|
إلـى (كـل) أب لديـه إبـن (مـراهـق) فقــط !!
بعـد الـسلام
أتمنـى مـن أي أب لـديه إبن مـراهق يخبـرني وبصـدق عـن الأسـئله التاليه : س- مـاذا تـريـد مـن إبنـك بالظبـط ؟ س- هـل تضـع كـامل ثقتـك فيـه ؟ أو حتـى نصفهـا ؟ س- هـل كـذبت علـى إبنـك عنـدما طلـب مـنك شي ؟ طيـب نـدخل في صلـب الموضوع ! ج س- أبـوي مـا أدري وش يبـي منـي !!! ج س- أبـوي لايثـق فينـي (فيه موقف في الأسفـل) ج س- ياما وياما كـذب علـي !(فيه موقف) ----- المـوقف (الكـذب علي). أبوي قالي : اقتباس:
طلـبت من طلـب وقـالي إنـتبه لـدروسـك وقـاعد يخربـط من هالكـلام ويصـرفنـي ! * كيـف أنتبـه لدروسي وأنا نسبتـي أحسن واحـد بالعائلـه ! وأحسن مـن إختـي اللي بثاني متوسط ! ونسبه ولا أحد يحلمها (علمي المعدل تراكمي)! وين كلامك لـي إنك ماراح تبـخل علينـا بـشي ؟! وأنـت ألحيـن تصـرف !!! --- المـوقف (عـدم الثقـه) قلـت له كيف أنتبـه لدروسي وانا نسبتـي عالِ العـال ؟! قالي (شوفو عـدم الثقه):! وش دارنـي عـنك يمكنـك تبـرشم !! ألحيـن أبـوي ويقولي كذا أجـل وش بقى للنــاس ! ---- مــا أدري أبـوي وش يبـي منـي بالظبـط ! يمكـن أحد يقول سن المراهقه صغير(17 سنه) وخايف عليك وهالسن أخطـر شي حــاب أقولـه : أوكـي سن مراهقـه خطـر علـى (غيري) مو علـي أنـا ! أقولكـم ليـش أنـا الحمدلله (واثـق من نفسي لأبعـد حد) محـافظ كل الصلاوات جماعه في المسجد إلا الفجـر لأنـي أكون نـايم إذا أعاننـي ربي قمت ولا نمـت ! ما أقـولكـم (ملتزم) أو (متشدد) لأ بس أحسن من غيري بمية مـره صحيح تجيني خمّـات (أفعل العاده السريه) "الله يفكنـي منهـا" بس طبيعـي لأننـا في زمـن مختلـف ! وأنا أحسـن من غيري إن شاهـدت أو فعلـت العاده السريه مو بإستمرار ! والحمدلله متميز بـدروسي وأخـلاقي مع النـاس جميع المعلمين أحـرجوا أبـوي وبـصلاتـي ودعـائي الـ(شبه يومـي) * في مدرستنـا عنـدنا مـدرس الوطنيه هـو " دكتور في علم النفس" تصدقون والله إنـي رسمت له رسمه عااديـه وشرشحنـي تشريـح ! قالي إنت ما تاكل فاكهه والأهم 1- ضايع في الدنيـا ماتدري وش تبـي 2- أنت تعيش حاله من الخوف والقلق 3- علاقتـك متوتره مع أبــوك وكل هذا والله صحيـح مـدري وش أقـول بـصـراحه بـس الله يكـون بعـوني والـسلام |
اول شي اقول الله يكملك بعقلك
انا ماعندي عيال في سن المراهقه لكن انا كنت يوم من الايام مراهقه وكنت احس كل شي كل الناس ضدي علاقتي متوتره مع امي ويمكن تشبه اسبابك نوعاما لكن الان انا عمري 23 وكل شي تغير وعلاقتي مع والدتي تغيرت الي ابي اوصله ... ان الي بينك وبين ابوك هي بسبب فرق العمر ولان الوالد يشوفك صغير مع ان من كلامك عقلك كبير لكن انت هونها وهي تهون ترا فيه ناس عندهم مشاااكل ماتنوصف فادعي ربك ان الي تقووله هو اكبر واخر المصايب وربي يوفقك يارب وتكون دووم متفوق وواثق وانتبه لنفسك ولوالدك |
أنـا مـابي كـذا !!
ع العمــوم يعطيكـ العـافيـه أختـي .. ---- بإنتـظار البقيــه :) |
أولا اتمنى الاخوه ترد عليك
لان انا محتاجه مثلك لسماع الاسئله ثانيا أخى بارك الله فيك وبارك عليك اتمنالك التوفيق |
جزاك الله خير يالمصريه ,,
بإنتظار الاخوان |
أنا عندي ولد مراهق بالمتوسط فعلا المراهقين يبيلهم تعامل غير أهمها زرع الثقه في نفوسهم والصراحة معهم أنا أقرب لولدي من أبوه مع أن المفروض العكس بس أبوه دايم مشغول مو لم أحد عشان كذا قويت علاقتي مع ولدي ودايم يقول اللي بخاطره لي وأنا أسمعه صح مرات يسندر راسي بس لازم أعرف اللي بخاطره الشي الثاني أنا من النوع اللي أمدح ولدي دايم وماأحاول أحرجه قدام أحد حتى لو أخطاء نتحاسب بيننا الشي الثاني دايم اشاور ولدي وحسسه أن رايه مهم وبعد دايم أعتمد عليه مع أن في البيت سايق الا أني أقوله أنت رجال البيت بعد ماأحرمه من الوناسه وماأفرض عليه شي ودايم أحاول أخليه يحكم عقله والله يعين ويهدي جميع عيالنا للخير بعد فيه نقطه ماذكرتها هي التجسس أخطر شي لما يحس المراهق أنك تتجسس عليه بالعكس لو شفت شي أو سمعت لازوم نتكلم بصراحة معهم
|
اخوي في ريعان الشباب
بداية اقول الله يحفظك ويوفقك ... ويجعل اهلك يفتخرون فيك ويفرحون قريب وحق لهم ذلكـ اخوي ... شف الآباء ترى عليهم طلعات ... ودااائما يكونون مبالغين ومتطرفين بالحرص فانت بدورك" سلك " .. وقول ان شاء الله ... وهذا انسب تصرف فيما يبدو لي ... يعني خلك حكيم شوي وقدر حرص ابوك عليك لان عاطفة الابووووة غير اخوي بنصحك نصيحة وحدة انت ما شاء الله عليك واضح انك محترررم واخلاق وذكي ومتفوق ما شاء الله ... بس ينقصك انك ما تصلي الفجر احيانا بالمسجد بالبداية شي طيب انك تحافظ على لاصلوات وووو ... واخوي ترررى لاااااااازم تصلي الفجر بوقتها ... اخوي افرض انك بتحج بشهر صفر .. يصير ؟؟؟؟ طيب نفس الشي اذا صليت الفججر بغير وقتها انا اشوف طالما انك كامل ما شاء الله .. ما بقا الا انك تحاول تحرص على الفجرررر بوقتهااااااااا بالمسجد وترى سهلة ... انا والله كنت احسيها صعبة ... قبل 7 سنوات .. يوم كان عمري حول 15 بس الحين ... والله سهلللللللللللة مررررررررررررررررررة ... ما في اسهل منهاااااااا خلاص تعودنا فانت حاول انك تصليها بالمسجد ... حط منبه اي شي .... في اكثر من حل ... بالبداية بتكون صعبة .. بعدين بتسهل وبالنسبة للوالد ... عيش حياتكـ .. وعطه جوه .. واحرص على البر طبعن .. والله يوفقكـ :) |
الله يبارك فيك ويحفظك ويخليك لااهلك الله يزيدك صلاحا ونجاحا وصدقني انت في سن حساس يعني كلمة ابو ك تبرشم قيلت لااصغر منك تقبلها على انها مزحه ومن ناحية الطلبات ابوك عنده وجهة نظر وهي صحيحه ان الشاب ليست كل طلباته مجابه لكي لاينجرف وراء كلشئ وبالتالي يضيع مستقبله فلابد من الحزم معاك في هذا السن ااالله يحفظه لكم ويخليه باب من ابواب الجنه الله يجعلك من البارين يارب |
هلا فيك اخوي في ريعان الشباب
تصدق ذكرتني بااخووي لمن كان بهالعمر ..ومهما قلت صدقني ماراح نوفي حق الوالدين صحيح عليهم طلعات مثل مااقلت الي قبلي لكن في اشياء يصلحونها لنا ماننكر حقهم علينا.. واغلب الاستفزازات الي تطلع منهم وبالكلام واحنا نغفر هالشي لهم لنا ثقافتهم وعلمهم غير عنا وهم عاشو ب زمن غير عن زمنا بكثير ..وبالذات بهالعمر الي بعمرك احنا حساسين بزياده واي كلمه نسمعها نحسب لها الف حساااب ...وانا عشت وشفت ف بيتنا هالشي مع ان الحمدالله مو قاصر شي لكن تمر على الواحد فتره ونفسية سيئه يكره حتى يشوف احد قدامه انا شفت اخووي ومع اني كنت دائم معاه واقفه واغطي عن تصرفاته الي تستفز ابووي واجلس اصلح من هنا ومن هنا يعني من طرف الوالد ومن طرف اخووي عشان ابوي مايزعل ومو بزين غضب الوالدين وعشان اخووي مايطفش ويخرج من البيت ويحصل اصدقاء سوء لكن خذها نصيحه من اخت لأأخوها انت حاول بقدر ماتستطيع تتحمل وتصبر وصدقني الصبر على الوالدين ورضاهم شي عظيم وانت بتلاحظ هالشي بعيوونك وبنفسك سبحان الله تتسهل اشياء بحياتك ماتتخيل شلوون وبكل سهوله ,, وخذ لك أقرب مثال عندك الوالده الحمدالله مو مقصره معاه اللهم لك الحمدالله والله حتى اتعب معاه تعب مو طبيعي مو مدح بنفسي بس بغيت اوصلك هالموقف لان الاباء احس مانتعب معاهم بالعكس ماشاءالله اغلبهم متعافين مو مثل الامهات وتعب تنظيف البيت والتربيه المهم في لحظه غضب تقوولي كلمه لمن اكون اقراء مجله او اخذ شي من اشياءها بستعملها ورجعهااا تتطلع بطلعات وكلمات والله تجرح بس خلاص اتعودت عليها لان مو من قلبها ومتااكدها من هالشي وحاطه بين عيوني ابتغاءرضاها وحتى حاطه رقم جوالها طالبه رضاها وابووك هو اذا ان شاءالله اتوظفت وبعدها الله رزقك بزوجه صالحه هو الي راح يووقف معاااك وانت حط ف بالك اهم شي رضاه حتى بحياتك راح تتوفق باذن الواحد الاحد وان شاءالله قدرت اساعدك بشيء واذا اتذكرت شي برجع لك تحيتي |
يعطيكم العافيه .. وجزاكم الله خير .. وجعله الله في موازين حسناتكـم ..
|
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©