مليت من مراقبتهم وحسدهم
 

السلام عليكم ورحمة الله وبركاته

يقال من راقب الناس مات هماً

لكن مع الناس اللي عايشه معاهم يراقبوني ويزدادون سعاده

متزوجة من 3 سنوات وعندي ولد .... ساكنه مع زوجي في منطقة تبعد عن أهل زوجي مسافة نصف ساعه ....

المشكلة ما أقدر أطلع ولا أروح ولا أجي الا يعرفون ..... ما أقدر أعزم ناس في بيتي إلا ويعرفون كنت مطنشة الموضوع واعتبره صدفة أنهم عرفوا من كان عندي أو وين رحت ووين جيت ..... لكن بعد 3 سنوات أكتشفت أنني مراقبة ؟؟

قبل أسبوع زوجي عازم 3 رجال فقط والعزيمة كانت على الضيق وشقتي اصلا صغيرة غرفة وصالة ...... المهم ثاني يوم اتصلت فيني اخت زوجي وتسولف عادي وتسلم عاد أنا من نفسي قلت لها امس كان عندي ضيوف وعملت لهم كذا وكذا .... وجاني جوابها .....قالتلي أدري حتى أني استغربت لي اخونا ما عزم أخوانه الباقين <<< يعني أني أنا السبب اللي ما خليت زوجي يعزمهم ؟؟

هذ مثال فقط ..... يا ناس والله أني ما أحب اغتابهم أو اتكلم عنهم لا بخير ولا بشر ازورهم وأوجبهم لكنهم مو مخليني في حالي ....

أهلي في دولة ثانية وازورهم كل 6 شهور مرة وأحيانا في السنة مره وسفرتي لأهلي فاضحيني عليها اي راحت لهم واشترت لاهلها اي وكل سنة رايحة لهم ؟؟ يعني بالله ما اروح زوجي راضي انتم ليه تتكلمون ؟

مقهورة يتدخلون في كل أموري ويزعلون اذا طلعت مكان وما علمتهم ابغى تكون لي خصوصيتي نفسي اسافر لاهلي او اعزم احد من غير ما يدرون لا تقولون زوجي المسكين هو يستغرب مثلي ومتضايق من هالموضوع للعلم اخوانه متزوجين وساكنين معاهم بنفس البيت بس ما يحاسبونهم كثري أنا ......

أختي الفاضلة

ومن هو الإنسان الذي يخبرهم بما يحدث عندكم؟

ربما يكون زوجك هو المراسل الرسمي لأهله بكل ما يحدث عندكم!!!!!

و عليكم السلام و رحمة الله و بركاته

صراحة يا أختي .. هذا اسوء شعور يمكن ان يتملك الانسان

عندما تنتهك خصوصياته و اسراره ..

و قد تملكني يوما .. و الله المستعان ..

و أنصحك تعرفي الانسان المخبر او المراسل ..

و انت ايضا .. امسكي أعصابك و لا تخبري الناس جميعا بتحركاتك ..

و الله يصلح الحال !

بوركت ِ

الله يعينج عندنا وعندج خير يا أختي تصبري بس علشان زوجج مادري هالنوعية من الناس وش يستفيدون لما يراقبون الأوادم بس يا أختي لا تحسبينهم مرتاحيين في عيشتهم بالعكس لو كانو مرتاحيين ماحسدوج هي الناس فيهم مرض نفسي ويحسون بالنقص علشان جذي يطالعون غيرهم يمكن ظاهراً أهمه مستانسين لكن ماتعرفين شنو في قلوبهم..

تقبلي مروري
أختج أم أحمديييي

والله الحال من بعضه الله يعينا وإياك ..


بس الحل بيد زوجك يقدر يوقف أهله عند حدهم ويمنعهم من التدخل بحياتكم..

أبو أحمد ..... مستحيل أن يكون زوجي ومتأكده من هالشيئ ..... شاكرة لمرورك

أبو فلان .... أنا ما اعترضت أني اسكن معاهم وزوجي هو الي أصر أننا نطلع لحالنا للعلم هو أخوهم من أبوهم فقط ... شكرا لمرورك

الوفية لوالديها .... والله يا أختي أني ما احب أتكلم عن خصوصياتي ولكن هم من يفاجئوني دائماً بمعرفتهم بتفاصيل حياتي .. شاكرة مرورك

um rawane ..... والله أنك صاادقة .... شاكرة مرورك

Assraar ...... كيف يمنعهم ؟؟ يقولهم بطلوا تراقبوني ... وإلا يرد عليهم يقولهم شدخلكم بحياتي ... صعبة حيل .. الله يعينا وإياك ... شكراً لمرورك

الحل بيد زوجك اولآ وآخرآ

انتي ما تقدرين تقولين لهم شي

انا بنظرى ان زوجك هو الى يقول لهم بطيبت قلب

ما يدري وش المشاكل الى بتقعين فيها

عليك بمناقشة زوجك عن هذا الامر وتأكدي من المرسل لاهله

عشان تنحل مشكلت يا اختاه

نتمنى لكم حياه سعيدة بأذن الله

تحيتي لك

[QUOTE=

Assraar ...... كيف يمنعهم ؟؟ يقولهم بطلوا تراقبوني ... وإلا يرد عليهم يقولهم شدخلكم بحياتي ... صعبة حيل .. الله يعينا وإياك ... شكراً لمرورك[/QUOTE]


تماماً مثل ما قلتي .. صحيح صعبة لكن لابد منها علشان ما يتمادون وتسببون في خراب بيتك .. لا سمح الله لكن ممكن تصير ..

بيزعلون منه شوي بس هو ولدهم مراح يهون عليهم ولكن لو تكلمتي أنت حيكون الوضع غير ويمكن يكون زوجك في صفهم مو في صفك ..

علشان كذا خذي حذرك واصبري شوي المسألة محتاجة وقت ..

وخليك سياسية أكثر ..

كان الله في عونك..