منتدى عالم الأسرة والمجتمع - والله مو راضيه عن تصرفاتي

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - والله مو راضيه عن تصرفاتي (http://www.66n.com/forums/showthread.php?t=158648)

والله مو راضيه عن تصرفاتي

السلام عليكم ورحمة الله وبركاته

من زمان وانا متابعه هالمنتدى الرائع...واعجبني كثير تفاعل اعضاءه مع كل مشكله تطرح,,عشان كذا حبيت اقول مشكلتي ألي من زمان أعني منها ,,
أنا لي صديقه من ايام الجامعه بس ما قٌوت علاقتنا ألا بعد الزواج تقريباً من خمس سنوات فصرنا نكلم بعض يومياً..كنت احكيلها كل مشاكلي وهي كذلك..قبل تقريبا سنتين ما أدري كيف صار يجيني احساس غريب وهو اني ما أحس اني أحب لها الخير واغار منها مع اني الحمدلله ماينقصني شي..والغريب لما كانت تحكي لي عن مشاكلها مع زوجها داااااااايم اهديها واخفف عنها حتى هي دايم مايعجبها كلامي وتسميني ((نصيرة الرجال)) وربي شاهد علي أني اتحمس لهل وتشغلني مشكلتها لحد ماتنحل,,,,وبعدين يجيني هذا الاحساس الي اقولكم عنه,,,,استغفر ربي كثير واتعوذ من الشيطان الرجيم,, ودايم اكرر هالدعاء((اللهم اني اعوذ بك من شر نفسي.......))
بصرلحه احس ان عندي انفصام في الشخصيه !!!!!!!! :(
على فكره حتى هي ملاحظه عليها غيرتها وهالشي متأكده منه مو ظالمتها للأسف.....
عشان كذا احس الي بينا مو صداقه حقيقيه :confused:
ساعدوني او على الاقل قولوا رأيكم يمكن يريحني شوي........س

,
,

لازم هالغيرة طبيعية بين الحريم ..

بس كانت مختفية قبل الزواج وظهرت بعده ..

والحل

1- إنكِ ماتقوليلها عن أي شيء يصيرلك في حياتلك الزوجية سواء طلعتي دخلتي زوجك جابلك هدية او حتى لو فيه مشكلة ماتقوليلها ..

2- قلَّلي من المكالمات بينكم ..

3- إحذري الحسد لأن الغيرة تأتي بالحسد والحسد يأكل الحسنات ..

4- ذكري حديث النبي صلى الله عليه وسلم : حب لأخيك ماتحب لنفسك .

,
,

خففي من المكالمات معاها. انشغلي عنها
شوفي لك دورات...او دراسه او اي شي يلهيك عنها. لا تكلمينها كل يوم
لا تتكلمين معاها في امورك الشخصية. اذا سألتك ليش انقطعتي عنها
قوليلها انك مشغوله في البيت و ما عندك وقت بسبب الاولاد.

يمكن جاتكم عين لانكم صديقات متفاهمات
حاولي تبتعدين عنها قليلا
عشان تحبينها أكثر

اقتباس:

المشاركة الأصلية كتبت بواسطة ( أبوفلان ) (المشاركة 1770046)

والله أنا أقول زي ماقال أخوي أبو فلان ، الظاهر أنتي وياها كل وحدة تقول للثانية وش سوالها زوجها ، ومع الوقت صارت كل وحدة تحس أن زوج الثانية أحسن من زوجها وصرتوا تغاروا من بعض ، يعني أنت تغاري منها تحسي أنها ماتستحق زوجها ، وهي نفس الشي تغار لأنها تحس أنك ماتستاهلي زوجك ، وهذي غلطتكم ، المفروض ماتقولي لها أن زوجك سوالك شي .. المفروض تقول لي لها أنا سويت لزوجي كذا < عشان تعطيها أفكار تسويها لزوجها وهي نفس الشي تعطيك افكار تسويها لزوجك ، أما لما تتكلم عن زوجك ووميزاته مع الوقت راح تحب زوجك ، وانا مرريت بهذي التجربة ، يوم أهلي يسولفوا عن بنت قدامي مع الوقت صرت أحبها وأغار من أقرب الناس لي عشانها ، والحل الحين أنك تخفيفي من زياراتك لها زي ماقالوا أخوانا اللي في المنتدى .. عشان تحسي بمميزاتها وثاني شي لاتقولي لها وش سوى لك زوجك ، يعني زي ماقال لك أبو فلان لاتقولي لها جاب لك هدية ، قال لك كلمة حلوة ، قال لك شي يضحك .. يعني يمكن زوجك دمه خفيف وزجها كويس وعنده مميزاته حلوه كثيرة بس ماهو خفيف دم < كذا راح تحقد على زوجها وتحس أن ناقصه شي مهم ، وإذا هي تكلمت عن زوجها حاولي تغير الموضوع إلين هي تتعود أنها ماتقول لك وش يسويها زوجها ، بس ترى مافي مانع أنك تقول لي لها أنك جبتي لزوجك هدية ولا قلت له كلمه حلوة ، وتنصحيها وتقول لي لها سوي كذا مع زوجك ، تكسبي أجر وتفرحي زوجك وتنصحيها إذا اشتكت لك ، وحط في راسك أن الصداقة لازم يكون فيها خطوط حمراء ولا بعدين بتنقلب عداوة ، ولاتنسي تكثري من الاستغفار ، قال رسول الله صلى عليه وسلم ( من لزم الأستغفار جعل الله له من كل هم فرجا ً ومن كل ضيق مخرجا ً ورزقه من حيث لايحتسب ) .
يمكن لي رجعه .

ألف شكر لكل من رد وتفاعل
ابو فلان
بيربري
جاليسا
بآرد
شاكره تفاعلكم معي وفعلا انا حاولت اني ابتعد عنها كذا مره ...
وكل مره تسألني ليه أنا تغيرت عليها ؟؟؟؟
وشوي شوي ترجع مكالماتنا زي اول......