منتجات الدنمارك
 

السلام عليكم

انا مش عارفة المكان هنا مناسب للموضع بتاعى ده ولا لأ

بس انا بقول ان اللى بيشترى المنتجات الدنماركية هى احنا ستات البيوت حتى و اذا بتتباع فى السوبر ماركت فاحنا برضو اللى بنشتريها و اذا تكاتفنا و مشترنهاش اصحاب السوبر ماركت مش حيجبوها عشان حتكون خسارة ليهم

يا بنات رسولنا بيتهان و اعوذ بالله و احنا بنشترى الزبدة و الجبنة بتاعة اللى بيهينو اغلى الناس و سيد الخلق اجمعين

يا بنات انا ابتديت المقاطعة للمنتجات الدنماركية و ان شاء الله مش حجبها تانى ابدا ابدا لانهم لما رجعنا و غفرنالهم اللى عملوه قبل كدة نشرو الصور المسيئة تانى و فى نفس الصحيفة و بعدين الحمد لله منجاتنا البديلة ممتازة و ممكن تكون احسن من المنتجات الدنماركية كمان


ربنا يهدينا جميعا استحلفكم بالله و بغلاوة رسولنا فى قولبكم انكم تعزوه تعزوه تعزوه

و دى بعض المنجات الدنماركية:

كى دى دى ، لورباك ، هارمونى ، دانو ، سدافكو ، بوك ، ايكو


و اسفة على الاطالة و على اذا كان مكان الموضوع مش مناسب هنا بس ارجوكم تتركوه عشان اللى بيفتحو الصفحة هنا هم برضو اللى بيشترو المنجات الدنماركية

فداك ابى و امى يا رسول الله

جزاك الله خير اختى العزيزه..لكن عندى ملاحظه وهى ان شركه كى دى دى هى شركه عربيه واسلاميه فارجو التاكد قبل اعلان المقاطعه

للعلم انا من زمااااان مابستعمل الا المنتجات العربيه واحرص اني اقرا على العلب انها انتاج دولة عربية

اختى ناارا فعلا انا قريت على العلبة انها من انتاج الكويت لكن انا جالى ميل فيه كى دى دى انها من انتاج الدنمارك و لما دخلت على النت عشان اتأكد وجدت ان المصنع فى الكويت واخد المنتجات من الشركة الرئيسية فى الدنمارك عشان كدة اسمها K من الكويت D من الدنمارك D من دايرى اى منجات الالبان

فانا بجد مش عارفة اعمل ايه مع الشركة دى لانها برأس مال كويتى و اللى بيشتغلو فيها اكيد مش من الدنمارك بس هل الدنمارك بتاخد نسبة من الارباح انا بجد مش عارفة بس اللى انا بقوله لنفسى ان مش لازم يعنى اشترى كى دى دى ما فى منتجات تانية برضو

بصو يا جماعة بجد مش عارفة دا حلال ولا حرام موضوع مقاطعة كى دى دى على اساس ان فيها بس اللى انا متأكدة منه جدا جدا جدا انه لا يمكن يكون حلال اللى بيحصل مع اشرف الخلق ده ابدا

ارجو تقبل تحياتى

سها و كريستال ربنا يكرمكم و يعز دينا بيكم ان شاء الله

و شكرا على انضمامكم لينا فى المقاطعة لنصرة رسولنا و حبيبنا سيدنا محمد صلى الله عليه وسلم

السلام عليكم ورحمة الله وبركاته

كي دي دي شركة كويتية 100%

كان لها شركاء دانماركيين عند تأسيسها ولكنهم إنفصلوا عنهم في 1982 اي منذ حوالي 25 سنة ولكنهم ابقوا الإسم حيث انه من الصعب تبديل الإسم بع ان حقق إنتشاراً. ليس للدانماركيين اي نصيب من أرباح الشركة. زوجي يعمل في هذه الشركة واؤكد لكم ذلك.

حاولت ان اضيف بيان الشركة ولكنني لم اعلم كيف أحمّله.

بالتوفيق ان شاء الله.

تحيتي.

جزاك الله خيرا ونسأل الله ان ينتقم من كل ظالم تجرأ بسوء على الحبيب صلى الله عليه واله وسلم او اصحابه او امهات المؤمنين

جزاك الله خيراً و إن شاء الله معاكي في المقاطعه

اختى مرجانة نشكرك جدا على التصحيح و ان شاء الله ربنا يعينا جميعا على مقاطعة هذه المنتجات بأذن الله عزة و نصرة لديننا و رسولنا بأذن الله

جزاكي الله خير

وبارك الله فيك

تحيتي لك