمه وقلت له انا بتقدم للبنت وقال ابشر انا اكلمهم ولايصير خاطرك الا طيب !! تكلم مع ابوها تلفون بحكم انهم ماهم بنفس المدينه,,, ونقل لي ولد عمي بالحرف الواحد وقال انه يعرفني وان يشهد لي بالخير وابو البنت مايجامل لانه يعرفني حقيقه ,,,المهم قال اني بشاورها وبشاور اخوانها !! مر اسبوعين وكلمت ولد عمي قلت هاه بشر وش صار؟؟!! قال اني كلمته وقال لايستعجل الولد ولو كان الزواج بالعطله الصيفيه احسن لايستعجل!! ومر اسبوعين برضوا وكلمت ولد عمي وقلت وش صار قال ماتدري يمكن يستخيرون او يسألون ؟ قلت انا ماصارت تراني بدور بنت ثانيه قالي لااااا انتبه ليما نشوف وش ردهم اول !! المسأله طالت شهر وزياده وانا ابي كلمه بس مو مهم الزواج بالصيفيه او غيرها اهم شي يحسمون الأمر يا نعم يا لا!! ياجماعه شهر وزياده هل هو تغلي او مشاوره او ايش قسم بالله قهر حتى كلمه ماردوا علي على الأقل انا ابغى ابحث من جديد على بنت ثانيه ومازالت متردد اخاف القى بنت ويردون اهل البنت الأولى بموافقه او غيره !! انا محتار ياجماعه وش الحل ؟؟ الله يعين تحياتي برب |
يا أخي ؟؟؟؟؟
ليه ما تكلم إنت بنفسك أبو البنت ؟؟؟؟؟؟ غالبا الزواجات الي تكون فيها وساطات يعني إنت تكلم شخص و هو يكلم أهل البنت أو العكس فغالباً تؤدي للمشاكل لا سمح الله نصيحتي لك إنك تكلم أبو البنت بنفسك |
روح الطير شكرا
انا طلبت من ولد عمي اني اكلم ابوها لكن هو قال لا!! اصبر لايقول الولد مشفوح او مطفووووووق مع انه قال لايستعجل!! انا ياروح الطير ماني مستعجل بالزواج انا مستعجل بالرد بس والله يكون بالعون يارب |
خلي ابوك يسئل ابو العروس وانت تبي تعرف ردهم بس مانك مستعجل
اكره الانتظار |
السلام عليكم
أعتقد ان الحل عندك لان المفروض انك تسأل أبوها وكلام ولد عمك ان ممكن يعتقدون انك مطفوق مو صحيح لان هذا خطبة يعني فيها سؤال وجواب .... انت طلبت وهم يجاوبون عليك مو معقولة تنتظر أكثر من شهر الله يوفقك ......... |
ينقل للمقبلين على الزواج حيث مكانه الأنسب ..
|
اخي يكون الناس منتظرينك وانت قاعد هنا
اتصل انت على أبوها وشف ويش ردة يمكن منحرجين يردو ومنتظرين خطوة منك بالتوفيق إن شاء الله |
الناس عادتهم يردون خلال اسبوعين ,,, بس ظروف ربعك مدري عنها ..
عموما تقدر تنهي المسأله عن طريق الحريم .. ترى هالايام الامر بيدهم .. خل امك او احد خواتك تتصل فيهم .. انا متأكد انهم هالحين يطبخونك على نار هاديه . الله يوفقك |
|
عادي اخوي انا مثلك خطبت بنت خالتى جلست شهرين الين ابوها وافق على
والله من كثر ما طولو على قلت للوالدة خلاص دوري لوحدة ثانية مليت نبارك لك مقدمآ يا العالي موافقين عليك بس يتغلون عليك شوي اكيد من حقهم هههههههههههههه تحيتي لك |
| الساعة الآن 01:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©