|
مليت من الروتين ابي اصير فرفوشه واغير جو البيت
السلام عليكم ورحمه الله وبركاته
حياتي انا وزوجي روتين وطفش زوجي 24 ساعه مشغول يرجع للبيت فااااضي مخلص الشحن عنده كل الكلام يطلعه برا البيت ولما يرجع للبيت يكون مره خالص زوجي يداوم من ست الصباح وعنده محاضرات في الجامه ولليل عنده تجارته الخاصه شوي بعدين يطلع ولا يرجع الا الساعه 12 بالليل كذا حياتنا يجي للبيت احط الغداء يريح شوي ويطلع ويرجع الليل احط العشاء يقول كلمتين بختصار وينام لا سوالف لا مزح لا ضحك روتين من جد طفش انا مرحه واحب الضحك وعند اهلي امزح وارقص بس عنده لا حاسه بروتين وان الجو مايساعد ابي اغير الروتين هذا ابي سوالف ضحك مزح ياربي وش اسوي عشان اخلي زوجي يفرفش وينسى التعب |
السلام عليكم...
صارحي زوجك ...بما تشعرين به ... ضروري ان يستشعر اهميتك ...واحساسك ومدى احتياجك العاطفي والنفسي.. اجلسي جلسه هادئه معه وبيني له ذلك ... هل جربتي مثلا ترسلي رساله تخبريه بان لا يتأخر هذه الليله لانك محضرتله مفاجأه مثلا .. هل جربتي ان طلبتي منه المكوث بالبيت يمكث.. هل زوجك مشغول على طول ؟؟ ام اوقات العطله نهايه الاسبوع موجود وتخرجون وهكذا ؟؟ اخيتي الفاضله حل مشكلتك بيدك بعد ان تتكلي على الله سبحانه ...اكثري من الذكر والدعاء ... ثم شمري عن ساعديك واطرقي كل الابواب التي تجعل زوجك عندما يغادر منزلك قلبه معلق بالرجعه اليه .. اخيتي انتي حديثه زواج فانتظري لكن لا يطول بك الحال .. انتبهي على بيتك وزوجك .. بعدين اوصيكي بان تخبري زوجك ...ان المال ليس اهم شيء بالدنيا غدا سيأتيكم باذن الله اولاد من يربيهم انتي فقط وهو جامعه وعمل الى متى ؟؟ ومتى سيرتاح بعد كم سنه ؟؟ اعذريني ولكن عنما ارى افراد تشتتوا بالمجتمع والسبب لهث الاب وراء الماديات لهم ولهث الام وراء وظيفتها والابناء ينتهون الى لا شيء.. اخيتي الفاضله ... بارك الله فيك .. ابحثي بالموقع هنا عن الرومنسيات اللازمه لتغيير وكسر الروتين ستجدينها.. لكن ما يهم هو .. كيف تتعاملي مع زوجك ؟؟ كيف تقدري ضروفه ؟؟ ايضا حياتك في بيت اهلك غير حياتك الزوجيه ؟؟ لا تحلمي كثيرا بالمثاليه فتصتدمي بالواقع فيتولد اليك شعور الكراهيه للزواج ؟؟ لا تنتظري ان الرجل يبادر بل انتي كوني المبادره ؟؟ غيري من روتين بيتك وملبسك و اكلك ونحوها ؟؟ غيري مره رساله جوال ومره رساله بورقه في جيبه تعبر عن حبك واشتياقك له .. وغيره حقيقه اهم شيء.. الاتكال على الله .. الصبر.. الدعاء.. هذا واسال الله لكما التوفيق .. السيف المهند .. |
الله يعينك على هالروتين من جد طفش بس اقولك اذا كان ساكت انت تكلمي سولفي سواليف خفيفة دم تكلمي معه عن يومك اش شوفتي في التلفزيون مثلا وناقشيه في اي موضوع سمعتيه وخليكي مرحة في التعامل معه صلحي مره في وقت العصر قبل مايطلع قهوة وحلى لان قعدت القهوه حلوه وحاولي ان ماتكون جلستكم ممله . اطلبيه يوم يقعد السهره عندك والتعاملي معه كأنه ضيف و ونسيه حتى لا يطفش ويصير يحب من فتره لفتره يقعد في البيت والله يسعدك وهنيك
|
هلا فيك اخوي السيف المهند
باقي لي كم يوم واكمل الاربع سنوت من زواجنا وعندي طفل وحياتنا الحمد الله مستقره بعيده عن المشاكل وزوجي طيب والحمد الله دايم احمد ربي على انه رزقني زوج مثله بس مشكله انه بارد عاطفيا وانا انسانه حساسه ورومانسيه ما احس ان فيه مشاركه بينا السوالف شبه معدومه بينا كلمه ورد غطاها احيانا يمزح بس نادر وسواليفه محدوده ومكرره لا جديد ما احس اني فعلا شريكه حياته ولا مره شكالي همه ولا مره خططنا لمستقبلنا اشياء كثيره عن زوجي اعرفها من صديقتي الي اهي زوجه اخوه اخوه كل شي يحكيه لزوجته واحيانا اقوله ويقول وش عرفك اقوله اخوك قال لزوجتك وهي استغربت اني ما عندي خبر واني اخر من يعلم ابي احسسه انه لازم يحكي لي قبل لا يعرفون الناس اقتباس:
http://www.66n.com/forums/showthread.php?t=144530 انا عاذره زوجي انه مشغول وما احب اكلف عليه اطلب منه على الاقل يعوضني انا وولده ونطلع مره في الاسبوع نتعدى ونتمشى بس هو شايف ان كل اسبوع نطلع كثيره وش اسوي معاه حتى اثاث البيت مانتشارك في الراي مع بعض يا اهو يشتري شي لحاله وانا اشتري شي لحالي مستحيل نطلع مع بعض ونختار لما اقوله يقول انا مشغول روحي انتي وختاري الي تبغين وش اسوي من جد مليت لا مشاركه في اي شي وش لون يسمون الزواج شراكه وين هالشراكه ما شفتها ولا عرفتها؟ |
اختي الاوزون
دايما انا اسولف معاه بس يعلق تعليق بسيط ويسكت ما في مناقشه ابد الا ناااااااااااااااااااادرا امس كان رايح لزواج اخته سئلته كيف الزواج قال تمام قلت شفت الوالده قال ايه قالت مبسوطه قال ايه قلت العريس كبير والا صغير قال يعني قلت حلو والا شين قال مش بطال شفتي كلمه ورد غطاها زهقت وقمت رحت اسوي رضعه لولدي رجعت لقيته ناااااااااااايم عطيته بوسه وقلت له تصبح على خير وقلت في بالي اللهم طولك ياروح من جد زهق |
والله حزنتيني حاسة فيكي انا زوجي فيه تقريبا من زوجك نسبة 70% وفوق هذا مو مخليته على راحته دايما اتخاصم معاه ليييش سااااااكت في شئ مو عاجبك فيني انت ماتحبني يقولي لا بس احنا الرجال كذا نعبر عن حبنا بالافعال مو الكلام الفاضي وانا مشكلتي انه اخوه من النوع اللي يدلع زوجته ويمدحها بالكلام وانا انقهر واقوله ابيه يتحمس يصير العكس يعصب علي ونزعل كل يوم على هالحال طفشت من سكوته
الله يعيننا على رجالنا المملين |
اهم شيء انك تقولين له اللي بخاطرك حتى يعرف حقيقة مشاعرك وبنفس الوقت علشان انتي مايصير عندك كبت واشغلي نفسك بهوايه مثل الرسم وعلمي طفلك قران اذا كان في عمر يفهم ويتكلم فيه يعني مثل كذا واحمدي ربك والله عندك وقت كبير وهذي نعمه من الله لكن اعرفي ان تستغليه في كل شيء مفيد
|
هلا فيك
والله انا كنت المح له بعدين صارحته وتكلمت معاه بس هو كذا خلاص مايتغير اذا اكلمه يحس انه مقصر يعتذر ويقول وش اسوي انا ارجعللبيت تعبان ومرهق وهذا كله عشانك وعشان مستقبلنا اقوله طيب نطلع الخميس مع بعض نتمشى يقول انا ما اصدق يجي الخميس والجمعه عشان ارتاح وانتي تبين تتعبينيك اهم هو لما يحس اني متضايقه من طلعاته يعوضني بالفلوس يعطيني كم الف ويقول انا اسف اقوله ترا الجلسه مع اهم من فلوس الدنيا كلها في بدايه زواجي كنت ازعل وابكي الحين تعودت وقدرت ضروفه بس مو لها الدرجه يكون بعيد عني لا سوالف ولا طلعات انا مو راعيه مشاكل اتكلم معاه بالي مضايقني ازعل كم ساعه ومايرجع للبيت الا يلاقيني ناسيه وراضيه حتى اني تعودت على طلعته ذاا جلس في البيت اتضايق لانه مقابل التلفزيون وساكت |
...
ماادري بس اتصور انه بعض الرجال بهالصورة خلقتهم جذيه باردييين وعمليين لاخر درجة فانتي خليك مرنة يعني اقبلي بطلعات لو كل اسبوعين مرة يعني اسبوع له اسبوع لكم انتي وابنك ويكون افضل لو طلعتوا شاليه او استراحه خميس وجمعه او مثلا مرة ودي ابنك عند اهلك واطلعوا فندق او شقة يوم كامل يعني حاولي تسوين اشياء جديده عليكم عشان روحك اولا وعشانه ثانيا لانه فعلا هالشعور متعب ان الزوج يعتبر البيت فندق يمره ياكل ويشرب ينام او يقابل هالتي في لكن والله ارحم بكثييير من زوج ضايع او عاصي او نكدي فالحمدلله مشكلتك نوعا ما بامكانك تصبرين عليها وماتدرين لو تغير مع الايام وماادري جربتي تطبقين نصيحة جنة الدنيا في موضوعك الاول ؟ ياليت لو جربتيها تقولين لنا شصار |
الحال من بعضه اختي
اذا لقيتي حل علميني فيه باءت كل محاولاتي بالفشل والله المستعان هذي طبيعه بشريه مو تصنع يعني ياا اقبله كذاا ياا اتركه اوجدي لنفسك مجالات ثانيه اذا ظروفك تساعدك بعمل او دراسه .. انا هالفكره ببالي بس لسى مانفذتها حاولي تقضي جزء من يومك في شئ مهم ومفيد لك ويرجع عليك بفائده هذا مخططي وبأذن الله راح انفذه وبعد كذا راح تلاقي وقت بسيط معاه وماراح تطفشي من قلة كلامه لانك بتكوني بنفس وضعه وحياتك مليانه غير عن مسئوليات البيت الله يهونها عليك وعلي ويفرجها من عنده تحياتي لك |
| الساعة الآن 04:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©