|
ايش الموضوع الى اثر على حياتك
السلام عليكم ورحمة الله وبركاته
من زماااااااااااااان وانا اتجول فى المنتديات واقراء مواضيع شى يفيدنى وشى لا وشى ظاهره فائده وباطنه الله المستعان ومره كنت بقراء فى موضوع نصائح على شكل نقاط للزوجه الى تبغى زوجها يهتم فيها والله كانت حياتى كويسه مع زوجى لاكن زود الحرص الى مو فى محله طبعا انا كنت كل يوم اجلس مع زوجى اقرقر فوق راااسه(اتكلم معاه) مو دائما يرد على كل كلامى وكنت انقهر منه انه ليش مايبادلنى يعنى ويحسسنى انه فهم كلامى او او او او ........ألخ وفى الموضوع الى قريته قلت لكم كان نقاط وقالت الادميه انه النقاط ماتناسب كل الاشخاص فاكل وحده تشوف الى يناسبها مع زوجها اذا احتاجت ومن نقاطها انها اذا كانت الزوجه تتكلم مع زوجها وهو يبدى عدم الاهتمام تبداء تقلل كلامها وبس تتكلم الضرورى عشان تصير غامضه والزوج يبداء يحكحك فيها(يسئلها ويتحرك ويناقش) ويالله ياماء القمر ابدئى من اليوم ماتحكيله شى ولاتكلميه فى حاجه الضرورى الضرورى بس ليش عشان ابغاه يناقشنى ويكلمنى مو بس يسمع ونشوف تعليق بسيط فقط طيبا انمغصت بطنى وطبقت النصيحه وليتنى ماطبقتها صار زوجى متملل (مسكين عاجبته بس مايعرف يتفنن فى الكلام) يقولى اتغيرتى وووو بدئت المشاكل عتابات متناثره اتهامات مالها داعى لاكنى اتعلمت وصحيت الحمد لله وصلحت الى خرب من ذيك النصيحه واتعلمت وعرفت الرجال مو كلهم سواااا فعلا اصابعك مهى سوا ولاهى وحده وكل مين يحاول يتأقلم ويتكيف مع حياته مو يحاول تغير شى مستحيل يتغير للجميع ماابغى شكر على طرح الموضوع ابغى مشاركات وتجارب ونصايح موضوع له هدف انننا نستفيد من بعض ونتعلم ونعرف لكم فائق احترامى |
هلا بالغالية - الشيف ام انس
موضوعك صحيح مو كل نصيحة نطير فيها ونطبقها لازم تعرفين ان الرجال ماهم زي بعض بعض الاخوات الله يهديهم تعطيك نصائح على العموم ولا كان فيه فروق في التفكير والتربيه والمجتمع عند الرجال وحدة الله يهديها تقول - اذا زوجك اعتذر لك لاتجين مخفة وترضين بسرعة حسسية بغلطة لو اعتذر عشان مايغلط عليك مره ثانيه - انا طبقة النصيحة على عماها وانقلب الزعل علي وصرت انا الي اراضي فية يقولي اعتذرت لك وبعد ماهو مرضيك ايش اسويلك انتحر عشان ترضين والله الرجال صادق ايش اكثر من الاعتذار وتجيك وحدة وتقولك تغلي علية ولاتبينين انك مشتاقة - في العلاقة الزوجية - انا الحمد لله ماطبقتها لكنها والله نصيحة مخربة للبيوت صحيح الله خلق وفرق وطريقة التعامل مثل العلاج الي يصلح لواحد موشرط يصلح للثاني .. والف شكر لك على هذا الموضوع الرائع . |
والله معاك حق يا ماء القمر
. ساروا ازواجنا فئران تجارب كل شيء في النت طبقناه عليهم وهو المفروض نستشيرهم اذا يعجبهم التغير للشيء هذا ولا لا . بس انا مقتنعه انه الرجال لهم اسلوب موحد في الاساسيات وبعدين فيهم اختلاف في ..الشخصيه والميول والتفكير . يعني لمى تقرأي كتاب الرجال من المريخ والنساء من الزهره حتلقي نصائح رائعه للازواج والزوجات . اصلا لمى تقرأي وصف الاشياء الي تحبها المرأه او تكرهها تقولي سبحان الله كيف ان هاذا الكاتب مبدع كل كلمه مكتوبه اقول معاها ايوه انا كذا والنصائح الي فيه عن الرجال ..يقول عنها زوجي انها صحيحه . . . لكن بعض المشاكل تسير البنت ما تعرف ايش تسوي حتى تحلها زي الغرقان الي يتعلق بقشه حتى ينقذ نفسه |
هلا فيكم اخواتى
شكرا لكم ولتعليقاتكم يقولك كل طقه بتعليمه الله يهدينا احنا لو نفكر شوى قبل ان ننفذ كان اترحمنا كثييير تسلمولى قمارى نورتو |
ماشاء الله
ياجبل مايهزك ريح |
,
, صحيح أختي الكريمة ليس كل مايُسمع يقال أو يطبق خاصة في الأشياء التي تتعلق بالطبائع فليس كل الرجال سواء ولكنك لم تخسري شيئا حين طبقتيها فقد تعلمت تجربه فاشلة لن تعودي إليها واستفاد منها غيرك من كلامك هاهنا فبارك الله بكِ أولا وآخرا , , |
بارك الله فيكى أختى ام انس
لكن انا ماعنديش اى موقف ممكن يفيدكم بس متبعه الموضوع للاستفاده منه |
جزاكم الله خير
والله يجبر بخاطركم نورتو |
والله موضوعك روووووعة ومشكلتك نفس مشكلتي بالضبط والتمام سويتها مرة مع زوجي ولا جابت نتيجة الا عكسية وبعدها بطلت اسوي شئ الا اذا حسيت انه بيناسب طبع زوجي لانه من النوع الساكت والكتوم
|
هلا فيك اختى
الله يسعدك وييسر امرك ويستر عليك الله يعين بس على الحياه لاززم نتكيف ونحاول قدر المستطاع اننا نتغافل عن العيوب ونشوف حسنات رجالنا ولا راح تسود الحياه فى عيوننا ومانشوف الا النكد تسلميلى حبيبتى على مرورك وردك نورتى |
| الساعة الآن 04:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©