خـواتي أنـا في حــيره ][ ساعدوني فليرحمكم الله !!
 

السلام عليكم ورحمه الله وبركاته

كيف حالكم جميعا اخواني واخواتي اعضاء هذا الصرح الشامـخ
، في حقيقه الامر ترددت كثيرا في طرح مشكلتي هنا ولكن لكثره
قرائتي لمواضيعكم الشيقه والمفيده ولكثره متابعتي لطريقه ردودكم
وايجادكم حلول للاعضااء .. قررت بعد مشيئه الله ان اكتب اليكم مشكلتي ...


في حقيقه الأمر انا امراه متزوجه من فتره مايقارب 10 اشهر تقريبا ، عمر زوجي يقارب عمري .. اشعر بالراحه والحب معه وهو كذلك ولكنه يمتلك عيباً كثيرا مايزعجني ويجعلني احس بالنقص !

زوجي من النوع الذي ادا حدثت بيني وبينه مشكله يستحيل ان يتقدم ويعتذر لي
حتى ولو كان على علم بانه هو الغلطان .. وللعلم باني في كل مره اقوم بالاعتذار منه حتى ولو كان هو الغلطاان ..

تعبت من الفسحه بتكلم عاامي خخخ


يعني بالعربي رجلي عصبي جداااا وساعات احسه على اتفه الاسبااب يعصب عللي .. وادا تزاعلنا مع بعض اني الا مصيري اني اعتذر منه حتى لو هو الا غلطان ..


ملاحظه : اني وياه متزاعلين من اسبوع تقريبا وهو الا غلطان عللي ومعصب عللي على اشيااء تافهه والله الشااهد ..

وبصراحه اني ماقدر كل مره اروح استسمح منه لاني احس اني اذل روحي ماادري شلون احس ان ماعندي شخصيه !!


وادا تصالحنه اجلس معاه واكلمه واقوله ليش ادا غلطت ماتعتذر يرد عللي ويقول للي مستحيل احلمي اني اعتذر .. ليش يعني اني مو انساانه .. فهموني ياااناس !!

معنه هو طيب وحنون وياايي مااشااء الله بس وقت الا يعصب خلاص مايقبل مني اي كلمه ..
ولو على وده يرمي عللي الا في ايده


ابي مشووورتكم الله يخليكم ، هل اني اروح استسمح منه واكلمه او انتظر شووي واخليه يمكن يحس ويجي يتعذر مني




والله تعبت ماا آآكل ولا أناام وكله متضاايقه ومهوومه


ماادري شسوي محتاااره ..


كاني وضعت مشكلتي بين ايديكم ..

واتمنى اني القى الحل عندكم ببركه محمد وآل محمد ..


اختكم في الله

كان الله في عونك يا اختي

بس دامه زعلان من ابوع وما فكر يراضيك للحين اجل احلمي زي ما يقولك انه يعتذر لك
انا عندي فكرة وان شا الله تنفعك
اشتري هديه تكون لك طبعا شي انتي تحبيه وغلفيها وحطيها في مكان يكون واضح قدامه وعليها كرت اكتبي فيه يازوجي العزيز مشكور علي هديه الصلح اللي انت شريتها لي والله انك طيب وعندك ذوق وتدري اشلون تصالحني او اكتبي عبارة اعتذار حلوة
هو طبعا بيفكر ان الهديه عشانه بس لما يقرا الكرت حيفهم المطلوب وان شاء الله اكون افدتك وربي يصلح لك الحال

لكل رجل مدخل تقدر الواحده منا تدخل منه عليه

فمثلا بدل تكلمينه اذا ارسلي لي مسج عتاب واكتبية انت ومن اسلوبك

واذا زعلك تغاضي عن اشياء واذا سألك قولي انك ماعطاك قلبك تزعلين علية

صدقيني الرجل احنا اللي نعوده على كل شئ

الله يوفقك

مشكورة وخيتي على الرد والنصح الحلو ، بس ماعتقد يفيد وياه جدي
رجلي واني اعرفه عــدل .. اني بحاول اسوي زي ماقلتي بس .. بعد ابي طريقه اقوى
اخليه غصب يجي يعتذر ..

ورجلي الله يهديه مدخله اني اخد عمري
واقوله اسفه وماراح اعودها .. وهو طبعا الا غلطان ..

:(

والله اني صبوره بمافيه الكفاااااااااااايه
شسووي لكن

انا مع الاخوان روحي واستسمحي من زوجك وابو اطفالك مستقبلآ ان شاء الله

مالك غنى عنه مهما كانت الاساب

سواء الغلط منك اومنه كلها سوا في رضاء الزوج عن الزوجه من جميع النواحي

وسف تكبرين بعينه اذا استسمحتى من زوجك وفهمتيه انا الواحد اذا غلط او ماغلط يتعود على المسامحه

وطيبه القلب وخلك حنونه القلب على زوجك وابعدي الشيطان عنكم

واخيرآ اقول الله يهدي الجميع لما يحب ويرضى بأذن الله

تحيتي لكي

أختي هذا زوجك جنتك ونارك وليس في إعتذارك له إذلال لنفسك بل بالعكس هذا أكبر دليل على طيب معدنك ..

صحيح أنه المفروض إذا أخطأ الزوج أن يعتذر ولو كان بطريق غير مباشر ..

ولكن مع هذه النوعية يجب أن تكون المرأة ذكية وتعرف كيف تأتي لزوجها ..

مع العلم أختي أنه من الطبيعي في بداية الزوج أن يكون الرجل حساس يزعل من أي شيء ..

فبعضهم يريد فرض رأيه ..

أختي الكريمة أحرصي على عدم مضايقته او إختلاق المشاكل ..

إبتعدي عن أي شيء يؤدي إلى غضبه أو زعله ..

بالأخير أسأل الله أن يكتب لكِ الأجر على صبرك ( إنما يوفى الصابرون أجرهم بغير حساب ) ..

ما شاء الله أخي ( أبوفلان ) الله يخليك

انا مع الاخ ( أبوفلان )

أختي a & s كان الله في عونك و الله يوفقك

لمن زوجك يعصب انتي يرتفع صوتك وقت النقاش والجدل حتى لو انك ماتغلطي عليه؟؟0000000000000كيف طريقتك في الاعتذار يعني تقولي له اسفه اناغلطت ؟0000000000000000000ان شاء الله الاقي رد على اسئلتي عشان اقدر افيدك بشي لو بسيط

شوفي زوجك على ما عودتيه

وانتي في بداية زواجك لا تعودينه انك ضعيفه عند الغلط

لان بعد سنين ان شاء الله راح تتطلع منه بلاوي مثل ما انتي شايفه بالمنتدى من قصص الزوجات وسكوتهن عن اخطاء ازواجهن من البدايه

اذا انتي غلطتي اعتذري له وقبليه بعد

بس اذا هو غلط لا تكلمينه واذا عند وما اعتذر بكيفه كلميه بعد فتره عادي كان ما في شي

بس غيري اسلوبك شوي معه وتحسسيه بالغلط يعني لازم يتعود على الاعتذار والله لو غلط على احد من اصدقاءه وزعل عليه كان اعتذر له .

شوفي هو يقولك تحلمين يبي يعلمك من البدايه على ان الغلط منه عادي وترى هذا للاسف بسبب التربيه الغلط بمجتمعنا ان الولد ما يعيبه شي وعاد يغلط ويمشي ... اسمعيها مني ترى الضعف عند الغلط ما تنفع مع بعض الرجال مو كلهم وللاسف مع الايام والسنين والعيال يستغلك مثل ما صار مع كثيييير من الزوجات.. واتمنى هذا ما يصير ابدااااا