|
ايش رايكم بهاالزوج..
السلام عليم ورحمة الله وبركاته
انا حبيت اطرح موضوعي عليكم ياجماعه سواء شباب او صبايا ابي اعرف انا موقعي من قلب زوجي بصراحه تعبت لان فيه خصله مادري كيف اغيرها مادري هو عدم اهتمام ام عدم مبالاه كلهم نفس المعنى ادري:( بس انا في هاالمواقف احس اني ولا شي باالنسبه له المهم في يووم من الايام زوجي راح كشته مع اصدقاءه من العصر وانا طبعا بيت اهلي والمكان الي راح له مدته ساعه ونصف انا قلت له يازوجي العزيز اول ماتوصل دق علي وطمني المهم الرجال مشى ووصل وانا انتظر ساعه ساعتين ثلاث مادق انا بيني وبينكم خفت وانشغل بالي عليه ومسكة الموبايل ودقيت الجوال مغلق هو طبيعة المكان الي فيه مافيه شبكة وانا محاولات مريره مع هاالابراج المهم المه علق الخط وفرحت <<<في نفس الوقت حسيت بعزة نفسي وسكرته على طول قلت في خاطري كاني قاطه نفسي عليه خليه هو يدق لما يشوف مس كول وبعد ماسكرته مادق نفس الشي ساعه ساعتين ودقيت الجوال مفلق تضايقت ورجعت لمحاولاتي المريره :16: المهم وخفت عليه وتحسفت يوم دقيت وسكرت << احسن ماتنفعني عزت النفس الحين وتخيلو يوم جا بيرجع اول ماشغل السياره مادق انا الي دقيت مع محاولاتي المريره سمعت صوت السياره توها تشتغل يعني يقدر يدور مكان فيه ابراج ويتطمن على زوجته صح على الاقل يرسل مسج صح انتو ايش رايكم انا بصراحه احس انه مايهتم من هاذي الناحيه لما يكوون مع ربعه ينسى انه متزوج هل هذا الزوج يحب زوجته كيف اوصل له هاالمسج الي في خاطري بطريقه هاديه وابيه يحس يتانيب الضمير ادري اني ادوشت راسكم بس ابغى رايكم |
حياك الله غاليتي انتي مثل زوجي وانا مثل زوجك انا عند اهلي ماتعودنا اذا رحنا مكان نتصل ونقول وصلنا المكان الفلاني وبعد مانرتاح ادق على اهلي ابلغهم زوجي لا اهله متواصلين معانا طوال الطريق ووين وصلتوا وكم كيلوا باقي ولما نوصل نكون تعبانين ونبحث عن سكن وهم معانا متابعين الصراحه يصير توتر وقلق عندنا منهم اذاً موضوع زوجك ماهو تطنيش زوجك يعاملك على ماتعود عليه فلا تقلقي وجهزي حفله حلوه لااستقباله |
هلا فيك يا دمعة حنان ...طبيعة الرجل كذا ..لا تزعلي وتقيسي مدى اهتمام زوجك فيك بهذي الطريقة ترى تتعبين..على قد ما تجمعين من اراء رائيك هو المهم جلسي مع نفسك وتاكدي انو زوجك عملك اشياء كثيرة لاجل حبك ...لا تفكرين بشي بسيط مثل كذا ..الله يوفقك
|
مشكووورين والله ان كلامكم مره يجنن بس انا ابغا احس اني شي يعني هو يحب دايم يطلع مع اصدقاءه اكثر مما يطلع معي
جتى لو طلعت معه اصدقاءه يزعجوونا باالاتصالات واول مانوصل البيت يتركني ويرووح لهم انا ابغا احل هاالمشكله |
انا زوجي مثلك وهالشي يقهرنننننننننننننننننننننننننننننننننننننننني .. اذا لقيتي اجابه عطيني
|
مشكووره حلمي قريب بس انتي ناقشتي زوجك ويش رده كان
|
نعم انا متأكد انه يحب زوجته ,,
لكن بعض الحريم بصراحه تقعد تشغل زوجها كل شوي مكالمه ,, اول ما يحرك منها ,,بعدها بنص ساعه , تمسك الجوال ,, هاه وينك يا عمري ؟ انا في الطريق ياقلبي ,, توصل بالسلامه ان شاء الله ,, الله يسلمك .. بعدها بساعه اتصال ,, هاه وصلتو ياحياتي ؟ الزوج ... لا تونا بالطريق .. الزوجه .. يوووه كل ذا طريق ,, يالله ,, الله يوصلكم بالسلامه .. امين (بدا يجف الاسلوب ) بعدها بساعتين ,, لا تقول ما وصلتو ؟ الزوج : يابنت الحلال وشفيك انتي اشغلتيني كني ولدك وقاعده تابعيني ,, الشباب يناظروني ويضحكون ,, انواع التعليقات منهم .. ( خايفه عليه ) (ماتبيه يفارقها) (تراقبه) اهجدي ,, طيب خلاص اسفه يا عمري ,, ( تحسفت ) مع السلامه ...... بعد كم ساعه والرجل في عز جلسته ,, تتصل : يقوم من جلسته ويقطع السالفه اللي بينهم ويرد على الجوال .. الو ... ما مشيتو ؟ لا ما مشينا .. متى بتمشون ؟ مدري .. يالله تراني انتظر .. خلاص يابنت الحلال نامي .. لا ابغا انام في بيتي .. اجل انتظري .. طيب لا تتاخر .. خير ان شا الله .. وبعض الحريم من الهبال اللي فيها تقعد تسوي حركات غريبه ,, مثلا تقعد تسمع صوت الهوا بسماعة جوال زوجها بتتأكد هو فعلا بالبر والا في مكان ثاني ,,, بعدها كل شوي مره مسج ومره ميس كول .. الى ما تخليك تمشي ,, بعدها اذا رجع ما ينتهي الموضوع ,, تكمل عليه اللي ناقص ... وش تعشيتو ؟ طبختو والا جاهز ؟ من طلع معكم ؟ طلع معكم فلان الخسيس (الله لا يحلله) ؟ ( فلان هذا متزوج زوجه ثانيه ) واذا سالتها وش جاك من الرجل يوم تقولين عليه كذا ؟ قالت ليش يتزوج على زوجته .. وهي اصلا ما تعرف زوجته ... بس كذا ,, فزعه مع بنات جلدتها ,, وفي اعتقادها ان فلان هذا بيخرب زوجها ويتزوج عليها في يوم من الايام .. ونست ان زوجها اذا كتب الله و تزوج عليها فهو متزوج عليها من تقصير منها ,, ومن هالكلام الفاضي اللي يخلي الزوج يكره احيانا ان زوجته تتصل عليه او اذا بدات بالاتصالات يقفل جواله او يحطه صامت.. عاد ادري انا مسكت فيكم طريق .. عموما تختلف انواع الاهداف للزوجات بالاتصال على الازواج اثنا طلعاتهم .. بعض الحريم فعلا تتطمن على زوجها لكنها تسرف بالطريقه ,, وبعضهن تراقب تحركات زوجها ,, وبعضهن بتعود زوجها على تقليل الطلعات ,, وبعضهن بتثبت لنفسها انها قادره على التحكم بزوجها ,, واسباب اخرى ضد الرجال ,, الاخت صاحبة الموضوع ترى كلامي لا يخصك بشي لكن خاطره وطلعتها ,,, |
فضحتنا
وااااااااااااااااااااو طفل تحدر مدمعه طحت عالعوق:D:eek: اتوقع كلنا يالحريم نفس التفكير من هالناحيه وربي
:o:o ضحكتني فضحتنا الله يجزاك العافيه |
اقتباس:
|
ياحريم اشطفن ازواجكن واعطنهم حريتهم ....خلوهم ...وانبسطن...تلقونهم هم الي يدقون عليكم كل شوين...
وصدقيني الرجل الي مايجب زوجته ...مومجبور عليهااااااا مو مثل المراه ...وريحن بالكن ... واكثر من الدعاااااااااااااااء |
| الساعة الآن 04:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©