![]() |
احتاج الى آرائكم ...
السلام عليكم ورحمة الله وبركاته...
انتم الخير والبركه في هذا العالم وبالأخص في حياتي ...فأول ناس احب استشارتهم هم انتم ..فوقكم الله في حياتكم...حتى لا اطيل عليكم سأكتب المشكله : خالتي اللي هي آخر العنقود تم عقد قرانها ب3 اسابيع من بعد وفاة عمها ... والعائله كلها متحتجه عليها ...ليش تملج الحين مب وقت مناسب...علما بأننا لم نحتفل ولا تصفيق ولا شريط ولا هم يحزنو ن رغم انها آخر وحده واصغر وحده من حقها تفرح بتقولون ليش ما أجلتوا؟ لأن هاي المره الثالثه نأجل قبل ما يتوفى العم ..اهل المعرس اجلوا لأسباب خاصه...والمره الثانيه لأن العم توفى...والمره الثالثه كان فترة عزى واستحينا...لكن بعد مرور 3 اسابيع تم عقد قرانها مجرد كتابه بلا حفله على اساس يكون محرمها ويبي يأثث بيته بسرعه والمعرس مستعيل حده...زين منه صبر كل هالمدة ....وخفنا يزهق من كثرة التأجيل...والواحد ما يقدر كل مره يأجل ماندري شو بصير حتى لا اطيل عليكم ...هل خالتي غلطانه انها ملجت؟ ولا الأهل غلطانين لأن عاتبوها اريد آراء صريحة........ومشكورين مقدما الاشراف : توضيح الخط . |
رأيي بصراحة ، خالتك مو غلطانة أبدا
و العزاء 3 أيام فليه نحط شرع من عندنا ؟ و إذا على إحترام الأهل و مشاعرهم فهذه ثالث مرة تتأجل و الأمر الآخر إنتوا ما حطيتوا لا تصفيق و لا يحزنون أختي لا تهتمي لكلام الناس هذا رأيي بصراحة |
أبداً مش غلط " خير البر عاجله " ........ وبعدين كان بدون مظاهر إحتفال وهذا يكفي ........ الله يوفقها ويرحم ميتكم ويغفر له ...... |
روح الطير...ونور الأوطان....سلمت اناملكم على الردود الطيبه
فعلا كلامكم صح ونحن بعد نقول هالكلام...لكن وين اللي يفهم ويقدر ..الأهل اللي هم اهل ما باركوا اما الغرب اللي ما يقربون لنا ماشالله تبريكات ورى بعض سبحان الله دنيا !! وخالتي يحليلها من ملجت ماتهنت كل يوم تسمع كلام يجرح...الله يعينها يارب ومشكورين على مروركم الطيب |
لا ماغلطت هذولا الناس يدور اي شي يتكلمون عليه لو بعد ثلاث شهور
|
:) مشكور اخوي على رايك الطيب ....جزاك الله خير
|
انا احس انا لو اتاخرت لما تنتهي زوجة عمها من العدة ..مو عشان شي بس عشان تسلم من ألسنة الناس
والله أعلم |
,
, مبرووووووووووك الزواج .. الأهل غلطانين بلا شك .. هي أجلت بما فيه الكفايه .. كان بعض الصحابة تتوفى زوجته في ليلة ويتزوج بنفس الليلة أيضا من إمرأة أخرى .. لايوجد بالشرع شيء إسمه تأجيل من أجل العزاء .. وإنما هو محكوم بالعادات والتقاليد ومادام أنكم أجلتوا الملجة إلى 3 أسابيه فهي كافيه جدا .. أنا تزوجت بعد وفاة عمي ب 10 ايام ولا أحد تكلم لأن كنت مأجل الملجة شهر بسبب مرضه .. , , |
وعليكم السلام ورحمه الله وبركاته
اولا الف مبروك لها واللهم بارك لهما واجمع بينهم فى خير وبعدين فى معنى لحديث الرسول صلى الله عليه وسلم انه مايجوز الحداد والحزن على الميت فوق 3ايام الا الزوجه لمن يموت زوجها وخالتك انتظرت ثلاث اسابيع جزاها الله خير ومافيها شى الى عملته اعرف ناس يالطيييييف يمسكو لمن يموت لهم ميت سنه ويمسكو مع الناس الى يحبوهم ويالطيف تلاقيهم خلاص قطعو الناس والافراح من كثر مايمسكو على فلان وعلان ولاحول ولاقوه الا بالله ماعملت شى يغضب الله والحى ابدى من الميت الله يعطيك العافيه لك فائق احترامى |
FTAMY ..اهلا فيج اختي...بالنسبه للعدة فأنا قلت قبل ذلك ان المعرس مستعيل حده...وكم مره اجلنا فااستحينا هالمره نقول بعد 4 شهور ...لأن هو يبي يتزوج في الصيف ويبي يعقد قرانه على اساس ان خالتي تطلع معاه ويأثثون بيتهم..عموما مشكوره اختي على رايج الطيب ...
ابو فلان...حياك اخوي والله يبارك فيك ...والله كلامك صح الواحد يخاف يأجل ومثل ما قلت عن الصحابه نفس كلام ابوي ...يالله شو نسوي بعد الله يصبرها على كلام الناس ويقوي قلبها.......عموما مشكور ابو فلان على مشاركتك ما قصرت ماء القمر هههه عاد اهلنا من هالنوع ...اذا حد توفى خلااااص انسي الفرح بكل انواعه ...الحمدلله على كل حال والله يصبرهم على فراق المرحوم ويصبر خالتي على كلامهم ....شو نسوي هاي الدنيا حزن وفرح ...صح كلامج يعني ما سوينا شي يغضب الله لأن الموت حق والزواج بعد دين وحق ...مشكوووووووووووره ماء القمر على رايج دمتي سالمه ^_^ |
الساعة الآن 03:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©