|
زوجي مسافر وانابعيده عن اهلي وبغيت اطلع عندوحده ( المشكلة حلت ولله الحمد )
السلام عليكم مشكلتي باختصار:
انني متزوجه لي اربع سنوات وعندي ولدين وزوجي سافرمكه مع اصحابه لمده ثلاثه ايام وراجع وقلت له بجلس يوم عنداهله لأن شقتي قريبه منهم واليوم الثاني كان فيه دوريه عندوحده من جماعتنا ومن هناك بروح مع اختي لكن رفض وقالي اجلسي في البيت واذااتبغين تروحين لأهلي روحي لهم واذاطلعوا من البيت اطلعي معهم واذاماطلعو اجلسي في البيت .وكلمت امه وقالت مابيروحون الدوريه تعباانه وقالت لي اذاتبغين تروحين روحي خلي اختك تمرعليك.وكلمت زوجي ورفض قال بيزعلون اذارحتي قلت امك راضيه وقلتله ابغى اروح كلهم مجتمعين وش اقعداسوي في البيت ورفض وقفل في وجهي وارسلتله اترجاه ماردعلي ودقيت عليه مايردوالايعطيني مشغول وبعدين ارسلي رساله وهذا نص الرساله(كيفك سوي اللي تبغين لكن ابغاك تعرفين شي واحد انك مره عاصيه ولاانتي رضيه وهمك كله يافي سوق والاحريم وتبغين كل شي على هواك لابارك الله فيك)رديت عليه وقلت (جزاك الله خير على الدعوات وماتلاحظ ان اغلب مشاكلنا اهلك يكونون فيهاواحب اقولك اني مابروح بنطم وبقعدفي البيت ولوعاصيه كان رحت من غيرماستشيرك الله يصبرني عليك)وردعلي قال(اهلي ابداعلي منك واللي يمشون فيه اهلي اناامشي فيه وتمشين فيه انتي رضى والاغصب خليك عاقله ومن اليوم وطالع اذاراحو اهلي تروحين واذاقعدوا تقعدين) مع العلم ان اهله مايحبون يجتمعون مع احد مع اناعائله واحده. تدرون وش فكرت فيه فكرت اني اصبر الترم هذاعشان علي مادتين بخلصها وفي الاجازه بروح لأهلي وبطلب الطلاق. لان والله مايمرشهركامل الاونتهاوش فيه واغلب مشاكلناعن اهله.غيرانه مقصرفي حقوقي كثير غيرالاهانات والذل والظلم اللي انافيه. ليش يربطني بأهله انا ماتزوجت عشان اكون مقيده بأحد.واهله مايحبوني . وش الحل معاه؟ |
الصراحة معاه حق وأنت الغلطانة. ليكن في علمك أنه ما في رجال بالدنيا يرضى أنك تكلميه على أو تجرحي أهله حتى ولو أخطؤو.
ماشاء الله عليه, أما أنت فالظاهر أنك سطحية جدا, فكيف يعقل بإمرأة متزوجة ولها ولدين أن تطلب الطلاق لسبب تافه !!! هداك الله وأعان زوجك |
اخيتي
السلام عليكم ماهكذا تورد الابل .. اخيتي انتي متعلمه وقبل ذلك أم لولدين .. صدقيني طلب الطلاق او كلمة طلقني على هذا السبب ,, اسمحي لي اقول لك غلـــــــــــــــــــــــــــــــــــــــطــــــــ ـــــــــــــــــــــانه لماذ? السبب بسيط والموضوع ابسط مما تتصوري.. لكن الوحده والنفس والشيطان هي من دعاك للتفكير بالطلاق ؟؟ اخيتي بارك الله فيك ... اهله هم أهلك ... اتريدين حل جذري لمشكلتك ... نعم قدمي تنازلات بسيطه ولو لمده ثلاثه شهور... حبي اهله وتعاطفي معهم وسيري عليهم واكرميهم .. وخصوصا أمه تقربي اليها وفتحي صفحه جديده .. دعي هذه المرأه " حماتك " تحبك اكثر من بناتها .. عند ذلك صدقيني ستجديها هي من تضغط على ولدها لكي يذهب بك الى اهلك وزياراتك .. وايضا ارجوا منك ان تخففي خرجاتك ..فالرجل احيان كثيره لا يحب زوجته تخرج .. غير كذا كوني ذكيه ..ذكيه جدا.. اطلبي طلبك من زوجك بذكاااااااااء.. وليس بامر... اطلبيه بالوقت والزمان و المكان المناسب.. كل مرأه ذكيه تعرف كيف تطلب من زوجها ولا يردها اختاري تلك الاوقات .. اهتمي باطفالك وبيتك وزوجك .. قدمي طاعته .. انتبهي لا ولادك وربيهم جيدا.. حببيهم باهله.. امدحي اهله عنده .. وايضا هل اذا لم تذهبي لحفله مثل هذه ؟؟ تنتهي الدنيا.. وتتوقفي عن الحياه .؟؟؟ لا ابدا .. كوني عاقله جدا.. الحياه صعبه وهذه مشكله سهله ... ارجوا منكي الحذر من هذا التكير الذي يخرب البيوت .. زوجك اكسبيه واهله اكسبيهم والخروج نظمي وقتك واختاري اوقات مناسبه لذلك .. واذا طلبتي زوجك مره لا تكرري الطلب.. بل ابتسمي ودعيه .. الله يوفقك ويهدي بالك وروعك ويستر عليك وعلى زوجك .. دعوااااااتك اخيتي. .. |
والله ماني مقصره مع اهله ولابشئ مع العلم ان امه بتدخل المستشفى الاسبوع القادم وقلت له انا بسويلهم الغدى والعشا لحدماتخف امك وبزرورها في البيت بين قتره وفتره اشوفها واتطمن عليه واذاتحتاج لأي مساعده.مع ان عندها بنتين كبار.
لكن الشريعم والخيريخص. مايبغاني اقصرعلى اهله لكن هومقصرمع اهلي ولايكلمهم كثير حتى اذاطلعنا زياراته قليله لأهلي. ومافي قوه بالكون تخليني اقدم اهله على اهلي مستحيل.اعاملهم بمايرضي الله وبمايرضي غرورزوجي معقول. امااحبهم اكثرمن اهلي لاااااااااااااااااااا. وبعدين وين السطحيه فيه لماقلت له اغلب مشاكلنا عن اهله.هذه حقيقه واتمنى ينتبه للشي هذا. |
اقتباس:
أنت إنفصلت عن أهلك وأصبح زوجك أعظم الناس عليك حقا , قبل حتى أهلك, أما هو فأمه أعظم الناس عليه حقا. إذا كنت تعاملين أهل زوجك بنفس معاملته لأهلك بأبشري بطلاق وشيك |
ليش الطلاق حبيبتي
على هذه النقطة البسيطة تطلقين لاااااااااا يجوز أقول لك اختي الغالية بس لا تزعلي من رأيي زوجك معه حق لازم تطيعيييييييه يعني لو ما رحتي ما فيها شئ اشغلي نفسك بأي شئ تاني و انسي الموضوع لا تقولي له تاني إنه أهله سبب المشاكل رغم إنك متأكدة من هذا الشئ لأنه راح يعصب و يزيد من عناده و تزيدين المشاكل بينكم لا قدر الله أصبري أختي و عاملي أهله كما يريد و لو مجاملة |
الله يساعدك اختي على رجل كهذا ..اسلوبه وقح
كأن الحرمه تتزوج ترضي اهل الزوج لو الله مكانج والله مااجلس معاه ثانيه حتى يتأدب ويعرف يحترم بنات الناس زين .. يااعيش مع انسان يحترمني ويقدرني كزوجه ولا يشوف روحه مع حرمه ثانيه تقدر تتحمله |
اقتباس:
حتى في ردك السابق كلام قاسي من وجهة نظري لا داعي له من وجهة نظري أنها أخطأت فقط في توضيخ موقفها لزوجها لم تغلط علي أهله أو عليه لماذا نستخدم كلمات جافة !؟ في نفسي كلام كثير . . هداك الله |
لا يا اختي
ليش تطلقييييين بسبب تااااااااافه !! ومافكرتي بأولادج الاثنين شلون بيعيشون من غير ابوهم ! انا من رايي تصبرين وتحتسبين الاجر (أجر طاعة الزوج) عشان خاطر اولادج وماتدرين يمكن بيوم من الايام الله يهديه ويصلحه ,, يا اختي الطلاق مو شي هين الطلاق دمااااااار ! فكري بأولادج وذكري حسناته وانسي سيآته وان كنتي مظلوومه فأجرج على ربج ، حالج يا اختي احسن من غيرج قوولي الحمدلله في حريم ازواجهم مخدرات وزنى وخيانه ومايعطيهم مصروف ويدخل بإهانه ويطلع باهانه وتلقين زوجته صابره ومحتسبة الأجر لأن ثقتها بربها كبييره وعشان خاطر الاولاد ،، _ (بعيد الشر عنكم)_ الله يهدي زوجك يارب ويصلح بينكم ولا حول ولا قوة الا بالله. |
عموما مشكورين على الردود وانا تأسفت من زوجي والحمدلله قبل اعتذاري وهومتضايق لأني مازوراهله دايم يعني زياراتي لهم من اسبوعين الاثلاثه اسابيع هذه قطيعه والاعادي انااشوف انهاعادي.بس يقول تهتمين في زياراتك للناس واهلي لا.انا اشوف ان معاه حق.
|
| الساعة الآن 04:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©