|
بنت تلاحق زوجي وخايفه من اغوائها له ( حلت المشكلة ولله الحمد )
السلام عليكم
زوجي له فتره حاط رقم سري لجواله واول كان عادي مافيه رقم وكنت دايم اشيك على جواله اذا نام ها المره استغربت انه حاط قفل وزاد فضولي اكثر قمت قبل كم يوم قزيت الرقم السري تبعه يوم صار قبل اشوي واشوف جواله قدامي وهو نايم اخذته وكا العاده رحت للرسائل واقرا واقرا الا طر طخ كن احد صفقني كف لقيت رساله تقول طيب رد علي اذا كنت مهتم او لا وانزل والقى يمكن 7 رسائل مرسلتهم وحده في البدايه امسويه نفسها طالبه وتقول في رسالتها هاي العنود ليه ما جيتي للمحاضره اليوم وشكله ما رد عليها قامت ارسلت وقالت العنود ردي علي انا فلانه الفلاني وبرضو ما رد عليها لاني شفت الرسائل المرسله بعدين ارسلت رساله قمه في السخافه ابزعمها تستهبل على صديقتها قام هو ارسل رساله وقال غلطانه قامت ارسلت رساله ابزعمها تعتذر وانا اسفه وما كان قصدي هو ما رد عليها بعدين ارسلت وقالت ما عليه انا عمري 19 واشتغل في بنك واعجبت بي اخلاقك وانا اشتغل في البنك الفلاني بس انت وش اسمك لاني ارسلت لك اسمي وطنشها ما رد بعدين ارسلت رساله قالت والله انا ابي الستر وعندي فيلا من ابوي وما ابي غير الستر ..... قام ارسل لها رساله وقال الله يستر عليك انا متزوج واحب زوجتي قامت ارسلت له وقالت الله يهنيك بس انا ما ابي غير الستر وطنشها قامت ارسلت له من بكرا رساله وقالت ما رديت علي وانا والله معجبه بخلاقك لانك محترم بعدين ارسلت رساله ثانيه وقالت طيب ارسل لي اذا انت موافق على عرضي والا لاء رد علي وبعدها ما ارسلت شي عاد دورت با المكالمات مالقيت مكالمات لا صادره ولا وارد ولا مستلمه الرقمها بس ابليس بدا يلعب فيني وخايفه ان الرجل يكون حطها في باله او صار شي ودي اروح واواجهه مع اني حذفت كل مسجاتها من جواله والله اني منقهره ومولعه ومدري وش اسوي تم تعديل العنوان الاداره |
حسبنا الله ونعم الوكيل في كا وحده تخرب حياه اي انسان فعلا هذي موادميه
هذي شيطان في صوره انسان ادعي لزوجك ان الله يحفظه ويبعده عن بنات الحرام والله انها فتن اسال الله ان يكفينا ويحمينا الله يفرج همك ويرد كيدها في نحرها |
والله يا ام السوسه انها ضايقه فيني الوسيعه وبعدين ليه حتى يرد عليها ويقول غلطانه كان طنشها او جا ووراني مع اني قريت رده عليها انه متزوج ويحب زوجته بس ولو الشك لعب فيني
|
تكفيكي هذه الكلمه
اقتباس:
لا تفتحي باب الوساوس والشكوك اقتباس:
لا تشيلي هم الله يفرج همك ويستر عليك |
مدري بس بصراحه يا العريس الشك ذبحني وونفسي اروح واصارحه لاني ماني طايقه منه كلمه
|
يمكن ما يبي يقولك علشان ما تزعلين
عموماً الوساوس والشكوك من الشيطان فتعوذي منه لا تفتحي باب الوساوس والشكوك لأنك لو فتحتيه حتعيشين في دوامه والله المستعان |
حبيبتى فى الله زوجك مظلوم
ومن المتوقع أنه حط رقم سرى لكى لا تغضبى أنت.............و إلا كان راسلها و استجاب لها واستغل الفرصة هى ترسل له........أنت كمان اشترى شريحة موبايل ولا تقولين له أنك فتشتى فى هاتفه و أيضا لا تقولين له أنك أنت الذين تراسلينه على الموبايل وارسلى له أنت كمان .........طالما أنك تعرفين اسمها ارسلى له ..... ارسلى له وقولى له احذر من فلانة وانهالى عليه بالرسائل الوعظية: اتق الله حيثما كنت ..اتق الله تجده تجاهك احذر أخى فى الله من بنات الهوى لا تجعل الله أهون الناظرين إليك والكثير من أحاديث رسول الله صلى الله عليه وسلم ومن الرسائل الوعظية الأخرى وتجدين الكثير منها فى المواقع الإسلامية وبجانب ذلك كله ...............اهتمى به جدا و أسعديه بكل الطرق المتاحة لك ولا تعذبين نفسك من غير داعى وتجعلى ابليس اللعين ينكد عليك ويفرق بينكم من غير سبب . |
اقتباس:
حبيبتى أنت بذلك تدفعينه دفعا إلى الحرام يعنى الراجل لم يخطىء ولم يستجب لها أنت تعاقبينه وتعامليه بقسوة ولا تطيقنه من غير سبب وفى نفس الوقت واحدة تانية بترمى نفسها تحت رجليه.... .... |
ام عبيد الله انا حذفت رسايلها حتى لا يلعب عليه ابليسه ويخليه في يوم في لحظة ضعف يرسل لها مع اني الحمدلله زوجي يخاف الله ومحافظ على صلاته وحتى لو وثقت فيه ما راح اثق في بنت ابليس يمكن تعيد الكره وما راح اقول شكلي اني حذفتهم بسوي نفسي مدري تتوقعون كذا صح بس انا من النوع لي مقدر اتظاهر انه مافيه شي لما اكون متضايقه يبين علي
|
اختي الكريمة
لا يجوز لا يجوز لا يجوز شرعاً ان تقومِ بتفتيش جوال زوجكِ هذا من التجسس وهذه أمور خاصة بالدرجة الأولى بزوجكِ ولا يحق لكِ البحث فيها إذا شككتِ في زوجكِ فصارحيه وتحدثِ معه أم هذه الطريقة فقد نهى الله ورسوله عنها فتقي الله لا يستدرجكِ الشيطان من باب محبة زوجِ إلى النار مالذي سيحدث ؟؟؟؟؟؟؟؟؟؟ إذا لاحظ زوجكِ هذا التصرف !!!!!!!!!!!! الله الله يا اختي الكريمة راقبِ الله في تصرفاتكِ يسعدكِ في الدنيا والأخرة اللهم ابعد عنها وعن زوجها أعين الحساد والحقاد والسحرة والمشعوذين بوركتم |
| الساعة الآن 08:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©